來了九龍城辦事
九萬年都唔會黎呢邊，難得入到黎梗要試下呢度啲美食

呢間荳品店係街市入面，遠遠行去時已經見到招牌，
唔會太難搵

三四點時間都有幾多人食緊野
豆花嘅配搭選擇都幾多
但係我堅持食最簡單嘅野先會食到呢間舖嘅實力！叫了個熱豆腐花， 夠晒熱
幾滑豆味唔算突出，唔駛再加黃糖都夠甜
很快便被我KO掉

9-2-2013(六)

平常在九龍城區吃豆腐花，我多數會選擇去「公和」；是次想轉轉場地，想試下未曾去過的「義香荳腐食品」。是日上午工作完畢後，便與同事 Queenie 坐巴士來到九龍城。

我們共點了豆腐花及煎釀三寶。 豆腐花：當豆腐花端上桌時，看到賣相頗吸引，同時，陣陣的豆香味撲鼻而來，豆香很濃郁；吃下一口，很熱燙，很滑溜，滑溜得可直入喉嚨；沒有過甜的感覺，也沒有人工的味道。只售 $ 7 一碗，絕對是美味的經濟小吃。

煎釀三寶：各種都好吃！其中豆腐最好，使用厚身的豆腐，表層釀上鯪魚肉，外層炸得酥化，煎得很金黃色，既香且滑。鯪魚肉的份量也很多，口感濃郁。售 $ 14 / 6 件，又是另一美味的經濟小吃。

這裡的環境極具懷舊的風味，一桌一椅、一瓦一磚盡顯上世紀六、七十年代的老店情懷，大家前來影張相也值回票價哦。

本身對豆類的製成品挺喜愛的, 愛它的高蛋白質高鈣質, 看似淡而無味卻又變化多, 演繹出無數的美味成品來。 不過原來自己沒很多次到豆品店, 剛巧有意無意地路過九龍城, 又有藉口一訪這具五十多年歷史的小店。

店子陳設古舊, 很一般的環境, 來這裡的人也很隨意, 不會計較太多, 見外面有點熱, 心急得先要杯黑豆漿。 喝起來雖未夠冰涼, 至少不會像室溫, 微微的黏稠, 輕漿著雙唇, 感覺較實在, 豆味純淨鮮活, 沒有雜質, 豆香真實, 像嚐出一陣近似焦味的味道。單飲豆漿也許太單調, 一場來到, 真要徹底地嚐盡豆品, 閒時家人也會做煎釀豆腐, 一件一件的豆腐就放在大鐵鑊裡邊半煎炸而成, 看到鍋底的油份, 似要令人卻步, 底面兩邊都煎至金黃脆口, 不會油得可怕, 組織鬆軟細嫩, 卻不會鬆泡, 有著粗疏的氣孔, 滿咀豆香, 面頭那塊魚肉雖薄, 但未至於單薄如紙, 細軟富彈性, 帶著魚的鮮香。

之後循例再點了一碗熱豆花, 始終熬食最能吃出豆香, 豆花是完整的一大塊, 不會拌兩三下便散碎, 甫入口即直滑進喉中, 豆香真實, 感覺很清甜, 滑度跟豆味都能平衡得到, 不會側重其中一方, 簡單加少許黃砂糖和糖水, 已帶出原味, 難怪不消三數口便吃光。

其實除豆製品之外, 燒賣和韮菜都是其中的得意之作, 眼見也很受在場幾檯的歡迎, 我想下次再來真不能錯過了。

天氣熱到可以熔左我，經過義香立即撲入去食豆腐花。同女朋友兩人叫左一熱一凍.

佢地慣性幫助客人落糖(黃糖+白糖)，唔食甜要記住早講。

豆花非常滑，有豆香，較稀(硬身唔一定係好，可能係多石膏粉)，算係高水準.

素食選擇佢地有素雞撈米同芋頭餅.

每次天時暑熱最鍾意黎飲杯冰凍豆漿！石磨處理特別正！
飲過呢度的豆漿，以後唔想飲第二度的，呢度清甜得黎，有豆味，又無渣！
超正正正正正正正正正正正正正正正正正正正正正正正正正正正正正正

每次都叫炸燒賣，外脆內軟，豉油甜甜的，滋味！

門口重有得泊車！方便到爆炸！

午飯後跟老友專程來這裡找回我們的回憶，回想當年紮著馬尾，穿著校服，走來食下午茶，hea 一 hea 的情景，還瀝瀝在目，想看一看她現在變成什麼樣子了？ 下午三、四點，人流一樣那麼多，坐下後發覺因日久失修的關係，連椅背都鬆鬆垮垮的，差點便掉下來了，但雖然如此並不減退專程來尋找美食的人龍，趕快叫了 ..... 豆腐花、豆漿 ..... 好香豆味、好滑溜，並非一般店舖可比，現今世人對大自然的破壞力，想食雞有雞味、食豆有豆味，可能已經是奢求了，但是在這裡， 噢！無言青椒三寶 ..... 只叫了一碟，為的就是當年分甘同味的感覺，青椒爽甜、豆腐香酥、茄子肥美，魚肉更不用詳述，不然也不會如此多人慕名而來啦。

買單時不忘 ..... 一枝大號豆漿行街，唔該！

小時候在九龍城返學, 都沒發現這豆花店~ 今次在九龍城買東西, 行經街市附近, 見到豆花店有煎韭菜餅賣, 立刻買個來吃吃~ 外脆又乾身, 超香~ 多菜少肉, 超濃韭菜味, 內裡很JUICY, I LOVE IT~

如果以前細個一早知, 實會常來吃, 很街坊的感覺~

超...喜歡"飲"食"^^豆漿..痴!! 成日周圍試飲好味豆漿..呢間係我飲過最好飲架一間!!我個人覺得真正好飲豆漿要有"濃"黃豆味重..呢間就係有落足材料整,好香濃郁味!!唔會好似出面無良心鋪,唔新鮮,d豆漿又淡而無味,又勁甜!!!好損害身體!!所以我都特登去義香買豆漿外賣飲,支裝又放便!!

與友人在九龍城吃過午飯, 閒逛了一會, 正想回家時, 想起此區有出名吃豆腐花店子, 當然要試吓啦.

熱豆腐花 (@$6) - 上桌時, 先發覺豆腐花已加上黃糖. 好彩下手不重. 甜度還可接受. 豆腐花微溫, 可以評為不凍不熱 . 豆腐花都可以話滑, 不過真係唔覺有豆味. 應該係如果無落黃糖, 真係如"吃"白開水.

炸釀三寶(青椒、茄子、豆腐) ($12) - 即炸, 熱騰騰但非常油膩, 魚滑薄薄一片, 炸後非常脆口. 三寶遇上豉油, 先可以有味.

你會感覺店員(貌似老板的女子)粗聲粗氣, 但其實她都幾風趣, 一知上錯枱就會識急轉彎 講句"你最遲來, 未到你." 漏單又會頻頻講"鎖你". 其實店員俾少少腦力, 記記各客人落單要求, 再不是嘅, 用手寫記錄, 都可以改善上錯枱或漏單情況.

朋友話義香比公和好, 今日就等我驗證一下

凍豆花 - 果然好滑, 好少凍食保留到軟滑感, 不過豆香不足, 平手!
炸豆卜 - 即叫即炸, 好脆口, 細細粒, 釀魚肉較少, 特別一讚豉油調較得很好味, 不過個人較喜歡大口大口咁食, 所以.......公和稍勝!
凍豆漿 - 非常濃豆香, 感覺creamy, 以餐酒術語表達, 即係full body, 義香壓到勝!

義香有太多七彩大菜糕, 亦有各式各樣小食, 有好多新意, 不過, 略嫌不夠傳統
老板態度不甚有善, 樣子兇神惡剎, 影響我用餐心情

若果以味道比拼, 兩邊打成平手
如果考慮到環境, 氣氛, 服務態度, 我會揀公和