71
40
4
7-min walk from Exit A1, Tai Po Market MTR Station
continue reading
Telephone
97208932
Payment Methods
Above information is for reference only. Please check details with the restaurant.
Recommended Dishes
Review (128)
難得大埔墟街市入面有一間平民得來又傳統嘅手工點心店，梗係要去得閒同屋企人飲個茶食點心☺️雖然去到都坐滿曬，但係只要姐姐總會搵到位比你😆，好快就有位👏🏻.🍚豉汁排骨飯($18) 鳳爪(+$1)呢個係必叫‼️排骨唔似出面食嘅，食落似係新鮮排骨，肥瘦適中唔會話淨係一味肥膏😝啲飯係蒸個時吸收晒排骨嘅精華，食完仲encore多碗😋不過覺得加鳳爪得一隻有啲sad，想食可以另外叫一籠會開心啲😂🐓四寶雞扎（$14）抵食之選，一碟有兩舊雞扎，有芋頭、雞髀肉、蟹柳。雞髀肉好入味，又唔會好鞋。芋頭都蒸得啱啱好😋🦐蝦餃（$14）相對其他呢個就有啲失色，雖然餡料有好多同埋味道都好鮮甜，不過個皮就厚左啲，整體冇咁好食😗.🥢燒賣（$14）呢個價錢仲要比四粒手工燒賣，味道雖然冇特別出色，但係食得出係手工製，覺得值得大家都可以嗌嚟試下😚順帶一提，啲茶都好有驚喜，以性價比嚟講，真係滾水茶靚🫖.評分:⭐️⭐️⭐️⭐️/5人均:$40-60.📍 林記點心 (大埔)大埔鄉事會街8號大埔墟街市及熟食中心2樓CFS08-09號舖
continue reading
林記～ 真心有啲就點心唔係正統，味道OK，點心$10 ～$14嘅價錢，茶錢$3@1個，真係對得住有餘，成班公公婆婆喺飲茶食嘢吹水，眼見好似仲開心過去大嘅酒樓，幫班後生等位嘅公公婆婆～今日我叫左雞札~ 味道ok 有朋友曾話用蟹柳喎，你都岩？$14 你想點？蝦餃 ～ 皮唔厚，味道偏淡 ，ok 嘅 ，但皮爆開魚翅餃 ～ 正常啦 比起坊間細少少雞絲粉卷 ～個料同 魚翅餃 一樣，粉皮冇過火，冇爆 整體味道上嚟講 唔錯嘅 ～ 但如果你有比較執着嘅朋友就唔係好建議你介紹佢去
continue reading
而家手工點心買少見少，難得呢間小店仍然堅持凌晨時段開工做點心，阿姐話佢凌晨四點鐘開工佢都唔係話唔得人驚，真心敬佩。因為坐得遠，阿姐好好人話攞啲點心俾我哋慢慢揀，佢攞咗八樣，我哋兩個人就話全部要晒，費事咁重叫佢攞嚟攞去啦，本來仲想叫腸粉，不過阿姐話食晒先再叫，如果唔係凍咗會冇咁好食，真係細心。咁多樣嘢之中最好食係蝦餃，細細粒，餃皮夠薄，有時WU係好鍾意食嗰啲巨型蝦餃，食咁大粒蝦不如我直接食鮮蝦好過啦，蝦餃就係蝦肉筍絲同埋膠皮嘅混合味道。燒賣都唔錯，傳統燒賣上面加啲蟹籽，餡料撈得唔錯。鵪鶉蛋燒賣都OK，最主要係入面粒肉新鮮彈牙唔會霉霉地嘅感覺。山竹牛肉、鳳爪同埋鮮竹卷就正常水準，都好食嘅。鴨腳炸舊芋頭就唔夠粉，雞扎無啦啦加條蟹柳就有啲奇怪。整體唔錯，可以encore。
continue reading
扺食，四款點心每款 $14，茶位$5⋯ 食品質素緊隨其價錢。佢客似雲來，理論上啲點心應該好新鮮，腸粉見到係一路賣一路整，但係鴨腳扎啲芋頭竟然係有截係乾身，百思不得其解。蝦餃係用$20一斤嗰啲細蝦，但係都有蝦味，有人搣埋殼俾你食，重想點？見到好多人都係點盅頭飯，可能嗰啲先係好嘢。店員同老客戶關係好。聽到有店員問：阿伯你凍唔凍啊，凍我就閂細啲個風扇～ 🥰剛好食到汗流浹背嘅我，成個變定格⋯ 好在阿伯話：唔凍唔凍 😄
continue reading
星期六下晝兩點鐘嚟到竟然好多嘢都賣晒，好辛苦先至搶到以下嘅點心：燒賣：呢間嘅燒賣真係唔錯，因為自家製所以d肉好新鮮。魚翅餃：而家好似好少地方食得到，係細個嘅味道，最鍾意食個餃子餅整到好薄嘅皮，即係好似魚翅嗰塊。牛肉腸：牛肉就普普通通啦，不過佢個腸粉皮好好食，唔會林pat pat。豉汁蒸排骨：啲排骨偏瘦，幾好。反而蒸飯就仲有好多，不過都係得兩款，分別係排骨飯同埋肉餅飯，因為已經叫咗蒸排骨所以就揀咗肉餅食。
continue reading