薄餅博士 (Closed)

食開大牌子嘅pizza間唔中食下啲細舖嘅pizza會發現原來都有好多選擇。珍寶pizza屬於係大批，薄批底雖然外賣送到依然熱辣辣，pizza依然好脆身，拉絲芝士滿滿鋪係pizza面Pizza材料足，菠蘿好多汁 芝士份量多 整體好味道小食拼盤薯角可以放棄，只係普通一舊薯仔切開幾件，無任何味道芝士春卷一定要趁熱食，芝士味好濃，咬開發現原條芝士沾粉漿炸雞翼沒有太特別，但係好味的！白汁海鮮飯海鮮分量吾多，但白汁就太多 真係汁撈飯，但係好味肉醬意粉反而太少汁，所以凍左就變得好乾身，不太好味

晚上8點幾後工，外賣PHD Pizza 番屋企同老公一齊食就唔使煩有其他套餐選擇。 做緊promotion 100零蚊有湯有普通批有意粉。我最後叫左個"海鮮鍾情" 大厚批。 呢個批係蕃薯sauce, 仲有一層厚芝士鋪係上面。海鮮有蜆肉，蝦，魷魚，蟹柳，另外有d 菠蘿同紅青椒。 其實同平時order 千島海鮮差唔多，只係變左蕃薯醬唔係千島醬。 我個人都係中意千島醬配海鮮多d$151 外賣自取8折

今日去朋友屋企,大家一齊聚會好開心,原本諗住打邊爐,但最近熱返,所以我地選擇買外賣上去食最後買左薄餅博士,等左15分鐘度食左個千島醬海鮮PIZZA,幾好食WO個汁好多,所以食落唔乾個肉唔太咸,而且個批好脆另外食左個白汁雞肉飯,雞肉幾滑,同個汁好夾飯唔算太多,不過唔林,幾好食大家都食得幾開心

早前收到phd啲郵箱廣告，天氣凍凍地加上見佢有優惠，就食下反正好耐都冇食過。兩個人食，叫左個8吋辣肉腸pizza, 加烤雞亦同雞王飯，送左個湯。先講pizza, 辣肉腸同波羅粒份量是可以的，亦有芝士，味道稍有點淡，若肉腸可多dd就更好。波羅幾甜。就係唔夠熱。烤雞亦好甜，幾好食，而且咁多隻都算抵食，皮幾煙un, 雞肉幾入味。

同朋友食飯 又唔知食咩好 就落街買外賣食啦 phd係一個唔錯ge選擇 因為佢有好多套餐 選擇 有兩人 ge有四人 ge有岩一班fd去食 我同我fd就叫左每人一個飯 加小食 100 蚊左右 算是可以 我地叫左兩個普見的飯 葡汁雞 白汁雞 也是不錯 我愛芝士的味道 甜甜的 經焗制後 同飯 mix埋一齊 真的很香 葡汁同 白汁也是甜甜的 跟平日食的沒太多的分別 不過不失我幾鐘意個薯條 外脆內軟 加上有我最愛的 蜜糖芥末 正而入面重有春卷 炸雞粒等 很多選擇大家可以試試！！！"

呢間嘢d食評都已經寫到唔想寫, 因為來來去去都係食果d, 冇乜特別, 所以都冇再寫, 但今次有新pizza, 所以又可以品評一下~  大韓柚子胡麻蝦手拉薄餅材料有蝦、粟米、日本小青瓜、菠蘿、冬菇、芝麻、紫菜、柚子醬, d芝麻同紫菜係分開裝起, 到你拎到返屋企時, 可隨個人口味落, 咁都好, 唔會搞到d紫菜林哂, 呢個pizza口味又幾OK, 好特別, 因為個醬唔係蕃茄、千島同燒烤咁單調, 而係柚子醬, 都幾夾到, 而且我估唔到個蝦竟然好爽口, 絕對驚喜, 下次可以試埋個胡麻雞~ 蜜糖雞翼今次d雞翼冇咁小兒痲痺, 大隻返少少, 個蜜糖又唔會太甜 芝士滑豆腐雞皇飯超勁多汁, i like it~ 但雞皇就好似失咗蹤咁, 搵好耐先搵到一粒仔,反而豆腐就啖啖都食到, 其實我想要意粉, 但呢個豆腐系列係冇得轉意粉, 有少少失望lor~

又係懶得煮飯的星期六, 所以又係叫PIZZA的時間, 今次見到有新PIZZA, 所以轉轉口味, 但唔知點解要加錢? 淨係1個PIZZA又好似好dry, 唯有叫個餐, 最多食唔哂咪留番第日食lor~   和風大醬手拉薄餅見佢個樣好似幾吸引, 面頭木魚紫菜x日式芥末醬, 餡料有五香肉粒、雞肉、粟米、洋蔥、紅椒、芝麻, 雖然要加$10轉, 但如果好食都係抵的, 好彩不負所望, 都唔錯, 佢仲好在係將d木魚紫菜分開用個兜裝住, 拎到番屋企先自己加上面, 咁就唔會整林的木魚紫菜............成個pizza味道唔係好濃, 比起舊款式好似清淡d, 同埋個日式芥末醬唔係好勁, 淡淡地, 好易接受~   拿破崙海鮮意粉個汁酸酸地, 又好似有dd辣辣地, d汁多到好似湯飯咁, 但d海鮮就"流"咗d, 全部細細粒, 又唔多, 得d青口仔, 蟹柳, 蝦仔, 魚粒咁上下, 唔係好抵~   照燒雞翼有8隻, size唔大, 好似發肉不良咁, 但個照燒汁幾好味, 甜甜地, 好開胃

試左2次，一次自己拎一次送上屋企pizza 好食~~最鐘意粗粗既有醬薯條同埋個甜品都好正😊外賣自己拎有折扣抵好多呢!依家仲可以online order ,但online 會轉左去瀝源果間，相比好似第一城的pizza 比較好😃

如果想食快的外賣, 最好叫呢間, 由落單到取貨, 都係10分鐘, 不過只限外賣自取先咁快咋~~今日又叫1個普通批+1客雞翼+升級1客脆香雞 PHD珍寶普通批係茄汁底, 但佢塗得唔平均, 有d爆汁, 有d好似冇汁咁.............餡料方面, 有免治牛肉、五香肉粒、菠蘿、蘑菇、洋蔥、青椒(已走), 好似好多料, 所以食落唔會好明顯分到有咩料............餅底好似厚咗, 不過可能個個人手勢唔同, 所以唔出奇, 反而厚咗仲有口感 照燒雞翼一客雖然有8隻, 但隻隻細細隻, 食哂都唔覺飽, 同埋佢味道唔係好濃, 仲有d汁, 唔會太乾~ 脆香雞今次只係升級一客, 而亦都係上脾, 啖啖肉, 不過唔係即場食, 比d倒汗水焗林咗, 搞到個皮冇咁脆~

除咗平時食開的薄餅/意粉/飯/小食, 而家仲多咗樣叫"脆香雞", 今次就試一試, 究竟佢好食d定雞伯伯好食d? 脆香雞呢個係升級優惠, 原價係$48先有2件上脾2件雞鎚, 但而家只需$22就可以有2件上脾, 最多可以升級2次, 我當然唔執輸, 升爆佢, 變咗$44有4件上脾, 計落雖然都要$11/件, 但以而家物價咁高, 算係唔太貴了................佢冇得選辣定唔辣, 只有唔辣啫, 佢面炸得好香好脆, 但去咗層脆皮, 都係白雪雪的雞皮, 即係佢d雞唔係直接, 都係要上粉先炸, 佢真係做到外脆內juicy, 比起雞伯伯仲冇咁乾, d雞肉都有少少味, 唔錯唔錯~ 燒烤雞肉普通批 原本配料係有雞肉、五香肉粒、青椒、車厘茄, 但我選擇咗走青椒, 然後加芝士, 但點知走青椒係冇問題, 但加芝士就要加$10, 咁我梗係唔濟啦~~ 最多問佢拎芝士粉, 所以個批都係冇乜芝士可以拉...............不過冇咗青椒, 個賣相變得唔吸引, 但味道都係唔錯,,,,,,,,,,,,,,,,,,原來燒烤汁的pizza都好好味, 好開胃, 不過唔平均, 有d爆汁, 有d冇乜汁......

今日兩位友人來到我家探望貓bb，一反到屋企另一隻貓又生緊bb，束手無策之下要接生 , 原定計劃上黎玩一陣bb就落樓下食野，最後改變選擇左叫外賣，於是我地就揀左叫PHD外賣速遞喇上網睇左一陣，淨系見到一人套餐/幾人套餐選擇，已經決定左要二至三人套餐，但搵左好耐都見唔到薄餅/小食既menu，原來要另外下載 , 二至三人套餐既野食有任何手拉薄餅大批一個，意粉/飯一客同雞翼8隻 , 我地另外加左 d 小食同湯 ~外賣只需等35分鐘，準時送到，而且食物黎到仲好熱好新鮮1. 蒜蓉包~ 朋友第一眼見到以為黎錯左，佢好扁身，賣相唔係幾好，不過食左第一啖令人改觀哂，超濃郁香蒜味，個包好鬆軟但個包係無切過既，我地要就咁用手撕開黎食 2. 香脆芝士條~ 感覺好似春卷，不過系幼身既春卷 , 咬落幾香脆 , 餡料o既芝士味道濃郁，不過唔夠溶 , 同芝心批批邊相似同樣地咬完一口再拉都會拉出芝士 , 口感軟韌又唔會太膩 3 . 雞尾腸配燒烤醬~一客有8條，每一條都已經爆開左，望落去就知會好脆皮，佢將燒烤醬淋上面，淋得都幾均匀 , 咬落去果然有卜一聲 , 再配合埋燒烤醬，味道幾夾 , 帶微酸而且唔會過咸 4. 忌廉粟

每次想食pizza, 都會諗起呢間先, 因為試過味道唔錯, 又快, 又抵食, 所以今晚都係叫佢, 然後自己拎, 咁先會50%off..........雖然得2個人, 而每次叫一個大批+一個意粉+一個小食, 永遠都係食唔哂, 但每次都係叫咁多嘢食, 所以今次又食淨2件pizza........電話落單後只需等10分鐘, 但其實佢都好多人幫襯, 但唔知點解都可以咁快, 睇佢個廚房都唔算大, 真係勁............ PHD多寶芝心批 呢期如果叫呢個批, 會免費加菠蘿, 真係抵............個批本身已經有雞肉、辣肉腸、蘑菇、五香肉粒、洋蔥、青椒, 今次仲加埋菠蘿, 所以唔叫唔得, 仲要試埋佢個芝心邊................不過有少少失望, 因為個芝心邊果D芝士好實, 係一舊舊咁, 如果可以拉到有絲咁就正喇~~仲有佢冇向PIZZA底放張瓦通紙, 拎到番嚟個PIZZA盒底濕哂, 搞到個PIZZA底林哂, 冇咁好食..................... 拿破崙海鮮意粉開頭唔知佢果個拿破崙汁係咩味, 所以試一試, 但原來唔好味的, 普通茄汁仲好, 下次都係唔好叫呢款

這一家 PHD 是 Pizza Hut 的副線，主力做薄餅速遞，故沒有堂食服務。幸好沙田第一城分店仍保留著「外賣自取大批半價優惠」，因為看見某些 PHD 已經改為七折了。店員服務有禮，旁邊有櫥窗可見他們手拉薄餅的過程，感覺衛生企理。千島夏威夷 (大批)：我最喜歡的千島醬批底，比傳統的蕃茄批底好吃呢。因為是手拉薄餅，沒有厚薄批可選，實際大概是 Pizza Hut 的厚批和薄批中間。餡料份量足夠，吃下去層層芝士拉出來的 芝士吞拿魚意粉：即叫即焗，芝士忌廉汁非常香濃，配料有少量吞拿魚和火腿。忌廉粟米湯：不錯，用來送 Pizza 一流。外賣自取一個大批 + 一個意粉 + 一湯，價錢為 $101，經濟實惠。家裡人不多，剩下的 Pizza 翌日再焗來當早餐，仍舊好吃啊。

如果外賣自取, 就可以唔駛一百蚊, 有PIZZA, 有意粉, 相當抵食................今晚又懶懶地, 所以又叫PIZZA食.................今次order咗1個千島海鮮批+1個白汁雞皇意粉 千島海鮮批批係冇得選厚定薄, 因為全部都係唔厚唔薄, 係手拉批, 食落冇厚批果種鬆軟, 亦冇薄批果種脆口, 係介乎兩者之間...............手拉批口感冇咁好, 亦唔夠芝士, 但好在冇咁油, 好似冇咁肥..............每次都係選呢個批, 係因為得佢係千島醬, 如果有其他選擇會好好多, 因為呢款批冇乜料, 只得魷魚、青椒、魚柳, 同埋我唔食的蟹柳.................. 白汁雞皇意粉好彩汁都夠多, 夠我溝勻全部意粉, 但雞皇真係一眼睇哂, 得幾舊仔............味道不過不失.........

成日經過呢度都見到有好多人幫襯, 見食評好似幾好, 所以今晚試下..................6:15打去落order, 佢竟然覆我10分鐘後可以取, 我真係唔敢相信...........叫咗個雙拼大批+2個小食, 最終2個人係食唔哂, 仲可以留番第日帶飯做餸.............. 千島海鮮拼PHD多寶批因為淨係得千島海鮮係用千島醬, 所以係必選, 但又想食下D肉, 所以叫咗呢佪雙拼批~~ 千島海鮮有海鮮、蟹柳粒、菠蘿、青椒、紅椒、千島汁 PHD多寶有雞肉、辣肉腸、蘑菇、五香肉粒、洋蔥、青椒、蕃茄汁唔好以為好似好多料咁, 其實樣樣得DD, 又分得散, 其實都係冇乜口感................佢D批冇pizza hut咁油, 所以冇咁香口同埋脆, 但都唔錯, 感覺上好似健康d tim~~ 脆香雞一盒有4件, 其實係2隻雞脾1開2, 我覺得仲好食過KFC, 佢個粉唔厚, 好好味, D肉仲好嫩滑, 唔會炸到又乾又鞋 水牛城雞槌一盒有8隻, size比我想像中細, 因為佢貴過雞翼, 所以我預期會大隻過d雞翼, 點知都係咁un之之, 而且焗得乾咗, 不過個汁都幾ok~