20
12
3
Opening Hours
Mon - Sun
11:30 - 22:30
Above information is for reference only. Please check details with the restaurant.
上堂前先吃個晚餐下午五點半到逹，發現原來一幸舍在10月28日要結業了豬骨拉麵：豬骨湯低味道濃郁且稠身，到了有點糊口的階段，另外有少少過咸的味道食幾口麵又要飲一次茶洗口……麵條雖然選擇適中但還是偏軟，泡湯一陣間已經開始淋溏心蛋唔突出……义燒味道好淡餃子：皮薄餡少，沒有突出的地方
continue reading
聽朋友L講話呢間野好食, 就特登係考CRE之前黎食一食門面算係整潔, 而且日本人好熱情咁 LOL有六種唔同既麵可以揀, 鍾意食辣既我就揀左最辣既 GOD FIRE麵。麵有好多Options可以再細分, 例如分麵既硬度, 湯既鹹度 etc...講返個麵, 其實辣就唔係辣 -_-不過個麵底本身好好食, 麵身幾爽而且一d都唔被湯浸"林"。隻溏心蛋好好食, 而且唔會比個麵搶左個味成個環境都幾好, 坐唔迫, 食lunch時間都唔會太多人, 惟一美中不足係坐d櫈有d硬 -_- 絕對唔會坐到多過半個鍾
continue reading
同場試的另一間已另寫食評, 前因後果在此就不多提及了!!而我本身主要就係食呢間博多一幸舍....正宗豬骨拉麵, 叫咗套餐有埋餃子!同樣地試咗啖湯先...第一個反應係, 勁重味, 重點有點"滯"的感覺, 而且o個層豬骨湯ge 膠質極之糊口, 唔太鐘意......食完我仲滯到胃痛添-_-糖心蛋雖滑, 但蛋香味不足.......麵條叫咗普通, 但都係徧硬身餃子係幾香的, 皮夠薄, 換嚟代價係..無乜料XXDDD雖然個湯底真係好濃, 但食完後真係有 點滯, 仲搞到我胃痛咗一段時間...............而對我嚟講整體味道都只係不過不失而以!! 唯有期望下次試其他會有更好表現~~
continue reading
首次到訪Ramen Champion先前從友人fb得知此地方，於是放工後和愛人一起去嚐嚐門外的環境，電梯旁放置了數個易拉架進來的時候，會每人發一張卡以作記錄，購買和結賬時都要用到如有損壞及遺失，多謝$500大元因為第一次到來，所以先逛了一圈六間拉麵店的服務員都在推銷自家的拉麵，很熱鬧有的師傅用日文，有些店員則用廣東話為你介紹餐牌我們今次選了兩間拉麵店去試，分別是博多一幸舍和東京忍者點好餐後，便可以拿著電子提示器找位子和等候當可以取餐時，電子提示器會一邊閃燈，震動和響鬧，很方便呢。肥肥點的博多一幸舍的半熟蛋叉燒拉麵，售價$98，另外加了一客半價的日式餃子，$15還點了麒麟啤$50，放輕鬆一下配料有半熟蛋一隻 (已切半)，數片薄薄的叉燒，少許木耳絲和蔥粒。湯㡳很稠，而且像充滿骨膠原般~讚!幼細的麪條，煙韌彈牙，拉麵和濃郁的豬骨湯同吃，滿有幸福感。整體不錯，唯不足的是半熟蛋不夠流心。很喜歡這個香濃的豬骨湯底，不過吃多幾啖有點膩半價的日式餃子$15 (5隻)皮很薄，餡料不多，用上菜和豬肉，餃子味道一般般而我則點了東京忍者的朱雀拉麵（辣味豬骨湯）$78因為我耆辣嘛如果不想花費點飲料，在飲料角有免費茶水提供，客人可自行斟載 （夠哂貼心！）總括來說，在這兒吃到的拉麵都不錯，下次會再來試試別的店：）
continue reading
收工之後, 約左Mummy去食吓嘢~~~好耐冇同Mummy「撐枱腳」啦~~~!!估唔到Mummy比我還要識食, 佢帶左我去Ramen Champion度食拉麵!!!我同Mummy都係第一次黎呢度, 呢度就好似一個food court咁, 入面有六間唔同嘅拉麵店。一入門口, 就會有人俾張咭你, 原來張咭係用黎食完之後埋單計數架, 一人一張。我哋行暈哂六間拉麵店, 佢哋俾我嘅感覺係, 佢哋每間拉麵店入面都梗有一個或以上嘅職員係日本人, 不論係煮麵嘅, 招呼客人嘅, 因為佢哋每個同我講廣東話, 我都差啲聽唔到佢講咩.......由於唔知邊間好食, 我哋就揀左招待最熱情嘅一間啦~~睇吓有咩食先.....招呼我哋嘅係日本哥哥, 坦白講, 佢嘅廣東話真係一啲都唔好。但我聽得出, 兼夾睇得出, 佢好努力咁用哂佢所有嘅身體語言, 駛盡佢嘅混身解數, 話俾我知佢哋呢間鋪喺日本有幾出名, 仲要遍佈東南亞地區。叫左麵之後, 佢俾左部機我, 根據日本哥哥嘅描述, 當部機「beep beep」響嗰陣, 行埋去攞就得架啦~~~佢推介左我食佢哋店最出名嘅「半熟蛋叉燒拉麵」, 乜嘢都有第一次, 就試吓啦~!四塊手板咁大嘅叉燒鋪左喺碗麵上面, 見到都已經肚仔餓啦~!搯起啲湯, 嘩, 好「結」啊~~~!!係似汁多過湯架~~!!飲吓先...個人覺得咸左啲....碗麵呢....麵夾埋啲湯就啱啱好啦~~~!!啲麵煮得唔太「諗」, 剛好。試埋隻半熟蛋先.....我試完覺得隻半熟蛋至係精粹!!!隻蛋真係好流心, 蛋黃流左落啲麵度, 夾埋一齊食, 好豐富嘅口感~!最重要係因為佢係半熟, 有少少蛋白黏住黏住, 好滑啊~~~整體成碗麵係好味嘅~~!!(至少, 呢碗係我目前為止覺得最好味嘅一碗拉麵~~)可以改善嘅地方係....如果可以加多兩塊紫菜就好了。(脆卜卜嘅紫菜浸落碗麵度, 就perfect啦~~)Mummy鍾意食辣, 佢叫左.....「GOD FIRE」~~~~!!!顧名思義, 「神級」咁辣架啦~~!!由於我真係怕對Mummy黎講會太辣,所以我叫左師父少辣, 唔該~!Mummy呢碗雖說冇咁多塊叉燒, 但係就有紫菜啦....我飲過啲湯, 佢呢碗嘅湯冇我嗰碗咁「結」, 係真係湯嘅感覺。同埋一啲都唔咸, 唔太辣, 相信食唔到好辣嘅人叫佢「少辣」都食得到...Mummy覺得幾好食, 佢話啲麵都真係幾彈牙(哈哈, 其實我都而家都唔係好知彈牙嘅感覺係點...)不過就唔係幾夠辣啦.....(梗係啦, Mummy唔知我幫佢叫左「少辣」架~~~)日本哥哥仲推介我哋食多樣嘢, 加$15就食到, 就係...餃子啦~~~可能本人對日式餃子興趣一般, 我嘅感覺係: 其實好一般, 同出面食到嘅日式餃子, 甚至自己可以喺超市買到嘅「急凍系列」, 沒有多大分別...Mummy嘅感覺係: 好味, 皮薄, 夾起唔會散, 煎得好香~~~基本上, 呢間拉麵鋪都不錯, 我會番轉頭幫襯, 同埋會喺Ramen Champion網站度投佢一票~!p.s. 臨走前, 我想再影下呢間拉麵鋪, 日本哥哥突然衝入鏡頭, 話要take a photo喎~~!!
continue reading