0
2
1
1-min walk from Exit D2, Wong Tai Sin MTR Station
continue reading
Payment Methods
Other Info
TV Broadcast
Above information is for reference only. Please check details with the restaurant.
早幾個禮拜去同一商場幫襯過另一家港式餐廳嘅叻沙，得個喊字。今次再到呢個商場食lunch，務必搵餐好嘢食。經過一間細細地嘅泰國餐廳，廚房入面都係泰國人，心諗一定好食。再次order叻沙，好期待呢。豬頸肉拼豬肉丸叻沙金邊粉雖然冇嘜人，但仍要等咗陣先有得食。見到碗粉，唉，又中伏。湯顏色好黃，似咖喱多過叻沙。而且好稀，一啲椰香都冇；蝦醬味更加唔洗諗。丸同豬頸肉就standard嘢，所以冇嘜特別。碗粉唔係唔好食，咖喱味中帶少少甜，金邊粉索咗湯食都唔錯。只不過若稱呼佢為叻沙，就會大失所望。建議舖家改名為咖喱金邊粉，相信食客嘅comment應會好些。
continue reading
是日又約了大爺在黃大仙吃飯, 由於晚餐會吃得比較豐富, 所以打算午餐只吃點隨便的便算了.經過這家店看看還有位不用等, 便試試吧.宅女點了個泰式叻沙豬頸肉併豬肉丸 (HKD$34)等了起碼15分鐘才上來, 湯頭非常稀, 味道也十分單薄, 又沒有奶香, 也沒有辣度, 像我不能吃辣的也覺得不夠香辣感.要了檬粉, 上來份量都幾多的, 不過因為湯太稀, 檬粉不吸湯, 吃起來像絲毫不相干似的.中間的豬頸肉很薄, 只有4-5片, 入口有點鞋又乾, 沒肉味.豬肉丸只有2顆, 但因為是來貨, 所以味道算是平穩.大爺之前吃了點東西所以只點甜品吃椰汁芒果糕 (HKD$15)一盒4件, 咬下去魚膠粉也太多了吧!!! 超硬實的!而且也完全沒有椰汁香又沒有芒果味吃了一口巳不想吃, 白白浪費了HKD$15椰汁黑糯米(HKD$18) 上來的是熱食, 聞一聞感覺都幾有椰奶香, 攪拌後感覺黑糯米超杰身的, 杰到一舊一舊似的而且味道都幾甜, 但黑糯米煲到巳棉爛, 完全沒有煙靱軟糯那種口感. 不是個人喜歡的那種.再加三色冰和一罐汽水, 2個人埋單盛惠HKD$80食物真的不合格, 而且完全想不到那麼小的店, 3個人在廚房, 只做一碗粉都要等那麼長的時間早知道去隔壁的BURGER KXNG好了.
continue reading
今晚有事要路經黃大仙, 辨妥後見地鐵口嘅商場入口有呢間小鋪, 好奇'裝吓'...門口個黑板仔寫住"泰式炒檬粉"...我想食呀!...即刻感到個肚咕咕叫, 又見到對正電視的梳化位仲有兩張枱未爆, 仲要做緊八點的, 正! 啱晒我"電視送飯", 好啦, 一於試吓! 睇完餐牌, 有好多選擇, 我心多多卒之無叫炒檬粉(我成日都係咁o架啦。。。) 今晚食泰式香茅豬扒湯檬$26蚊, 加特飲青檸冰要$9蚊, 一共$35蚊全日免加一, 好似都幾抵喎。。。碗粉無影相, 因為其實初初都無諗住寫食評, 大佬呀, 晚市26蚊碗粉, 間鋪又第一次幫趁諗住填飽肚就快快趣"閃", 應該都無咩好寫喇啩...後來又改變主意想寫, 所以隨手影番張收條同枱面嘅嘢證明"到此一遊". 先講碗粉, 湯底幾好味, 香葉都係切到碎濕濕咁, 又無大大片嘅金不換, 芽菜少少, 但飲完無咩口渴感覺, 都PASS到'師傅'測驗, 26蚊, 事但啦! 香茅豬扒已斬件,無端端用咗薄漿炸賣相唔靚, 有醃料味但唔算重香茅味, 26蚊算把啦, 我無咩期望, OK啦! 枱面的魚露同辣椒係任加的, 幾好呀! 嚟飽肚係過關嘅, 同一碗粉同一杯特飲我上兩星期响九龍城褔佬村道食, 無論件扒定湯料的質素都比香味屋好得多, 但係就要五十幾蚊, 所以呢度我覺得價錢同水準掛勾, 評語係: 講埋飲品, 青檸冰只放了一片薄薄的青檸, 相信係當裝飾之用?! 但一飲入口, 唔夠青擰汁, 得甜味咋喎, 咁我咪唯有係咁用支飲管篤片青檸囉, 咁就都勉強有番啲味. 其實碗嘢廿零蚊, 特飲加9蚊, 又唔駛加一, 好多人都唔慳嗰杯飲品錢照柯打嘅, 因為我'左右隔離'都加晒俾佢, 如果店方有幸睇到呢篇食評同我影的相為証, 可唔可以快快改善一下你嘅出品大方啲? 一係加多啲青擰汁一係俾多兩片青檸好睇啲! 再者, 店方負責人有睇到呢度的話, 真係要叫水吧改善吓, 唔好咁漏氣, 樓面要入埋去'幫工'出嘢飲, 咁樓面又咁忙你有一男一女話晒都有兩個人啦, 加把勁啦! 如果啲人唔肯等, 取消杯飲品你老細就收少9蚊一位, 少數怕長計喎...我見枱枱都要追柯打, 全部都係追番自己杯特飲, 幾個字都出唔到俾人, 鄰枱兩人食晒嘢等咗陣, 叫, 咁個侍應領班姐姐仔就好氹得人嘅, 話: , 兩個師奶仔客就話好啦我哋再等... 我寫呢篇食評其中一個推動力係想寫俾剛才提到的'侍應領班姐姐仔', 好抵讚, 一個人頂三四個崗位, 落單又係佢、上菜一半一半又係佢、 客人走咗執枱又有幫拖、人客要咩佢第一時間又撲埋去, 好喇, 埋單又係佢! 咁啱夠鐘清機又係佢喎! 突然有客買門口雪櫃啲糕點, 又係佢去賣! 仲要有客入, 要帶位, 又係佢? 嘩, 不斷撲嚟撲去, 成晚無停手但對住啲客都仲好好招呼好好笑容! 可惜我只係小小OL 一個, 如果我係開鋪頭嘅, 我真係會'挖佢角', 講真, 我好耐無見過咁勤快同咩位都顧及晒嘅後生女, 唔通佢老闆俾佢人工係好滿意嘅?! 真係好少見到呢類STAFF, 讚呀! 間鋪唔係好大, 30個位咁上下, 但見有2 個普通侍應, 又要收嘢入後欄(一大盆好似係捧去俾人洗), 咁又行開咗一個, 另一個就好似去咗洗手間, 咁突然就搞到'場面'好忙, 但領班好嘢, 一個頂晒全場絕無冷場, 勁呀! 所以呢度食物普通, 但價錢唔貴, 服務尚算"好", 嚟開呢區我要'頂肚'時必定會再幫趁支持一吓!
continue reading