18
3
0
Opening Hours
Mon - Sun
12:00 - 20:00
Above information is for reference only. Please check details with the restaurant.
Signature Dishes
今年真喺幾有食月餅運，首先被「開飯喇」搵咗先試唔同餅店或酒家所出嘅水果月餅，之後食友、同事、老婆同事又先後送贈咗啲月餅嚟，叨老細光仲有緣一試米芝蓮一星菜館嘅蘇式月餅，甚至「鬼佬」月餅亦有幸一嚐，依個中秋實在大飽口福！當然，又點可以漏寫埋嚟自「開飯喇」嘅中秋獨家賀禮「望月」迷你酥皮奶黃月餅吖。先多謝開飯依份心意，包裝盒設計簡潔，盒面印著一句「嚐樂團圓」，中秋佳節實不可少，更鍾意喺盒邊嘅6個字「生活‧源是滋味」！有關「望月」、「葉潤發師傅」嘅資料，相信有好多人寫過，小弟都唔多再講，更無謂罰抄一次，盒內單張簡介已清楚有介紹，貼出嚟當個記錄，有興趣就睇睇！從單張所見，今年望月出咗4款月餅，除酥皮奶黃之外，仲有焦糖果仁、黑松露果仁、松露黑毛豬火腿果仁。雖然松露矜貴，若然有得揀，焦糖果仁先喺小弟心水首選囉，焦糖粉絲喺唔理性架嘞。迷你酥皮奶黃月餅言歸正傳，月餅一盒兩個，獨立包裝，月餅表面烘得唔算好金黃，但分別以開飯飯碗及笑臉圖案為餅模，堪稱極具代表意義，而且，望落又幾精緻可愛。單張上奶黃月嘅餅皮就真喺好薄，但眼前奶黃月餅嘅餅皮，其實在少少厚，不過口感依然鬆化。小弟已按照指引嘅最佳食用方法，就喺用微波爐翻叮5-10秒，唔知何解，切開嚟啲奶黃餡有啲鬆散，幸好甜香仍在，尤其椰奶及鹹蛋黃碎誘發嘅香甜，隨隨滲出，柔軟好食。明年，開飯仲會送望月月餅嗎？要喺焦糖果仁就一流喇，嘿嘿嘿！
continue reading
非常感謝OR寄來"望月"出品的奶黃月餅贈券。一直聽過葉潤發師傅這位迷你酥皮奶黃月餅始創人的大名，今次藉此有機會可以試一下他的手勢，實在是求之不得的一回事....禮盒包裝得很是精緻的骰。打開盒一看，兩個袖珍迷你，表面印上了貴網招牌舐舌笑臉的金黃色月餅便呈現在眼前....賣相就頗對版了，至於味道又如何呢 ?先用刀橫切一下，只感酥皮挺薄而且不會過份鬆散得因下刀之壓力而弄至成地碎....現在回想起今年吃"嘉麟樓"出品時的那種尷尬震憾情況，如今也歷歷在目.....奶黃餡內有不少的蛋黃，入口是有少許鹹香的，不過純由於自己懶惰及家裡是連微波爐或焗爐都沒有的原因，故此蛋黃吃下去是有點偏硬而起粒。相信若經適當加熱後味道會更好....奶黃雖甚滑溜但本身甜度甚強，對個人而言是不大喜歡。但在吃甜這方面不同人的對它的忍受程度是有一定差異的，像愛吃甜一點的人如太太可就會對之愛不釋手....自問一向不好食奶黃月餅也對之沒有太大研究，但總結一下亦發現今年吃過的出品也有三處 ---- 論質素當以有回勇跡象的九龍酒店最合口緣；其次便數到這裡；排至最尾，最差勁的便是價錢貴盡全城但人人仍趨之若騖的半島嘉麟樓了....幸好半島的那盒是朋友贈送的....如要自己花幾百大洋還要排餐懵才買得到的話，那就真的是浪費時間...
continue reading
中秋節吃「望月」的月餅，就如追星，追的就是「酥皮奶皇月餅創始人-葉師傅」的月餅。當各名酒店傳出發霉月餅的新聞下，「望月」月餅，更叫人啖啖放心。我沒有把它放進冷箱，也沒有出問題。其外皮鬆化且薄，內裡的奶皇很香，但一個人吃一個也太多，與家人分享，減低至肥危機。
continue reading
今年放棄冰皮改吃奶黃月餅，試了望月、田舍家及美心出品。外觀︰望月的外皮比起其餘兩間都較金黃，略帶焦啡。奶黃部份︰望月的奶黃是橙黃色的，中間包著帶酒的蛋黃。香味︰爸爸媽媽一致投票給望月，因為當月餅送進口之時，一股牛油，鮮奶及奶黃的香氣撲鼻而至，未放進口中已被香氣吸引著。不足之處︰望月的奶黃月餅較濕潤，拿上手很容易便散開了，但總的來說，評分還是最高的!
continue reading
中秋前收到OPENRICE的電郵,今年一眾食家都有一份來自望月的奶黃月餅作中秋節禮物,在此感謝OPENRICE的心意,更要特別鳴謝街坊食友亞瑜(AYU)的義助,小妹才有機會嚐試聞名已久的望月月餅,THX A LOT! 包裝精美的獨家心意月餅,分別有著開飯喇的飯碗及笑臉模樣,煞是可愛。月餅表面烘得金黃,沒有冷藏過更顯得油潤,外皮有著誘人牛油香,跟外皮緊貼著橙色奶黃餡同是夠油潤,入口柔滑甜美,有著蛋黃香卻沒有另一款名牌奶黃月的沙沙口感,兩者比較下個人更愛望月這款口味。看來明年中秋前要預早到望月訂購奶黃月餅了。
continue reading