前後見過幾位朋友試這間OWL，又影哂相話好靚咁，於是今晚跟舊同事聚舊就選嚟呢度。用餐可以散叫或點2人餐﹑4人餐﹑6人餐... 我地一行6人唔想諗，所以就揀左6人餐了！包是日餐湯﹑沙律﹑兩客小食﹑1客薄餅﹑1客意粉﹑1客意大利飯﹑餐飲及是日甜品，都好豐富下，等我詳細介紹下啦！

是日餐湯冇得揀，蕃茄"忌廉湯"，唔好意思，因為我唔食蕃茄，所以連名都唔記得了。但我就有吃餐包，係好香既香草包，每人有兩片，配自家制黑松露牛油有少少鹹，但同橄欖油黑醋就好夾。

跟住就上大蝦蘋果醋沙律，賣相非常好，味道也不錯！

小食三選二，有小吃拼盤﹑芝士煙肉薯條﹑芝士肉碎定腸仔薯角，我地揀左頭兩款。小吃拼盤包括炸洋葱圈﹑炸魚﹑炸蝦及炸雞"搥"，這是6人餐，但每款小食只有4件，初頭覺得搞錯，點解唔係每人一件呢，好彩咋，因為成個餐夾埋好多野食，所以一人一件既話反而仲多左，係咁以Share下反而仲好。芝士煙肉薯條既薯條唔係炸得好勁，啲色勁淺，但就肯定唔會燶，都夠芝味，好味！

薄餅都係三選二，有夏威夷薄餅﹑蕃茄水牛芝士同唔記得左！我地揀左熱選既蕃茄水牛芝士，一上枱真想嘩一聲，好多芝士，感覺好正！佢係新鮮蕃茄喺底，面頭再加水牛芝士，朋友話好好味！

意粉有什肉腸扁意粉﹑吞拿魚焗長通粉同香草橄欖油素菜意粉，我地選了什肉腸炒扁意粉，個人本身好愛扁意粉，繼而佢用好似中式炒意既方法(即豉油炒咁)炒，乾身同埋冇咁漏，唔錯既選擇呢！

意大利飯我地就揀大路既忌廉汁大蝦海鮮意大利飯，好多隻蝦，賣相也不錯，除了大蝦，內有魚﹑魷魚等，味道正常。

最後上埋餐飲及是日甜品。大路餐飲如凍咖啡﹑凍檸檬茶等不另收費，但轉特飲如士多啤梨朱古力就要加$10，個presentation都幾好架！而當晚甜品係士多啤梨雪糕拼Brownie，細心在個碟先雪凍，雪糕冇咁快溶，但如果個Brownie係暖既會更好，咁就有冰火交融既感覺了！

友人相約與wonderland聚餐，以為是wonderland too
原來分別有our wonderland 跟 wonderland too，但兩間wonderland應該屬同一老闆

連同同行友人共6人，於是點了一個6人 set dinner

有湯、一客沙律、小食三選二、pizza三選二、意粉三選一、意大利飯二選一、甜品及茶啡

忌廉薯仔魚湯：
夠香滑，不會太溜，沒有魚腥味

蒜蓉包：
麵包軟身香口，配上黑松露醬非常美味

蘋果柚子汁沙律：
微酸柚子汁蘋果加沙律菜，非常清新開胃，蝦亦非常鮮甜

小食拼盤：
有炸芝士、洋蔥圈、炸蝦、炸雞搥，不過不失，雞搥過鹹

焗肉醬薯角：
肉醬夠多夠入味，不錯

水牛芝士pizza：
薄薄的不會太膩，芝士味不夠濃，蕃茄不夠多

什肉腸意粉：
味道有點特別，什肉腸份量適中

海鮮意大利飯：
略為淡味，蝦同樣鮮甜

甜品：
朱古力布朗尼配朱古力雪糕，已經太飽有點不下，不過不失

飲品：
-忌廉溝鮮奶：鮮奶加上雲尼拿雪糕
-青檸及蜜桃梳打
-latte coffee

氣氛環境不錯，待應主動有禮
因友人放工時間不同，等齊人才點菜，等候期間店員並無催促，由入坐到離開坐足三小時有多
的確是朋友聚餐的不錯選擇

食開平野既我因同女友慶祝就上黎openrice搵食，之前聽過人講話呢間唔錯，
禁入黎睇見到其他朋友對呢間既服務水平上落好大，但見到食品質數好似唔錯，
同區黎講呢個價位搵左幾間，最終都係黎左呢間。

直去重點，叫左個set menu for 2

餐湯-磨菇忌薕湯：
唔係罐頭湯，足料既，但係俾湯入面放左既兩塊仔餅乾影響左ｄ味，頭淡湯係餅乾味 -_-

頭盤-小食拼盤 - 炸蝦x2 / 芝士餅x2 / 炸雞脾 x2：
正常水平，比茶記好食但唔算有驚喜
個芝士餅咬落幾煙un，唔錯
蝦幾新鮮，炸皮唔算厚
炸脾ｄ肉就鞋左少少

main-水牛芝士Pizza / 白汁海鮮意大利飯：
水牛芝士Pizza幾好食，熱辣辣既pizza係最好食既(唔只係暖，係熱辣辣)
材料好食，味道亦岩岩好，皮又夠脆
同埋幾鐘意佢切開左既pizza件係完全同其他pizza件完全分開
(即係唔係d芝士未斷尾...拎起一件時會痴住隔離果件，結果一拎上黎d材料就俾d芝士痴住跌到周圍都係)
白汁海鮮意大利飯既海鮮就唔好講喇，只係碎件，好細粒果d
但係個白汁就幾正，好重海鮮味，彌補番個味道
有兩隻大蝦跟，但唔係新鮮蝦

餐飲係凍士多啤利朱古力同熱Mocha
Mocha不過不失，同Starbxxxs差唔多
士多啤利朱古力就幾好飲，類似士多啤利糖咁既味，唔會酸亦唔會過甜，岩岩好

總括黎講今餐食得幾開心，食物質素真係唔錯，價錢亦合理
==============================
其實黎之前睇過其他食評，有人話服務質素差又趕客咁
而我自己呢次就覺得唔錯，waiter多數後生仔女，但幾有禮貌同幾細心
上菜既時候我電話放左係台面，佢有提醒我小心部電話
而且會換碟(cafe黎講真係好少見會主動換碟，抵讚)
走既時候亦提你拎齊野同笑住講拜拜，亦唔見趕客情況出現
不過佢類型係樓上cafe，環境偏暗，
現場亦有播放音樂，所以其他人傾計都會比較大聲，感覺上嘈左少少
如果唔鍾意嘈想靜靜地既話就可能唔係咁岩，
但一大班朋友黎就應該唔錯
menu亦見到有menu for 2 - 8位用既set

訂了位
因為慶祝的關係想坐耐點, 所以訂位前都打過黎問可以坐幾耐
接線生說6點一場, 9點半一場,
再加上有食評講過唔係大時大節都唔會趕客(原來是錯的)
便抱著打算坐兩小時吃吃晚餐、聊聊天的心情來這裏
而且知道這裏有小小的"燭杯", 有點燭光, 覺得很浪漫

6點15分黎到, 話訂左位, WAITER話要個半鐘交枱
我們以為佢循例講下,不以為意

坐低, 看看餐牌, 然後WAITER走來, 拎走了"燭杯"
我以為佢拎走幫我地點, 點知真係拎走囉! =0= /0\
要出聲同佢講我地想要燭光, 佢仲: 下,乜你地要架
..............................
算了.................
心情再被影響了點很漂亮, 味道很特別
不會讓人覺得好喝
不過特色方面倒是不錯的~這個包很香
我們吃完還在猜那是什麼醬汁
最後問了才知道這個醬汁來頭不少
黑松露+牛油 & 加工過的黑醋+橄欖油柚子味有點苦
但和蘋果非常配! 蘋果+柚子汁很正
蝦也挺大隻的有點位置烤烤得少少苦
材料很足夠這個飯, 份量很少
但二人餐來說, 成個set的份量就足夠
所以這個飯雖然少, 卻不會讓客人浪費食物

飯粒很大! 質感很乾很硬, 不太習慣
上洗手間時, 發現洗手間外面的牆貼了兩張紙, 介紹了香草包的醬汁和意大利飯
知道餐廳選用了正宗意大利飯的米, 而這種米的質感是這樣的。如果客人不喜歡這種米的質感,可以叫餐廳改用返普通香港人食開的米。不過,既然遇有特色的材料, 黎到當然要試試正宗意大利飯啦(雖然已經食完)
但張紙貼係咁既位....... 有幾多人會知=.="很大杯的咖啡

這間餐廳的食物都頗有特色,仲有燭光~~~
環境有點過暗, 所以不能好好看清食物

有點不愉快的是
食食下就會有人黎收野, 上菜又勁快
7點未到 (坐低都無45分鐘), 就有人叫我地好叫餐飲, 因為7點半要交枱
趕客指數拎滿分!
最後我杯野飲左幾啖, 就有人黎要我地埋單, 因為我地夠鐘要交枱
但我們食左個半鐘都唔夠 =(
真係好影響心情... /0\
所以就算呢間野唔會再黎了

如果想坐低靜靜地食餐飯 (不停有waiter黎想收野), 想傾下計, 就唔好黎呢間啦

這間餐廳位於尖沙咀地鐵站B出口附近, 若果大家有逛開尖沙咀, 很容易就會找到.
地鐵站一出, 附近會看到The Body Shop, 轉彎就會看到一個小商場(太興廣場).
乘電梯上五樓, 一出電梯就會見到這間餐廳.
建議最好預約座位, 因為很多時候都滿座, 先book位就可以節省等待的時間.
這裡的環境很有格調, 晚上去的話氣氛很好, 檯上還會點蠟燭這間餐廳已經去過兩次, 第一次是去年除夕夜跟大班朋友去慶祝,
第二次是上星期六, 和友人突然想吃意大利餐, 所以特意相約在尖沙咀吃晚飯.
而在兩次的晚飯中, 都有點的菜是墨魚汁意大利飯.這個飯全是黑漆漆, 吃的時候連牙齒都沾到墨魚汁, 樣子會很有趣!
意大利飯的飯粒跟平常吃的飯有點不同, 硬一點, 有點咬感.
而墨魚汁的味道不會太濃, 不過覺得還是第一次去比較好吃, 這次的味道好像差一點.

第二道菜是小食拼盤, 包括洋蔥圈、炸蝦、炸雞塊、炸芝士四種食物.洋蔥圈不過不失, 不過我對洋蔥沒有太大的興趣, 所以感覺一般.
炸雞炸得有點過火, 味道還可以.
炸蝦挺不錯, 外脆而內裡的蝦肉彈牙.
而最值得一讚的是炸芝士, 外炸得脆, 內裡有濃濃芝士.
咬的時候可見到芝士很黏, 很有韌性, 好像吃香口膠怎樣拉也拉不斷.
大家點這個要留意, 一定要趁熱吃, 因為炸芝士攤涼後就沒有這個口感.

而第三道菜是巴拿馬火腿薄餅這個巴拿馬火腿帶來很重的鹹味, 跟芝士&餅底的配搭很好, 可以中和火腿的鹹味.
不過我都不太接受這個味道, 因為真的很鹹

跟友人吃了以上三道菜, 結帳時總數是$35X(已包加一), 價錢可以接受.
若果大班朋友聚會吃飯, 我推薦這間餐廳, 氣氛很好, 而且座位舒適, 可以聊上三、四小時.
不過若果是接近節日的時候, 座位使用時間可能會受限制, 所以最好都是先打電話預約.

曾在今年年初初度光顧此店，當天是星期五的晚上，沒有預約，場面相當墟冚。雖然是吵雜了點，但是論環境是不錯的，在印象中食物質素也有不錯的水準。於是，今回提早了兩天預約，確保萬無一失。

以窮苦學生的經濟能力而言，單點的食物比較昂貴，簡單的水牛芝士沙律也需過百元。
剩下較經濟實惠之選擇就只有晚市套餐，晚市套餐只有兩人份、四人份、六人份和八人份，打算獨身惠顧的食家們可要留意。
當然，只要比得起錢便不用顧慮。

是日的餐湯是蕃茄湯。蕃茄酸比較突出，卻不失蔬甜，味道柔和，忌廉味不會太明顯。湯中帶點茄皮的碎屑，是濃湯的濃稠質感，忌廉和少量油份起了使湯更順滑的作用，這裡的香草作用不大。
這體現了意式濃湯的風味，雖不如法式湯的細緻，但層次上可謂各有千秋。餐包是Homemade Focaccia。比較上週六在Spoil Cafe吃的，這裡的包比較濕潤軟身，香草種類比較多。對於分辨香草我亦不大清楚，估計是Rosemary和Oregano，亦相對的入味，不錯。
隨包附上黑松露牛油和油醋汁，黑松露牛油的油味重，油醋汁亦相對較淡，不過在麵包底部塗上不失為增添風味的做法。小食拼盤內有炸芝士、吉列炸蝦和意式烤雞腿。熱烘烘的炸芝士永遠是必先吃的，芝士當然是Dried Mozzarella，炸皮不厚，明顯的Parsley香味，芝士有相當的韌性，邪惡的美味。吉列炸蝦亦讓人喜出望外，炸皮固然夠薄夠脆，蝦肉仍充滿彈性鮮味，內裡仍有膠質，實是不錯。至於烤雞腿，調味依然到位，同樣香口，惟肉質有點過實，缺乏嫩味。忌廉汁海鮮意大利飯，飯粒是全熟的，是走大眾化路線；海鮮量豐富，有蜆肉有青口肉有蝦有墨魚；奶味甚濃，汁是足料的；蝦身已事先剝去外殼，體貼入微。惟白酒味極微，有點太鹹，汁煮得太厚，大多被飯吸乾，缺乏濕度，愈食愈乾。這次重溫了意大利水牛芝士薄餅。薄批底，新鮮熱辣香脆，份量十足，足以塞飽我倆。批面滿是Mozzarella和蕃茄片，芝士能拉出一條條的，甚至可以說是「一注注」的芝士絲，對於水牛芝士狂熱者應是不容錯過的。淡淡的水牛芝士在烘烤過後味道通通充份呈現出來，不輸批皮和茄味。身為水牛芝士派教徒的我當然相當滿意。最後還有餐飲，這次點了熱咖啡，除了甘醇香濃的咖啡底和薄薄而粗糙的奶泡層，也沒有甚麼可提了。

除了環境，服務其實也相當不錯，辦事有效率，但稍嫌上菜過份趕急，也急於催促點飲品，不過服務員都是親切的。
結帳兩人約共$360，價格算是中等，質素和份量都達標，是不錯的選擇。

友人特地抽空與我補吃生日飯，挑選了評價不錯的OWL Our Wonderland。食肆在尖沙咀港鐵站B1出口附近，Burger King樓上，方便易找。到達時約2PM，乘坐電梯上5樓，人客半滿。從人頭湧湧的街道，到寧靜舒適的樓上舖，環境上的落差令人有誤闖wonderland的錯覺。以冷色調為主，加上簡約裝潢，簡單而型格十足，讓平日忙碌於彩色世界的眼睛放鬆下來。店內燈光微弱柔和，依賴落地玻璃窗透入的天然日光，甚有情調。樓底高，空間感大，但座位間距離小，繁忙時間應該會略顯擠迫。被安排坐在窗口位，望的是尖沙咀街景。擠擁的石屎森林，突顯了店內的優閒氣氛。
與友人選了不同的Set Lunch：包餐湯、自助沙律吧(一次)、主菜、飲品，格價大概$50-60，不另收加一，尖沙咀區來說算是相宜。是日餐湯是煙三文魚周打忌廉湯，微暖上枱。奶白的湯頭上灑了些餅乾碎、香蔥粒，外觀不俗。舀上一羹，質感濃厚幼滑。喝下忌廉味足，用料亦實在，粒粒三文魚為湯帶來鹹香食味，配搭得宜。會揀選OWL Our Wonderland，很大部份是為了自助沙律吧。從Pizza Hut到UCC，一直對沙律吧有很深情意結。此處的種類不多，只有菠蘿、粟米、火箭菜、薯仔、車厘茄等，另可自行調配不同醬汁。不過以這個價錢滿足口癮、心癮，已是超值。加上平日食肉甚多，能夠在午餐添上一份翠綠，感覺良好。薯仔怪當然夾了大量薯仔墊底，薯仔混和了沙律醬，煮得軟糯、薯味香濃，滿足了我的薯仔慾。另外的粟米和菠蘿甚有當年Pizza Hut感覺，雖是罐頭出品，味道不錯。車厘茄和生菜亦新鮮，味道沒有特別。餐廳有一款無限次享用自助沙律吧Set Lunch($50)，感覺不太抵，款式不多之餘，refill較慢，基本上一次已可試均所有款。友人的Carbonara先來，樣子對辦，縷縷白煙顯示熱度足。意粉忌廉汁充盈，混有煙肉粒。吃一口，意粉彈性不俗，有咬口而不過稔。可惜是質地較稀，不夠creamy之餘奶油味略淡。長通粉熱辣辣地呈上，賣相討好，散發強烈的香氣。素菜長通粉配料有車厘茄和雜菌，清新之餘口感豐富。吃一口，感覺驚豔。紅花忌廉汁質感厚滑，融入芝士鹹香，完全包圍每條長通粉，每啖也滋味十足。加上長通粉口感偏硬、有嚼頭，正中下懷。食味、口感也比Carbonara優勝。主菜份量看似不多，但有餐湯和沙律，加上醬汁濃厚較膩，吃下是飽足有餘。跟餐的熱檸水、凍檸茶，無甚特別。臨走時看見入口有一個自成一角的空間，以屏封分隔。原來是餐廳招待Party Booking的地方，適合大夥人聚會。

整體表現不俗，食物有水準，加上環境舒適，的確是物有所值。服務正常，沒有特別。OWL Our Wonderland晚上會有Live Band Show，吃飯之餘讓也讓眼睛、耳朶品嘗盛宴，有機會一試。下次再訪會試飯食和甜品。

跟好友相約多時, 終於等到今天可以見見面!!

好朋友K小姐說她跟朋友來過owl our wonderland,
覺得食物質素不錯, 所以我們的補祝生日飯也決定來這裡

我們大概6時45分到達餐廳, 可能時間尚早, 當時客人數量不多,
職員安排了我們坐在窗邊的位置, 感覺很自成一角, 十分適合靜靜聊天。餐廳正在做smoothie的promotion, 同一口味的smoothie買一送一!
我們當然不會放過~~哈哈chocolate & cookies smoothie
甜度適中, 不會太膩, very good!

根據K小姐的經驗, 她上一次也是兩個女生一起來光顧,
因為餐牌上的食物都很吸引, 她們就order了太多食物,
令她最後嚐不到owl our wonderland有名的apple crumble,
所以今次我們只叫一個snack跟一個pasta~
當然少不了apple crumble啦!炸大磨菇拼薯條

炸粉不會太厚, 而且炸的時間剛好, 裡面的大磨菇仍然鮮嫩
加上放在小鐵筒裡上菜的方法很特別, 上菜時小鐵筒還是溫熱的!
份量還很多~!
大愛!!大合照

另外pasta我們order了carbonara
上菜時見到小小一盆的, 還以為會不夠給我這個超愛吃carbonara的我跟朋友分來吃,
但因為它的sauce超濃郁超creamy, 每一條意大利粉都滿滿的被蛋黃汁包覆著,
吃的時候真的有一種令人幸福的感覺!! >V<

之前從意大利回來之後, 以為在香港再也吃不到100分的pasta, 但owl our wonderland做到了!!

其實吃到這裡, 我跟K小姐也已經飽了9成,
但為了完成K小姐的心願, 我們還是決定要吃apple crumble!

apple crumble也是焗得剛剛好!!
表面的脆脆真的脆到不能!
甜度也適中, 再配上雪糕一起吃,
一冷一熱再加上又脆又軟的口感,
真令人幸福得不得了!

另外上甜品時, 侍應為我們送上兩隻雪得冰凍的碟子, 很窩心!

總括而言, owl our wonderland的服務不錯, 就算是繁忙時間, 也不會讓顧客有種要趕著吃、趕著走的感覺,
而它的食物更是一流, 價錢在尖沙咀區來說也算相宜,
值得推介!!^V^

朋友生日, 選擇去「Our Wonderland」慶祝, 放工時交通出奇地順利, 一早就去到尖沙咀, 仲可以行陣街先上餐廳... 我同朋友早到咗, 而其他人就...間餐廳嘅格局實在簡潔過簡潔... 好彩都坐得幾舒服... 不過Book位同入座時都講明9點要還枱, 感覺有D趕咁囉, 唔可以傾耐D計...

睇完餐牌都決定唔到食咩好, Order個4人餐, 唔使煩...意大利香草包
--包身比較乾硬, 香草味不足, 同埋個包唔暖, 有被大家嫌棄嘅感覺...是日餐湯
--輕輕飲咗一啖... Oh No!!! 蘑菇湯!!! 放棄...

頭盤3選2...蘋果鮮蝦沙律配柚子汁
--配搭幾新鮮, 味道都幾清新, 份量只夠1人1啖...芝士肉醬焗薯角
--薯角淋PAT PAT, 芝士肉醬一D都唔好味...

Pizza 3選1...意大利水牛芝士薄餅
--D芝士一D都唔似水牛芝士, 個薄餅味道好淡, 餡料又少, 個餅邊又燶又硬, 唔多Alright...

飯麵4選1...海鮮墨魚汁意大利飯
--朋友話個樣似豆豉飯... 我都覺得個賣相極之唔吸引... 味道只有一個鹹字... 不值一試...是日甜品
--士多啤梨雪糕伴Brownies, 塊Brownies細得可憐, 但係佢係全晚最好食嘅!!! 暖暖地, 好濃朱古力味, 讚!!! 士多啤梨雪糕味道都OK, 可惜冇果肉, 應該唔係貴價雪糕...餐飲
--咖啡或茶加10蚊可以轉其他飲品, 咁緊係全部人都轉啦... 原本我想飲榛子咖啡, 不過被朋友阻止, 所以轉飲榛子朱古力... 味道都OK, 賣相都唔錯...

入座時見到DXX卡/COMPXXX卡有9折, 但係冇人有帶係身, 好彩原來餐係冇折嘅, 呵呵, 太好喇, 冇蝕到...

食到尾聲, 無啦啦發生爆炸巨響, 嚇死人咩?!! 咩料呀?!! 定一定神, 嘩!!! 原來係朋友打爛咗隻玻璃水杯, D玻璃碎飛到週圍都係!!! 搞咩呀?!! 職員都好緊張, 即時撲出o黎問大家有冇受傷, 知道係我地自己打爛個杯都冇黑面, 仲比咗一大堆紙巾比我抺乾D衫, 仲極速清走D玻璃碎...

服務真係冇得彈!!!

今日專登帶咗部SONY相機o黎影靚靚食物相, 不過唔記得教去美食MODE, 結果D相影到黑麻麻...

久違的聚會, 朋友介紹兼見食評不錯, 便早在兩星期前訂位開飯.

九個人, 點了set for 8, 有忌簾湯, 香草飽, 沙津, 兩款小食(點了小食拼盤及肉醬薯角), 飯及意粉, 兩個pizza, 餐飲及甜品.

個湯膩了少許, 少d cream 會好少少. 沙律, 正, 有八至十隻蝦, 原本預備用手脫蝦殼, 誰知, 殼已脫, 用匙更輕輕一脫蝦頭已成. 柚子汁配沙律, 好鮮味.香草飽, 沒有甚麼特別, 但好味.

之後便是小食拼盤及肉醬薯角, 小食拼盤有炸蝦, 洋蔥圈, 水牛城雞翼......整體而言, 整個小食拼盤都好食, 份量足. 九人食都夠. 而肉醬薯角, 比想像中無禁熱氣, 薯角香軟, 連肉醬一起食, 食到肉醬味及薯角味.

PIZZA, 不錯, 不錯. 但水牛城芝士, 覺得芝味略為不足. 另一個PIZZA, 忘記了是甚麼.飯及意粉, 好似是海鮮飯及白汁意粉. (忘記了) 味道當然是...... 正!

食到甜品, 已經超飽. 平均每人百六蚊, 抵食!