40
26
20
汀角村斜對面
continue reading
Introduction
自設海景燒烤場, 各供應式燒烤食品(門市或預訂均可). 並設有「親親自然農莊」(鮮菇養植場, 沙灘抓蜆, 小小動物園, 風箏場等)
continue reading
Additional Information
星期六,日及公眾假期沒有4小時任食套餐, 只有其他套餐和散買供應
Opening Hours
Mon - Sun
10:00 - 01:00
Above information is for reference only. Please check details with the restaurant.
Signature Dishes
午飯來個任食自助燒烤也不錯，骨子內外都是食肉獸的我必定大滿足！而且最愛燒烤活動，日日燒都無問題！早前幫襯還舖緊石屎地，依家已經鋪好完工，不再沙塵滾滾。而且男廁翻身過，乾淨企理，廁所以前慘不忍睹，惡嗅濕淋淋又污糟。經濟任食，都懶得再買海鮮入黎。居然撞到幾個老友，大家果然係大埔友。任食套餐，執定基本唔夠再添。腸仔、雞中翼、魷魚翼、魚蛋、墨魚丸、牛丸、芝士腸、芝心丸、多春魚、豬扒、牛扒、牛柳粒、金砂骨、雞扒、等等。叔叔游刃有餘地起好火，餓死朕喇，立即開動！每次我都會使出三叉流奧義，不想浪費時間及炭火。火很美多變，忍不住每次燒烤都不停拍照﹗自家製泰式酸辣汁，中辣強酸開胃無限，似生蝦泰式汁，配雞翼、豬扒最合適。紅腸、牛丸、墨魚丸、芝士腸、魚蛋。雞中翼、雞全翼、雞腎、魷魚翼、豬扒、牛扒、紅腸、金沙骨、多春魚，全部高質無投訴，醃味醇美恰到好處。唯一出事係鱔柳，醃味及肉味都怪怪地。麻辣雞中翼，近年新出品，朋友們大讚，我第一次試。既香又辣，醃得入味，外層燒到金黃香脆，裡面就嫩滑多汁，好好味 ﹗蒜香豬扒，重手厚身好大塊！燒到兩面金黃焦香，入口鬆化有咬勁，滴汁蒜香，有骨豬甜味特別濃郁。黑椒牛扒，辛辣香氣突出，微鬆滑嘟嘟，醃味濃合格。金砂骨，每款用叉燒醬醃製的都無得輸！肥瘦適中，肉多骨少，肉汁滴滴，損得乾乾淨淨，味道甜美堅高質。沙嗲雞腎，非常入味，微辣醒胃，爽脆多汁不乾硬。多春魚，新鮮度滿意，慢火燒到乾身香脆，春子遇熱發脹，爆了！射到對面朋友們真不好意思。炭燒魚春極度甘香，魚肉嚥韌舔舔脷。咖喱魷魚翼，辛辣濕潤，彈滑嫩嫩。沙嗲鱔柳，都知道白鱔係高價食材，兩百多元只得一磅呢！價錢唔係問題，最緊要好食。略厭太肥太大碌，中形較為美味！沙嗲甜甜微辣帶蒜辛，肉質激彈半爽，兇猛的油脂有點膩，而且可能大條的關係，所以泥味重一點，醃料未能完全僻去。香草羊架，勁厚勁大件，燒起上黎更能保存肉汁。完全無晒雪剛剛冰櫃取出，要等幾耐先可以燒呢？沒有微波爐解凍嗎？厚厚羊架要耐心慢燒，迫出多餘的油脂。厚厚啖啖肉搭粗粗脂肪，咬兩啖已膩膩滯滯，質地結實有嚼勁，羶味頗強，免強頂得住。廚師腸，連早餐都未食，塞兩條腸先！食落雖然不是正版廚師腸，幸好彈滑不硬，味道清香不過咸。緊隨再黎雞中翼、金沙骨、鱔柳、牛扒、魷魚翼，全部都滿意好味道！蒜香雞中翼，燒得晶瑩透亮，鳳脂立立令，肥美脹卜卜，淨係賣相已經殺晒！聞一聞蒜香撲鼻，索一索炭香提味，咬一啖肉汁激射，內外彈滑多汁，蒜甘肉甜。蒜香雞全翼，近乎完美演繹！醃味得宜清爽，燒得皮脆肉嫩，雞膇彈彈，雞翼滑滑，肉汁豐富香甜。燒雞翼我鍾意食，我最愛 BBQ 呀！駐狗仔都係食家真識食，聰明到淨係食肉唔食骨呢！損乾淨所有肉，吐出骨頭，利害！羊架只食掉兩塊，剩餘既送比隔離青年們試試吧，不想浪費。食飽飽滿載而歸，肚滿腸肥搭的歸家休息！
continue reading
表面上 $90 一位好似幾抵, 成十幾人佢只俾兩包炭, 用晒就 $20 一包, 開爐費又 $40, 只包一支飲品, 俾錢都唔緊要, 入到埸唔會有人理你, 以往去其他燒烤場都有位哥仔帶下位開埋爐, 呢度自己搵爐, 仲要去排隊等拎炭等人開爐, 真係第一次d 位迫到冇朋友, 只俾圓櫈, 要行出去係要兜過 4 個爐先出到, 仲要不定叫人借借一開始俾一盤大雜錦, 食晒就去食物部 "輪啦", 個個拎住個藍色膠盤, 個食物部又細, 做野的人又少, 排晒長龍, 好像等派米食物質素唔算係差, 但冇樣好食, 豬扒, 牛仔粒一d 都唔勒, 成陣鬆肉粉味, 冇一樣野係食完想再食, 同個場一樣, 黎過唔會想再黎
continue reading
今日放工, 公司一班猛男相約我去大埔大尾篤BBQ, 由於有車接送又係自助式, 咁方便更係去啦, 嘻嘻!由沙田渣車都要30分鐘先到, 門口有得泊車,一入到去就要每人比$100位, 再比一支水你和取食物票................門口有幾輛大巴, 原來有好多小學生和老師搞活動, 仲大合照添^^ 入到去好快找到人開爐, 環境好大, 爐和爐之間唔太逼, 食物都算OK, 但最令人反感的就是全場職員態度極差, 不停"目及"實每爐的人, 驚人呃佢人頭費, 後來佢仲衝過嚟, 不禮貌話我哋朋友未比錢, 其實係佢自己睇錯, 好彩我哋齊收據比佢睇, 見到佢無得出聲, 比錢你無端端比你閙, 梗係閙爆佢哋, 激氣, 下次都唔嚟
continue reading
大埔坐小巴$3.5去。星期日位位$90+$40開爐費，俾左好多野食我們芝士腸-GOOD! 入面芝士流曬出黎!香腸-普通貨魷魚-朋友話以前好食D有雞亦、雞腎、牛柳、豬扒、少量丸無菜無金茹無燒賣番薯要另俾錢只包一包面包，未免少左D整體黎講，如果係一家大小黎既話，都有唔同既娛樂俾佢地，包括餵白兔、羊，畫畫，放小煙花等。但食物質素認真麻麻。
continue reading
Happy Friday, 跟大伙人來到這家號稱區內「燒烤王」的地方, 來到時需先付錢入場, 原來每位只需 $76, 跟其他曾到訪的同類型燒烤場約 $150-$200 比較, 實在極之划算。店內食品選擇尚可, 基本東西如牛扒、豬扒、雞翼、雜腸、雜丸也有, 只可惜牛類食品的調味極度重手, 可謂「極重口味」, 吃不消; 反而豬扒沒有這個問題, 且每件都是厚切, 大大件, 值得推介, 只是豬扒需要燒至全熟, 比其他食品需要較長時間來燒烤, 需要少許耐性。嫌自己動手太麻煩? 這裡更有一位店員專門負責燒烤, 一次過燒大量的, 更有些 off menu 食品不定時供應, 是個增值位。
continue reading