潮點點心專門店 (Closed)

琴晚同男友仔去尖沙咀 shopping...攰攰地就係時候坐低食下野 但係 2 條友都唔肚餓...點算!?結果就打算去厚福街轉個圈...一去到, 遠望就見到一個好 sharp 既招牌 "潮點 - 點心專門店"心諗, 既然唔肚餓食少少點心都好喎~所以.....就入去一試嚕!!入到去, 有九成位坐都係"吉"既, 自己搵位坐....不過地下真係好.....黐泣泣 坐低之後, 就有 2 隻紅色小朋友杯仔 + 2 隻碗匙 + 1 個幾得意既 "茶壺"上枱~首先, 先拎左枱面既點心紙紙過下目....嗯, 款式好少...有: 小量蒸飯 / 小量點心 / 小量炸點 / 小量甜品...etc信心回升, 因為.......紙上仲寫住一句: 酒店廚師 = =+反正我地都唔肚餓, 就求其 order 幾樣試下算啦:- 鳳爪- 牛肉腸粉- 鵪春蛋燒賣- 蝦餃等左 2 分鐘都無, 仲洗緊用具之際......野食就上枱啦!!!雖然算係熱呼呼, 但係好明顯....唔係即叫即蒸啦 腸粉更加係同點心同一時間上枱, 真係快得離普, 都好明顯唔係即拉腸粉嚕 鳳爪 - 色水還好, 亦算入味, 可惜個汁唔好味, 不咸不淡...牛

晚上8時半才約了朋友食飯, 尚有個多小時才有得食, 叫有間新過吓的店, 忍不住入內試試, 吃了蝦餃和鳳爪排骨飯, 蝦肉幾爽, 蝦餃皮望落厚厚, 做得不算吸引, 但食落尚算有些少彈口, 水準一般啦, 而排骨飯用傳統瓦製盅頭, 鳳爪脹脹的, 樣子幾好, 排骨也不錯, 一粒粒, 骨連肉, 飯身一粒粒, 不算淋, 好過蝦餃好多, 坐位太迫, 不太舒適, 好味程度未超過坐位不舒適度, 多人時不會再幫襯.

果日肚餓經過潮點,好似有新野喎~入到去細細間,但裝修都幾舒服~之後有茶黎到...呢個幾新奇!!腸粉好滑,春卷又脆卜卜~特別推介!!!個湯好好味,d餃大大粒~~好正!!!!!軟綿綿><好多涵~甜品~值得一試!!個老細仲識同你講笑^^

最近多了一些提供以往傳統的酒樓點心的食肆, 我和女友食過幾間, 以尖沙咀的潮點點心的廚藝和服務最好, 他們的點心, 是由經驗豐富的酒樓點心師傅製作, 與以往酒樓的味道和水準一模一樣, 尤其是以山竹牛肉和鮮竹卷最好味, 蒸飯也不錯, 潮點提供的茶是用像酒樓的茶壼, 加添了食的氣氛, 有如在酒樓"嘆茶"的感覺, 兩人坐著慢慢嘆茶真係幾舒服潮點很早就開門營業, 食客很早就可以入去光顧, 也是比其他同類食肆優勝的地方, 唯一希望改善是加裝廁所, 那就更方便客人了

是日到尖咀, 諗住同朋友食唯一, 進入了厚福街, 行到中間見到哩間潮點點心, 心入面諗食點心都唔錯, 就同朋友入左去.7時許入坐, 入面環境好細, 都仲坐唔滿. 可想而知… 都開始有點怯環境不太乾淨衛生, 地板地顫黐淋淋, 仲有d 前人遺下既“骸骨”(排骨既骨) o係地下. 雖然坐位係尚算舒適既梳化, 但罅隙中見到1,2粒飯粒. 根本上都冇人清潔.杯碟係膠杯膠碗, 同下面既食友所講, 好似飛機餐咁...先倒茶, 茶稍為淺色… 咪住先… 冇茶葉既.本身以為佢係用茶袋, 揭開個壺蓋一睇, 唔係茶袋, 係真係有茶葉, 不過得兩條…兩人只叫4樣食物. 牛肉腸, 素餃, 章魚肉餅飯, 燒賣.先來燒賣… 嘩! 好細粒!!! 細到好似淘x點心咁… 不過好彩d 肉夠實d 蝦都算爽口. 不過都好基本嗻… 章魚肉餅飯… 嘩!! 豉油浸飯呀!? 佢落左勁多豉油… 而且豉油味道唔係甜豉油. 味道淡淡地, 唔太好食. 飯粒比較鬆散, 食落知佢係熟透, 但內裡依然有點硬, 顯然來貨唔得. 肉餅比較好, 實淨有咬口.牛肉腸… 嘩!!! 粉厚肉少而且細條. 仲賣成$18… 冇野呀嘛!? 牛肉仲要用返山竹牛肉咁既款,

忽然很想吃蝦餃很想很想一個人又不會去飲茶剛好想起厚褔街有一間點心店就來嚐新吧～點了店家也推介的蝦餃，再來一個鳯爪排骨飯店裏桌位不多大約只能容納20人左右店員有三個，其實足夠應付客人所需偏偏給點心紙要等，熱茶也要等招待有欠周到蝦餃（HKD19）皮不夠Q，不如名字的＂晶瑩通透＂內餡蝦子也不夠爽脆加了點辣椒油增香，算好入口一點個人對蝦餃有一定要求，這家的評價只能說普普鳯爪排骨飯（HKD22）的鳯爪正常，但排骨不夠鬆軟也不入味蒸飯柔軟度剛好，吃起來不軟不硬的很合個人口味可惜沾飯醬油不鹹不甜的，整體評分也只能是soso埋單連HKD2茶芥總共HKD43不會再有下一次嚕詳細食評請看：http://hk.myblog.yahoo.com/foodiebarbie/article?mid=4414

早兩日去到尖沙咀唔想食得咁heavy, 又未試過呢間，就去試吓....啲杯好似飛機餐啲膠杯，侍應放低咗壼茶，原來連咩茶都無得揀.....=.=叫咗幾款點心，總括嚟講食物味道係唔錯.....可惜質感超淋........ 叫咗點心唔使30秒就送上嚟,仲要係蒸到淋pat pat嗰啲!!!佢仲好意思喺張點心紙都寫「即叫即蒸」~如果真係嘅，唔該你換過個爐/廚師!!!最好味係生煎包,我諗因為佢唔係蒸嘅......個包面煎到脆脆哋~~好香口，裏面啲肉又熱辣辣~ 呢樣係值得讚嘅~~而最難食嘅就係「秘製糯米卷」.....一上枱....原來係用黑糯米......唔緊要，都幾特別....一咬落去........T_T 好後悔.....啲糯米勁硬....又咭喉.....咳咗我好耐......啲糯米仲要無味......唯一可取係個白色包面好鬆軟....咬咗一啖就無食....而老細同侍應態度都唔好....話說我叫個侍應收走條糯米卷...同佢講真係好難食....佢勁囂張就咁拎走咗...唔好意思都無句~~算~侍應啫~埋單嗰陣同老細講, 問吓佢開咗幾耐呀嗰啲...同埋話佢知個糯米卷勁難食...但係整段對話佢都無望過我

十一點幾正是Brunch的最好時機！就約咗個friend嚟依度歎一盅兩件。可能星期日及剛開鋪的緣故，只得一枱年青食客(應該wet完通宵)，坐底waitress就奉上一個小型的鐵茶壺，幾特別！斟茶的同時就睇食咩，蝦餃、鳳爪及鱆魚肉餅飯。三樣同時上枱，蝦餃四粒，size適中，蝦都爽口！鳳爪唔太硬，夠入味，唯獨是個鱆魚肉餅飯差D，肉餅成半兜狀，剛好將淋上去的豉油盛裝，眼見就好驚舊肉餅超鹹，飯就無味，幸好佢地選用甜豉油，味道唔會過鹹，但更可惜的是鱆魚肉餅中唔覺有鱆魚粒，連少少爽口的東西都唔覺，全程都係普遍肉餅。騙人！

行完街, 餓了便要吃, 大約10pm 左右打算吃唯一麵家, 不過已經收工便試一下這間點心, 新嚐試唔錯!鵪春蛋燒賣 - 好吃啊, 肉味不錯, 不會一吃便散開鳳爪排骨飯 - 飯柔軟度剛剛好, 而且入了排骨味, 好香, 必試!!油菜, 腸粉 - 普通水準找數時問一下老闆, 原來是即叫即做的Open Kitchen, 衛生相信無問題!不過位比較少~ 但要外賣也可以啊! 但外賣好像不是即叫即做那種

本來一個下午吃個輕鬆午餐 是悠閒的事, 但點心水準未免偏低了一點,令即叫即蒸也不實,因一剔紙,1分鐘左右已到了,速度是很好,但食物卻不夠熱和蒸過火了, 可能是存太耐之故2人點了, 紙上推介的叉燒酥- 不吃也罷, 浪費了胃納, 一團不熱不酥的皮跟沒味的叉燒 - fail item 牛肉球-喼汁跟水融合了,牛肉球是差一點, 機打出來的粉團但墊底的枝竹夠量又淋 - fair item 燒賣 - 除了有可見的蝦肉外, 感覺像吃粉團或肥肉一樣 - fail item 蝦餃 - 沒甚味道, 及$$不值 - fail item 馬拉糕 - 不夠熱之外, 味道ok - pass item糯米雞 - 這又是奇怪物之一, 夠熱份量亦足, 但糯米部份真是太淋, 同時內餡料是半透明的糊狀物, 早上吃的美心比它便宜但更好吃多了..杯更換一次亦是很油油的感覺,最終沒有喝過他們的茶了.. 杯子用不到我見其他人點的是盅飯+菜, 像只有我們點點心,,難道真是瀨野......其他是精明消費者 收費共$95, 同價錢,我想只要再比加一, 可上茶樓飲茶或附近有更多其他選擇, 希望他們能夠改進一下,否則很難與人競爭

我對潮點的評價就如標題一樣: 新潮平民版精品酒樓因工作關係, 每星期也要去尖沙咀1至2次, 每次也會在潮點吃一盅兩件.盅頭飯: 好吃, 飯蒸的夠乾身, 比很好酒樓或酒家都好, 不會太濕像吃餬仔....點心: 熱烘烘, 用料比很多酒樓或酒家都足, 我推介鵪鶉旦燒賣, 味道可和中環X香樓比一比.茶: 茶不是什麼特別茶, 但是水夠熱, 飲下去也是一種享受美中不足是坐位比較不舒服, 人亦多, 未能讓我多坐一會...

幾surprise這家店只有2個哭臉，其實在厚福街已經幾好，蒸籠及裝修都ok，點心看來很乾淨。我們四個人1點多來，想點糯米飯($19)，但是已經售光了，點了排骨飯($22)跟一堆點心，最難得有的是有鵪鶉旦燒賣($15)！一條得意腸($18)是腸粉包春卷，雖然不夠銅鑼灣富聲好食，但只是$18，已經物超所值！反而必食义燒酥($12)麻麻地$19 有飯食，有壺熱茶，價錢也ok。相比好幾家同街的食店，也算好好！

話說今日行過厚福街, 諗住搵野食..... 見到新開點心專門店..... 男友又鍾意食點心..... 咪入去試下囉首先..... 一坐低..... 其實我幾口渴, 但無人比茶我, 到D 茶黎左, 飲落, UMMMM....... 係咪水黎架?!?!?!?!?!?我地點左五樣野:1. 煎蛋牛肉飯2. 流沙奶黃包3. 鵪春蛋燒賣4. XO 醬炒蘿葡糕5. 叉燒腸粉點完, 男朋友都有疑惑驚唔夠食, 但我話試新野睇左好唔好食先加單啦.坐左陣, 個侍應埋黎話個牛肉飯無哂, 要等半個鐘先有喎, 我地話睇下轉咩先. 之後野食開始黎喇先黎O既係奶黃包, 一黎, $12 得兩件? 算....... 男友急不及待咬左落去, 咦! 唔流O既?! 我一咬開, 我真係以為係蓮蓉包黎, 食完個飽, 都覺得唔對路, 決定唔再叫其他野REPLACE 個飯.之後其他野食陸續到. 叉燒腸粉, 男友見到佢乾"爭爭" 叫佢比D 鼓油我地, 倒左落去, 一食, 我地真係忍唔住對望左一眼, 點解D 鼓油係生抽老抽味!!!!!!!!!!!!!!!!!!! 無野嘛?! O個一下, 大家真係一齊講, 求其食完出去食其他野好過.XO醬煎

未說食物先說裝修, 外面街及入面rest沒有冷氣門分隔, 入到去已熱到成個sauna 不過朋友真係肚餓到極點, 所以無法啦.1. 收人2元茶位, d位係用茶包由上上上手用到我地, 可以係說白水一樣. 2. 點心x燒包, 包口係唔開個d, 睇得出係買回來steam都要成$12 - 2個真係有點那個. 味道係差既.3. chicken feet, 唔入味及唔夠淋, 佢已經唔係即叫即做個隻4.腸粉一夾即爛..... 雖然知佢地係新開, 運作十分亂及有點dirty, 希望之後多加改善.