42
23
3
7-min walk from Exit D2, Mong Kok MTR Station
continue reading
Opening Hours
Mon - Sun
07:00 - 22:00
Above information is for reference only. Please check details with the restaurant.
Signature Dishes
真想不到這間 La Bon 會摺埋，畢竟這店在何文田區都屹立至少有五年的歷史。有時慳妹路過都會發口痕入去要少許o野食。因為每當你走到麵包店不遠處，已經嗅到麵包香。尤其是在晚上路過時，這店舖泛黃的燈光，令人覺得有點像日劇《真夜中のパン屋さん》(深夜烘培坊)那間麵包店一樣。當然， La Bon 不會在深宵營業呢！店內滿佈麵包架，擺放了林林總總的麵包。而La Bon 應該是走中高檔路線，有多數同類麵包店一樣，有一個「特色麵包」專櫃。除了麵包外，還有少量切餅蛋糕和自製果醬出售，都幾齊全。小妹每到 La Bon 都唔會速戰速決，我會走完一圈再一圈，看看有甚麼造型有趣或新產品﹑甚至是那些麵包是抵買的，我才會買的。都看不到有職員揶揄我喎。當天到 La Bon 看到一款新出品叫做「紫薯Q心冬甩」。說是冬甩，不過不如傳統的冬甩有圈的。不過其外層色彩較紅，而且舖滿小糖粒，甚為吸引。再看到價錢不算貴(港幣 10 元)而且是 NEW! 產品。那便買一個來試試。暖暖的，一口咬下去，微微的糖粒甜味和有點脆的外層創造良好的口感。外層厚薄適中，內裡是紫薯的主餡料，偏甜，但算是有細綿綿的質感。再咬入一些，原來最內層有一塊雪白色的麻糬，很有趣，雖然麻糬本身不帶有甚麼味道，但那種種糯糯的﹑黏黏的口感。也許就「Q心」所在。同樣精彩的是我以往多數會吃，但今次因為吃買了「紫薯Q心冬甩」而不能再買多的「楓糖方塊」。當然對於小妹這種相貌協會的會員來說，覺得這種九宮格方塊的造型很是醒目。而其口感雖然比較硬，但是因塗上了楓糖漿去炸和焗製，楓糖味道香甜而不會黐口。不過因為它都算是「厚多士」，所以小妹吃一塊已經很足夠了。希望 La Bon 可以在另一個地方重置啦…不過唔好搬到無雷公咁遠呀！
continue reading
幫襯貴店好多年，估唔到有一日都系因為貴租維持唔落去，真系好可惜……系last day點都要趕去幫襯最後一次。一直以來的最愛，紅豆芝士包，第二度永遠揾唔到甘好食的包，芝士落足本好軟好cream（我估系水牛芝士？），包系歐洲風格脆脆硬硬而唔系通街個種日式個d又甜又軟的包。我甚至有朋友中意到系上水住都專門過黎買……無論如何，感謝貴店一直以來出品甘多好味的包，如果將來打算覓地重開的話，記得再系openrice開番個頁面，等我可以再搵番你地啦！
continue reading
今日搭完巴士落車，見有少少想食嘢就當然幫襯非連鎖經營嘅麵包店啦。 行入去見到啲包嘅外觀都幾似日本造型麵包，而且有仲有啲韓國午餐肉同埋啲揸麵包嘅朱古力、蜜糖etc, 心諗都幾整全，本應加分，點知我見到麵包tray裏面有幾隻蒼蠅係度飛來飛去 ，所以嗱嗱聲係另一層夾左個忌廉麵包$9同埋三文治$13。行去俾錢，見有人已經俾緊錢，咁我當然係佢格離排隊，點知有位"女仕"拖住啲行李大搖大擺，仲要係我排緊嘅另一邊又再開一條新隊伍 下，咁都得？！之後仲有位"男仕"即刻企去佢後面霸位 下？？？最神奇係三個店員都見到係我先排隊，佢好似當我透明咁照同"另"一條隊伍收錢 我就咁企左係到直至佢終於叫我俾錢。其實我係呆左，好難明白點解幾個店員都若無其事 而家講下個包:1.忌廉勁甜2.麵包勁硬3.三文治冇餡完。
continue reading
次次經過Le Bon Pain Bakery都會覺得好香，今次入左去隨便買一個好似健康啲嘅多穀麥包，唔記得exactly個名係點。一包有5塊，$13。價錢普普通通，不過其實袋包真係好輕，五塊先得165g。大家可以比較下普通嘉頓個啲方包，一塊大概係50g，但呢隻一塊只係大概33g。佢咁輕嘅原因係因為佢有好多空氣，所以食落係好鬆軟好鬆軟，我幾鍾意佢咁鬆軟，不過就會食極都唔飽咁。望下後面嘅成份，其實糖份都幾多，而且落左Margarine，所以都唔算特別健康。雖然佢叫多穀麥包但我覺得穀類同埋瓜子個啲係非常少，每一啖先得一兩粒瓜子，完全唔見有oat flakes。整體黎講，味道同口感都唔錯，不過我建議可以落多啲cereals。
continue reading
啱啱食完晚餐返屋企，經過哩間餅店，聞到好香嘅包味，可能有新鮮出爐的麫包（咁夜仲出爐？），就走咗入去睇下。入到去仲香，不過麫包種類多，都唔知邊隻包啱啱出爐。見個装着燒餅個cover冇關，心念可能系新鮮出爐的，就買咗個離試下。買完之後梗係食啦！點知個包好硬，裏面D菜好凍，又冇咩味，好失望。以後買包都係唔好夜晚買啦！
continue reading