源煌雲南米線．重慶雞煲 (Closed)

相約朋友去食雞煲, 所以預訂了之前經過女人街時發現的源煌雞煲，我們book 8:30pm, 要等到9點先有得坐低, 其間朋友話去其他地方食, 但因想試下lee間，又唔想走來走去，最終都無走到。點知就係錯誤既開始。店舖好細好迫，坐得好唔舒服，食物味道一般，不過不失，但火煱料選擇比較小，雞煲d雞不是太入味，只有很重的麻，整體來講就是一般般，不值回味。特別要強調的是服務態度，雖然2小時任食唔貴，但我認為服務態度一定耍有，餐廳的服務生態度極差，遲卑枱我們，重要唔好意思都唔講，其間等食物或吹食物又嗨嗨氣氣，好似唔想做我生意甘。我覺得今時今日甘既態度，真係過份，可能餐廳係旺區，佢諗住唔駛做返頭客掛。我應該都唔會再來，費事貼錢買難爰。

買了19蚊的團購2餸米線/紅薯粉+豆漿,今日2點幾就來試下,店內好多人,只有搭枱2人位,店內只有一位阿姐落單,佢忙咗好耐先輪到我地,我要了生菜+包心魚丸+清湯紅薯粉,男友要了牛肉、墨丸、bb四川麻辣的山西刀削麵(仲有雲南酸辣和重慶酸辣,唔知有乜分別呢),因為串燒可以買一送一,就要了絕味牛肉串,等咗8min串燒先到,想不到是如此的瘦弱,感覺上是將原來2串的肉分成4串般,但見到別枱原價都是一樣的,味道有點辣,仲越食越辣唔係好食得出係唔係牛,很乾身0肉汁,但味道是合格的(香料分),再過一會麵送到了,這間的紅薯粉特別的強韌,如果不是用門牙不停鋸斷的話(用其他牙齒係咬唔斷的),可能有機會哽親,小朋友就千奇唔好食,夾唔斷的,食得頗辛苦,但其實本身是有益又好吃的,只係這間真係好韌,生菜很翠綠,包心魚丸還以為會爆醬,所以小心翼翼地吃,結果沒有,魚丸裡面包了牛肉色的肉粒,味道很鮮,好吃,湯底都很鮮甜,我至少喝了半碗男友的刀削麵很闊身,我試了一口湯底立即見效,連忙喝豆漿解辣,他說bb辣佢都唔係好頂得順,一直流鼻水,野飲唔夠飲,要快快食完出去買團購價錢其實頗便宜,不過正價又未必會來,服務的話除了第一句叫我地

相信好多人都係經團購既圖徑去認識依間餐廳，我都唔例外雖然依間餐廳既米線並唔正宗，但就好岩我同女朋友口味所以依家已變成我地去旺角時，成日去食既餐廳喇！都值得推薦比大家的今次食的是團購午餐，$19蚊有一碗兩餸米線加豆漿一杯，加$2可轉其他凍飲！我同女朋友要了凍奶茶，好快就黎到了！之前飲過幾次依到既凍奶茶都好一般，好多時都唔夠味；不過今次就好左好多，唔知係唔係請左人專整野飲呢，抵讚女朋友要的米線先黎佢要了特色重慶酸辣湯底，小辣；餸就要了芝心丸同豬潤！女朋友話，依到既重慶酸辣湯並唔正宗，似係雲南米線加左麻味落去！不過雖然唔正宗，但就好岩佢口味，好鍾意食我既好快都黎到我要了招牌雲南酸辣湯底，BB酸BB辣；餸就要了蟹子丸同包心牛丸！由於之前食過幾次，所以我已經搵到最適合我既酸同辣，就係BB喇今次既味道當然都好岩我既口味喇。所以話，有時餐廳都要同人夾，夾左就自然變成好味嫁啦最後想再讚下依到既服務。不論你係咪團購都好，服務都係100分的相信各位黎食過既人都一定會感受到，自然就會食得開心喇！ps.想提提大家，依間餐廳既辣都真係幾辣的。所以第一次食既人最好叫BB or 小辣試下先，否則太辣就唔好喇

源煌雲南米線係旺角通菜街一間米線專門店,開業大半年家庭式經營,店員服務有禮店舖裝修簡單佢地o既米線湯底首創酸度分級制除左供應米線外,亦有多款小食及串燒可供選擇之前o係網站以每張$78 o既價錢買左一米線二人餐 coupon,可以換到 2 人套餐 B 餐一份,米線可以選擇 ALL IN BALL 全丸巨碗米線或 ALL IN ONE 招牌巨碗米線,另有兩串串燒,兩款小食以及兩杯飲品我地要左 ALL IN ONE 招牌巨碗米線,小食要左紫芋山葯及香辣雞中翼,串燒要左大漠羊肉串及骨肉相連,飲品要左凍檸檬茶及凍利賓納ALL IN ONE 招牌巨碗米線 $48個碗超大,店員另外俾左兩個平時一人份量o既碗我地,呢大碗米線剛好倒滿兩個細碗幾乎所有配料都包含在內,有炸醬、腩肉、雞肉、雞絲、豬肉、牛肉、火腿、包心魚丸、牛丸、墨丸、酸菜、豆卜、豬潤、芽菜、韭菜、腐皮及生菜 17 種餸菜配料,不過有o的款式唔夠兩件份量雖然係驚人,不過係預左兩個人食麵底可以選擇米線或者紅薯粉米線湯底可以選擇鮮甜味美清 / 正宗四川麻辣 / 招牌雲南酸辣 / 特色重慶酸辣我地要左招牌雲南酸辣湯底o既米線,選左 BB 辣,即係非

之前團購了這個優惠$68二人餐,幾抵食每人兩碗面,有小食,串燒,餐前青瓜,仲有兩杯飲品~約7:30到步,啱啱有位唔駛等~我攞咗張團購紙比店員,店員有禮介紹如何點菜~要自行選擇的有湯底,面款,小食,串燒,真係心大心細,但有好幾仲小食賣哂無得揀,店員話平日黎會好啲,唔會咁快賣哂喎~我男友揀咗四川米線味道O.K,我揀咗重慶米線,比較咸,小食揀咗雞串,串燒有牛及雞,男友話好好味,可以再黎食過,我就覺得樣樣都咸咗小小,鍾意重口味既可以試試~雖然話團購但份量都好足架,眼見大部份都係攞團購劵黎食既食客,講真如果無團購我都未必會留意間舖頭,因為沿途都有好多食店,真係太多選擇;店舖細細,店員得幾個,所以要耐心小小等~

第一次用coupon 用得咁開心.昨晚同男去左試下呢間面店, 一入去個老闆娘就好好笑容咁招呼我地. 我講用coupon 佢都完全冇黑面, 仲要教埋我地點睇張菜單, 有咩好介紹,今日的晚餐:麻辣(小辣) 薯粉+豬大腸麻辣(BB辣) 粟米面+炸醬+ 涼菜(蘿白)+ 小食 四隻雞翼 <夠入味, 正, 係細隻左d者)+ 串燒四串 (雞+羊) <羊太焾, 雞好正, 好滑好彈口>+ 二杯飲品 (豆漿+華田cold<-要加$2)總結: coupon 既價錢有咁既質素, 我滿意, 男認為好好添, 會再來幫襯^^

團購買左個2人餐米線 (1餸)有好多選擇順帶一提江西米線好煙UN湯有4款選擇清湯都OK串燒等耐少少, 味道幾好不過少許「重口味」食完啲味好耐都去唔清小食要左雞脾肉塊, 有3片, 意料之外青瓜好爽口2人餐嚟計超抵食, 份量促

今次同人狼去食團購19蚊一碗兩餸米線+豆漿一杯 米線分量女仔OK，但男仔就應該會到喉唔到肺湯底酸辣唔錯，味道豐富但麻辣就唔係好得，人狼話得個麻，辣都唔辣(ps 兩碗都係叫小辣)餸既分量就真係小得可憐本身有既腐皮就碎濕濕一細片一細片咁其他餸都要慳住慳住食豆腐無咩豆味，偏甜不過整體黎講都算差唔多喇

又係食團購，今次 $78 二人餐。係油麻地落左堂行至旺角都好近，當時大約 8:45pm，店舖簡單裝修，無幾台客。我地一入到店內，女待應禮貌地招呼，坐下我就比張 coupon 待應睇，佢好好笑容咁講，噢！你地食呢個呀！好的，等等。（嘩！我食過好多 coupon 餐，通常比我既感覺係ｄ待應無咩興趣招呼我地持 coupon 食野既人，今次呢個咁好招呼既，呢點一定要讚！紫芋山葯兩件, 無咩紫米味，更無山葯味，只係有甜味 ／大漠羊肉串，有少許羊味， 通常食串燒都預左食＜柴＞，但呢度完全會囉！外面少脆香口，肉質軟有汁既 ／骨肉相連， 係雞肉同雞軟骨，都係外少脆肉軟，都幾香口 ／榴槤盞，完全無榴槤味， 得個甜字 源煌招牌巨碗米線，嘩！超大碗！倆個女仔食唔晒。特色重慶酸辣湯底，我地要求 BB 辣，即係非常少辣，湯底味濃，味道普通；內有炸醬、腩肉、雞肉、雞絲、豬肉、牛肉、火腿、包心魚丸、牛丸、墨丸、酸菜、豆卜、豬潤、芽菜、韭菜、腐皮、生菜，除左牛肉似食＜柴＞之，其他都過得去。麵底︰紅薯粉， 紅薯粉咬來咬去都好似咬唔欄，唔係硬，係太軟果隻，但軟得來咬唔開，我自己就唔喜歡。若然只要求飽肚既，呢度都唔錯。

源煌雲南米線推出$98的團購套餐，二人份量，原價是$138。 我和Shirley 揀選了BB辣的麻辣湯底招牌米線。裏面的配菜雖多，但都是買回來的，換句話說，是沒有獨特性；而鮮肉又沸得過久，老了... Shirley說米線過腍，不爽口! 麻辣是因應顧客要求加上去的，還可以。鹵水過甜，但點了附加的醬油，又不太差，鹵物亦頗完整。煎炸小食都不錯，尤其是紫芋山药，但地瓜丸是紫心的，莫非是紫心蕃薯，Shirley還說是芋頭？？？ 總括來說，$98享用以上食物算是合理，若以原價$138購買，旺角更便宜的選擇還多的是呢?

因為有 groupon 食二人米線餐，所以去試依間米線個套餐包一大碗米線（可轉薯粉）兩串串燒，兩款小食，兩杯野飲。起初真係怕唔飽，得一碗米線，點知佢出到黎真係好大碗呀，我同女友兩個食都真係已經好飽，我地轉左做薯粉，因為我未試過薯粉，所以就轉黎試下。都幾好食串燒：太多香料啦，攪到我成日想打乞嗤，同埋太乾啦,,,,,,,小食：太油啦，佢一上桌果張吸油紙已經有1/3油左....碗薯粉都算快到，大約等左五分鐘左右，但Ｄ串燒同小食反而等左成十五分鐘左右.......一般啦，如果唔係有coupon都唔會黎食

之前買左團購,78蚊就有一個二人套餐食..見到碗野好大碗又話送小食咁咪買佢黎食囉..一去到坐低可能太早都冇咩人..知我用團購之後都無話態度唔好咁樣仲介紹我地可以食D咩野.唔錯米線唔錯,份量都好OK..同個男仔FD食,大家都夠晒食炸醬有碟跟上..唔太辣岩我D唔食辣既人串燒要左羊同牛 ,但講真可能D香料太重..跟本食唔出邊款牛/羊好油但味道還好既3樣之中最好食 但始終都係油左少少如果要我原價食我未必會再食..但個米線係OK既

是為精打細算系列也熊仔向來不是一個'飯人", 基本上一個月不吃米飯都無問題, 反而像北方人般喜歡包點和麵條~~ 是夜在旺角辦完事後要找吃的, 有想起近來大紅店丼丼屋, 但想起買了這個團購, 反正遲早都要用, 是晚又沒有頭緒要吃甚麼, 就和豬仔來使用這個COUPON吃二人米線餐想起當日要求豬仔買這個團購是因為熊仔很喜歡吃米線, 不過吃米線的地方不是X記就是雲XX, 沒有新意... 既然可以用一個較低的價錢去試新店, 何樂而不為呢! 一個二人餐包一大碗米線, 三款小食及兩杯飲品, 大碗米線就是有不同的丸子, 豬肉雞肉, 腐皮, 豬膶等米線例牌餸! 加$1可有酸辣或麻辣湯底, 基於豬仔不吃辣的關係我倆要了清湯.. 米線是幼身的, 其實也頗煙靭, 口感是不錯的小吃方面我倆要了南瓜餅 (紅豆蓉做餡, 炸起來也很香口, 餅本身很chewy, 不錯), 東北餃子 (沒想過是個炸餃子, 餡是粟米,菜和肉, 中規中矩啦), 雞肉串 (是疑似老闆娘的人推介的, 油淋淋的, 味道也是一般的啦), 羊肉串 (其實吃不到是羊肉... 肉身比較乾, 不過調味倒是不錯的)食物質素一般般, 地點倒是就腳的...可惜的

之前見到團購好似好抵，所以買左黎試下！同女朋友入到去，個姐姐(疑似事頭婆)好好招呼，然後比個餐牌我地慢慢揀，仲介紹我地有邊D係推介！首先黎個小食拼盆，雖然肉小小，但係幾好味！之後就上個大大碗米線，我女朋友第一句話:咁大碗點食呀！哈哈！好彩，最後我地可以KO呢個餐。

團購. 78蚊一個二人套餐. 原價108有招牌巨碗米線 、小食、串燒 及 飲品 . 都相當抵食. 米線我地要咗酸辣(小辣) . 味道不錯. 又多餸. 份量又足. 兩個食得勁飽. 只係米線煮得淋咗D . 至於小食. 雖然有三款咁多. 但味道有待進步. 全部都太油LA. 串燒. 好明顯唔係燒而係炸. 冇香味. 而且好油. 榴槤盞. 表面係用芋頭整ga喎. 係幾得意. 不過榴槤香味欠奉. 食咗一舊已經冇食lu炸雞翼. 雖然話香辣. 但就冇咩辣味. 炸得幾脆. 不過炸份亦太厚. 總括黎講. 米線可以再試. 但小食大部份都要再做好d 先有得反轉頭.