Zummer (Closed)

環境安静，晚上只有三四枱，担心這餐廳可長期生存下去嗎？可能我多慮了。晚上點三course的。依點的主菜再加hkd148.其實不算便宜。可惜品質還待改善。前菜其實很不錯我最怕火腿有“咋“呢方面過關。但火腿味道不夠濃，無花果品質尚佳配在一起也和諧。蘑菇湯不夠creamy. 不知為何有點“shan”菜的那種黏绸的感覺。我學過煑蘑菇湯煮過也不是這樣的。不知道他們用了那品種的蘑菇。但平心而論這湯落足料。主菜是海鮮意大利飯。（hkd206) 有值得改善的地方。賣相還可以。飯有點太soft不生但我绝對可以接受這軟軟的處理。但是飯没有chesse味我就接受不了，而且蝦明顯不新鮮，近蝦頭蝦肉部分還有點梅梅地苦苦地，三文魚也燒得很老很“鞋“了。雖然三文魚過熟是幾乎所有restaurant煮這道菜的通病！朋友點的主菜倒可以。 (hkd268)我應該不會将此餐廳大力推介给朋友。湾仔金钟中環一带的選擇太多了。

Xmas lunch set1）包：香草包，唔熱，但我脆內軟；蒜蓉發包，都係唔熱仲變硬左添2）火雞沙律：普通3）雜菜湯：好酸，微暖4）香煎鱸魚：個紅頭菜汁無味ga，個經理仲話好好食5）香草雪糕果撻：最好食都係li個，但個皮太厚，牛油味過濃其次我仲試左另外兩款主菜，鴨胸-好"un"同無味；煎火雞-嚡，但夠香，反而我鍾意火雞多d。而且佢地d餐茶，熱飲得半杯，真係唔想再黎食

香港人習慣貪新忘舊，灣仔每年實在太多新餐廳的誕生，嚐新既是天性，舊愛自然容易拋諸腦後。記得位於QRE Plaza 的 Zummer 和其前身 DAP 也曾是小弟喜歡的聚腳點之一，不過灣仔區的改變一日千里，選擇多了，Zummer 慢慢演變成後備。但人總有鳥倦知還的一天，今日人在灣仔，突然想吃一碟美味的意大利粉，Zummer 忽然重現腦海中。Zummer 開業時，已經得知總廚在外國深造多年，善煮意大利菜之餘，也喜愛加入東南亞菜的元素。   意式火腿拼盤, 3.5/5頭盤先點了意式火腿拼盤，四款不同味道的火腿各有突出之處，配以雜菜、橄欖、蕃茄、酸瓜等等非常健康的材料，為午餐順利揭幕。   白松露意粉, 3.5/5來這裡是為了吃一碟美味的意大利粉，結果也沒有失望。手打意粉配搭濃郁的白松露汁和少許雜菌，味道不俗。松露汁是菜式的靈魂，廚師也調校得恰到好處，做得濃而不溜，不過麵條可以煮得更al dente 的話，滿意程度一定可以大大提升。   日式牛脷燴意大利飯, 3.5/5說大廚善於做意大利和東南亞色彩的融和菜果然沒錯，另一款主菜絕對是佼佼者。廚師採用了日式咖哩汁和牛脷來襯托傳統的意大利飯，

從前不懂酒，自從轉了工後，我就被人說是一個酒鬼，無時無刻都想要酒。其實喝酒真的很肥，對比牛扒豬扒，酒真的是更肥，但一愛上了，不能停止；酒，就是一種毒品，喝過幾次後，便不能抗拒，時時刻刻，都想手握酒杯。現在經常都接觸到酒，由從前的完全不知道，發展到今天的略知一二，雖然都是皮毛，但超碼搭到兩咀麻。老闆為了令整個wine dinner有好的效果，所以事先已掏荷包來吃一次為wine dinner準備的菜單，而對於我這個為食貓來說，雖然食物一樣，不過吃多次都不會悶的。是晚的Wine Dinner，配了四支來自Champagne的sparkling wine，從前的我，以為Champagne是酒的一個名稱，但現在才知道，其實是一個地區的名稱，真無知。價錢方面，$950一位已包加一；這晚的4支酒，前3款大約$400一支，而orpale要$850，所以$950一位都算相宜，愛酒人士實在不可錯過。這晚的wine dinner由Amber Wines Ltd統籌，在Zummer舉行。是晚的dinner有22人，有些食客怕了我們，看到這張長枱後，急急腳走了。首先是來一杯welcome drink，De Sa

QRE，整棟大廈都是食肆，要在眾多食肆中突圍而出真的不是太易。雖然一直都知道QRE的存在，但卻一次也沒有來過這邊用餐，一方面不會特意去灣仔，而另一方面，似乎沒有一間食肆令我特別想去。今天，因為各種原因，讓我第一次來到QRE的Zummer。Zummer，一早已經聽其他食友提及過，是龍是鳳，吃過便知道。這裡有兩層，23樓有兩間房和吧台，房間大約可容納12人，而吧台那邊的感覺很好，用來搞小型function也不錯；而上層則如圖中一樣，地方頗寬敞的，而且位於位之間也有書架相隔，感覺上比較private。我們十二時多便來到了，大概上班族都未夠鐘吃午餐，所以店內都未有客人。說實話，頗喜歡這裡的裝潢，一踏進門口那個感覺很舒適，而且非常光猛，最怕午餐也要摸黑吃飯先上來的是麵包，蒜蓉包味道很好，蒜蓉味十足且非常的香脆，是我愛的質感和味道。而另一款餐包，個人認為比較港式，與這個地方不太相符，如果有那種粟米包之類的會更好，畢竟這港式包與油醋的味道不太配呢。Alaskan King Crab Tower，賣相也不錯，蟹肉份量頗多的，是罐頭貨色，味道也算鮮甜；中間還有些牛油果，牛油果熟度適中，不會過硬或過軟，味

如果唔係因為有團購，都唔會有機會發現到lee間生蠔餐廳。Coupon HKD$348+10%服務費~每人十隻生蠔，包括法國、澳洲、蘇格蘭同埋一杯紅/白酒。我同HONEY幾日前BOOK左位, 係星期五晚上，餐廳都有八成滿。眼見多數人都係團購食家來的。坐低十分鐘，即開生蠔送到，其實都還可以, 我同HONEY都冇抱太大期望~不過O個6隻法國蠔都比較瘦削....味道就，唔...唔會同出面oyster bar 五六十蚊一隻o個d比lor...haha 食完每人十隻蠔，我同HONEY係度猶豫叫唔叫熟食好。最後，好, 比次機會佢! 決定叫左個香蒜蘑菇意粉 ($148)再加牛扒鵝肝($398)點知......Lee個係一個非常錯誤既決定!!!!! 個意粉份量少得可憐，味道仲，我夠膽講係我近幾年以黎最難食既意粉!!!點解一個甘簡單既意粉可以煮成甘~D蘑菇係生既~D蒜味淡到無倫~我覺得佢連HKD$48都唔值，係lee一刻令我超級掛住~快樂時刻pizza hut~t的蒜香意粉!!!跟住輪到個牛扒鵝肝~牛扒我地叫5成熟，點知出黎個件牛扒好似煲完湯既瘦肉甘，無論味道同質感都距離合格差好遠!鵝肝呢~食落好似肥豬肉

今個星期日, 23号, 全香港仲要(仲會)番Office的應該都死剩我一個, 無辦法, 鬼叫你放長假. 中午一個人由PP3行去QRE食好D, 選了Zummer.分二層坐係樓上25樓, 今日好少人, 選左個窗口位, 陽光照黎好舒服. 餐牌只得Set lunch. 叫左個沙拉+鴨胸. 個沙拉的菜好新鮮, 帶子ok好香, 少少overgrilled. 但最正的係果橙!! 好甜!! 自己總係買唔到.... 鴨胸好鍾意個presentation! 研究左一陣都唔知果d畫係碟上的汁係乜.. (好似blueberry sauce, not sure) anyways, 都係好香, 鴨味充足, 熟成道掌握得唔錯. 配菜亦煎得好食.... 滿意之作.不過, 最重要的系....未飽!!! 我有d後悔開始俾我的面包我竟然唔食.... 甜品我最後都無加錢食. 不過唔緊要, 我女朋友最後當日都可憐我接我放工食tea. 剛開始學朋友寫食評但之前的俾OPENRICE制止左, 唔通係我有劣評的關係? 試多一間讚的, 太辛苦, 我打中文太慢啦!

買左zummer團購$688 四人矜貴「蠔」華宴 每人連餐酒….去之前已經openrice左知道有其他人食到1肚氣我地book 8點..坐低收完coupon…有個類似captain既人黎問係咪冇人理我地..問我地要紅酒定白酒..諗住佢轉頭拎埋menu比我地點知坐到8點半都冇人比menu…淨係得幾杯酒呢間餐廳係咪認定左團購客1定係比唔起錢既cheap客???我未試過去到1間餐廳連最基本既menu都唔比..即係唔expect我地會order野食啦…我地果1刻已經決定左唔會叫野食…唔明點解menu都要人開口先比由於等左半個鐘既緣故..我地問waiter..其實我地等緊咩佢好理直氣壯 大大聲話 等開蠔囉!然後1路走再回頭笑最後等到9點終於上左40隻蠔我個人認為如果真係要等1個鐘….係咪應該同客人講聲開蠔需時…麻煩等1等最後我地食完蠔就去左三角街打冷..又好食又平!!D侍應叔叔又好人又體貼…最緊要食得開心條氣順

成個月前見十隻蠔加一杯酒2人$348，又幾底喎.未叫埋班friend一齊去。點知當曰佢地打黎confirm booking 時又話個同事冇take 低你地有coupon喎，吾知有冇預蠔。‘有問题先打俾你啦！‘我心想约晒成班friend,吾係馬？個小姐尚算禮貌。到6:30p.m.都係吾放心，再打去問問。個小姐話冇打俾你即係有蠔啦!上到去，同友人坐咗成15分鐘，水都吾打算俾。更奇怪，menu都吾俾你睇！吾通佢地做團購吾係為咗drive additional revenue? 或者已認定我地係cheap既一羣，吾會再叫野？一名聲線粗豪，貌似captain既過黎收咗我地幾張coupon. 之後來來回回幾次話其中一張係一人份，因為寫法吾同。我話明明value 都一樣喎。佢話上面寫‘10 oysters for each person' 吾同其他寫20 隻2人用喎...大家都回應，你識吾識英文呀。。。好彩佢都冇再爭拗落去。講到D蠔，成埸得幾枱客都要分幾次送上。味道一般啦，但好似開咗好耐，完全冇晒水。問captain 有冇紅酒醋，佢話用紅酒醋過時喎...難道用cocktail sauce 好時興？

早前，來到當時新開不久，位於灣仔QRE的Zummer試菜，此商廈內餐廳林立，Zummer選擇在此開店，信心十足。當晚試了好幾款菜式，阿拉斯加蟹肉塔，面頭是蟹肉，中間是牛油果，底部是三文魚他他，其實，只要有個模，就不難做到，沒甚麼特別之處。北海道帶子刺身薄切，很奇怪，帶子近乎沒有味道，後來二廚出來解畫，說北海道帶子本身的味道是不突出，聽罷，我心想，你吃過真正北海到帶子沒有？蟹皇蜆肉扁意粉是金玉其外，下一句不說了，掛名為蟹黃，但吃不出蟹黃的味道，奇哉。其他的不說了，甜品的心太軟令人搖頭。總之，吃罷沒有留下深刻印像，後來他們再邀請食家們試食，事後只得間中掛單，留下一個頗為厚道的批評。是好是壞，大家心中有數。與其不斷邀約試食，不如著手去改進菜式水準，長此下去，不是辦法。

瀏覽「食府盛薈2012」專頁時，留意倒間喺公司附近o既Zummer，見佢地刊登喺網頁上個Set Lunch Menu都唔錯，所以就約埋表弟同表妹去試下。當XO正準備網上訂座時，發現原來此服務只限於晚市適用，午餐一定要打電話訂位，小弟真係好唔明白咁點解要擺個午市套餐上網比人睇呢？！此外，個套餐係成日轉o既，訂座時接線生話佢地都唔知道內容，要客人去到餐廳先會知wor。如果XO仔冇記錯，Zummer前身係DAP。新餐廳Zummer仍保留23上25樓嗰條樓梯，地方依然好光猛，間隔亦冇乜大轉變；雖然枱櫈唔同左，但仍不失高雅o既格調。服務生就唔同哂啦，25樓係全男班，有後生有老大。午市時間真係好忙，見佢地出出入入，真係氣都冇得透，所以除左落單，我地都盡量唔騷擾佢地。埋位都好感激佢地問我地要涷水定熱水；見佢地壺涷水入面有青瓜，XO當然係要熱水啦！哥哥仔幫我地落完單，就攞左籃麵包比我地食。雖然唔係好夠熱，不過個蒜蓉包味道唔錯，包身唔硬，而且係免費贈送，所以一向唔浪費食物o既小肥成籃清哂！我地三老表一人叫左份set lunch，三個都飲餐湯，不過主菜就全部唔同，　一人叫一款：是日例湯之忌廉甘筍湯：湯屬和

和 CW 小姐吃午飯去，那天兩人都在公司，老細又繼續放假，自然就可以走遠一點啦。聽這位同事說這家午飯相當不錯吃 (還講到眉飛色舞喎)，於是她吃過後的一個星期，我又拉她去這裏去午飯。這餐廳分三層，樓下是 bar 樓上是餐廳，不過也許是午飯的關係，檯放得有點擠，不太似一家夜晚做 fine dining 的餐廳喎，而且樓底不算高，午飯 full house 時分，人聲夾雜也是相當嘈。下單後就上了麵包籃，麵包先有預熱，試了白身的圓包，外皮帶點煙韌，但入面又很鬆軟，好吃；蒜蓉多士薄脆，不過是一早弄好的，而且也做得有點太薄，有點被比下去的感覺。前菜可選沙拉或湯，我選了這個青木瓜軟殼蟹沙律，很泰式的一道前菜，木瓜絲爽口沒澀味，跟魚露同吃，酸酸甜甜的是相當清新；炸軟殼蟹的炸功不多，難得地沒有很多油的感覺，炸漿也不厚，起碼還吃得到軟殼蟹的味道，跟伴碟的黃椒沙拉醬也很相配。主菜兩人分吃，要了這個日式照燒魷魚桶釀炒飯，擺盤不錯，魷魚桶的體積大概有一隻半手掌大，看上去相當有氣勢 (？)。魷魚筒入面釀滿了炒飯，照燒汁下的分量不太多，沒有讓炒飯濕到變成「一 pat 野」，但老實說跟魷魚筒好像沒啥關係，倒是魷魚筒的

曾以正價光顧幾次，質素不錯。後來買了團購再次光顧，質素和衛生程度卻差得嚇死人（只可惜當時在震驚之下沒有拍下照片）。反映後，經理竟然大條道理的說，付這樣的價錢就是這樣的了（難道連衛生程度也要compromise嗎?）。經理同時補充一句，那天的質素已經不算很差，他們之前一個星期取回來的貨質素更差(想不到沒有最差，只有更差)。各位考慮買團購的，真的要考慮清楚。而我，在看清他們的兩個面孔後，以後也不會再光顧了。

數月前曾被邀約於中環的穴藏，想不到事件還有下文，今躺收到由同系集團Zummer的邀請，作為一間以歐陸菜為主的餐廳，看食評的口碑也偏向不俗，也因與前躺次相若的出席名單關係，加上時間合適之下，最後還是選擇應約。餐廳位於灣仔的QRE廣場，對面就是地標合和中心，所以地方不算難找。原來這餐廳合供兩層，廿三樓主要以酒吧及clubbing為主，當步行至廿五樓才是用餐區，至於為何缺上廿四樓，那就不得而知了。配合昏暗的燈光下，主環境還是以情調為主，是日的菜單還是有點玄機，因這餐廳參加了名為IKA的奧林匹克烹飪大賽，也真的四年一次，而當晚席上供應的食品，正是參賽的項目部份，無形中一眾出者也，亦負上些許「重任」。先來的麵包盤還是不錯，除蒜蓉包之外，還有烘得外脆內嫩的小餐包，加上餘溫仍存，仍散發出若干小麥香氣，除牛油之外，個人還是喜歡沾上橄欖油醋汁。主菜是三文魚鱈魚夾鵝肝暖批，將兩種魚類同併夾在一起，值得一讚是三文魚的處理，可能是食材產地的緣故，其肉質不算嚡身，反帶點嫩滑的質感，配合同樣以嫩滑為主的鱈魚，兩種鮮味配搭上來，亦算相相得益彰，而中間處更夾上豐胦的鵝肝醬，配合上層的香草龍蝦汁及芥末，整體可算不俗。期

It was a pleasant experience overall for my mother, my daughter and myself. We went there after our yoga class on Saturday and we didn't wait too long even without any reservation, i.e., approximately 12 minutes.I am pleasantly surprised by the tidy and avant garde decor of the venue; especially when I wasn't expecting much in the first place (we just happened to be in the Wanchai Queens Road area and was in the proximity of the QRE building). The tables, the chairs, and the menus were also