第一次去但絕對會是最後一次 我們一行5人去的目的是吃魚生壽司天婦羅 剔剔剔很高興地期待食物 鐵板燒的肉類很快送上而且份量比很多,味道可以 可惜....等很久很久要問店員再追才有魚生吃, 款式少, 味道普通, 還把一片正常SIZE開2  壽司從入場到離場也等不到 : ( 天婦羅也沒有影子 : ( 餐單上一半的食物也沒有, 有些食物會跟你說沒有, 有些則不會跟你說, 只有一個等字! 185一位! 絕對不會再去! Spending per head: Approximately HKD185
Recommend 0 |
今日行過諗住試一試,但係見無咩客,有啲擔心,咁啱有客行出嚟見我地猶疑,就同我地講話啲嘢好食,就係咁行左入去  叫左兩個套餐,一個係豬軟骨拉面,另一個係牛柳粒定食,點知隔左一陣個waitress走嚟話鐵板師傅做緊嘢,所以整唔到牛柳粒,當時先啱啱下午2時,算....改叫叉燒烏冬 嘢食嚟到,個沙律前菜OK,個面豉湯攞嚟果時只係微暖,飲左一啖覺得好腥 豬軟骨拉面老婆話無咩問題,不過唔算好食,不過我碗叉燒拉面就中招,叉燒係凍的,而且同一般日式叉燒差好遠,簡直好似瘦肉咁,最大問題係一咬落去有陣"宿"味,即時叫waiter過嚟,細細聲同佢講舊叉燒"宿"左,叫佢換過第二樣嚟,見豬軟骨無事,就轉豬軟骨啦! 等左一陣,Waiter攞左兩碗嘢嚟,一碗係豬軟骨"拉面",另外3/4碗係不知名的"烏冬",即時叫番waiter番轉頭,問佢點解又兩碗嘢,同埋點解烏冬會拉面? Waiter同我講,拉面係第二枱,果3/4碗烏冬先係我的,已經換左豬軟骨喇!碗烏冬咪我之前食左幾啖果碗,淨係換左幾舊餸....啲食材有問題,好心就成碗換啦,一個烏冬幾啖湯真係咁值錢! 即時搵waiter嚟,叫佢攞走,順便cancel張單,我問佢有無搞錯,佢覆我話收到同事order係叫換左啲餸喎 Table Wait Time: 0 minute(s)
Date of Visit: Jul 28, 2012 Other Ratings: Taste 1 | Environment 2 | Service 1 | Hygiene 1 | Value for Money 1
Recommend 0 |
第一,二轉刺身黎足 叫咗7-8樣串燒同嘢食, 黎咗一樣, 之後就放低d無叫過o既嘢, 同佢講無叫過, 佢依然重複幾次都係咁 仲好意思叫你寫多次, ok無問題, 我寫 等咗好耐, 追佢未黎o既嘢, 先同你講, 呢樣賣晒, o個樣賣晒 一張紙有十樣嘢我諗有4樣都係無, 仲要你有你等, 等唔到問佢, 佢先同你講話無 食物質素, 刺身好唔新鮮, 清酒煮蜆得幾隻又係唔新鮮秋刀魚梅o既 最後同佢要杯雪糕都係無, 只係得一粒糯米慈  埋單每位$185 , 任食, 但係只限佢提供到俾你o既食物 終於知點解呢間餐廳叫串, 因為食完真係想俾兩隻中"字"佢 Date of Visit: Feb 16, 2012 Spending per head: Approximately HKD185(Dinner) Other Ratings: Taste 1 | Environment 1 | Service 1 | Hygiene 1 | Value for Money 1
Recommend 0 |
等位時 , 真係見到好多奇怪事 , 侍應們不專業 , 態度奇差 食物方面:刺身 : 三文魚 / 吞拿魚 食落口一d都感覺唔到凍 , 肉質已經係高過室溫 , 食完第一個round已經唔需要再選擇 燒物 : 一般般 , 叶肉比較偏咸及重味精 其他食物 : 炸蠔(粉真係超厚) / 天婦羅蝦 / 帶子 / 餃子 . . . . 正常偏差 食到中間時候 , 侍應們工作時大叫大玩 ....... 唉 ! 都係想食野jei , 唔該尊重下食客及自己工作 (個人意見) 衛生程度係差 , 隨處可見污漕物 , 因我坐的位置是廚房門口位置服務真係比起電影中演繹劣既茶餐廳更加劣 , 完全覺得浪費左原本好既食材 , 廚師既個人衛生係會直接影響客人對食物質既信心 , 眼見事實後 , 真係絕對唔會再食 , 入座連埋單時間不足30mins 最後埋單時 , 竟然就係一個女仔出單 , 另一個男仔找錢 , 找錢既男仔正正就係最初所講出去食煙既人 , 難道佢就係負責人 , 真係奇怪 , 找錢後多謝都無一句囉 唯一讚揚既係 , 耳仔帶哂耳環既男侍應及唯一女侍應 , 識得同我地講 (多謝哂,拜拜) , 我都非常感謝兩位的專業精神 Table Wait Time: 15 minute(s)
Date of Visit: Aug 03, 2011 Spending per head: Approximately HKD170 Other Ratings: Taste 2 | Environment 1 | Service 1 | Hygiene 1 | Value for Money 2
Recommend |
成日心思思想試,終於食到喇~ 赤貝壽司-唔得, 赤貝唔夠新鮮清酒煮蜆-普通,不太特別芥辣八爪魚沙律-麻麻地,D汁有D酸刺身-幾新鮮,夠肥美,尤其吞拿魚,好鮮甜牛油鐵板蝦-整得好香,唔錯牛油墨魚柳-牛油味香濃,墨魚爽口,果然係人氣之選串燒-雖然串燒係呢度既主打,但有D好味,有D就一般,好似墨魚嘴串幾好,但雞軟骨就咩味都冇黑椒煙鴨胸-都幾油下,但鴨胸就係咁嫁啦,配埋黑椒,好開胃牛柳粒-幾有牛味,但有D好”硬”,有D又較”諗”,控制既時間唔夠好冷麵-碗麵好大碗,麵太諗身,唔係幾好食溫泉蛋-麻麻地,D味好怪…..整體黎講,可以試下既~~~ 
 赤貝壽司
芥辣八爪魚沙律
清酒煮蜆
 刺身
牛油鐵板蝦
牛油墨魚柳
串燒
黑椒煙鴨胸
牛柳粒
冷麵
溫泉蛋Table Wait Time: 0 minute(s)
Other Ratings: Taste 3 | Environment 3 | Service 3 | Hygiene 3 | Value for Money 3
Recommend 0 |
今日放假諗住去試下喇！！點知出事 一入到去～Ｄ水鞋放晒係枱邊櫈邊無人理....之後叫咩無咩！(午事都未到居然同我講有五六個餐都無得食架喇！！！) 之後見到Ｄ員工係廚房度唔係煮緊客既食物！！！係煮左俾自己食先！！仲要成個舖面Ｄ員工尼埋晒食野～無人係廳面做野！！ 食物質數又唔係好喎！！又等得耐！！我未試過一個天婦羅要等45分鐘都未到囉！！ 之後我望住個話得事既人，望左好耐，佢都有望過我，但佢無主動問我咩事(明明就係我身邊行過)！！我忍唔住開口問個天婦羅得未！！ 點知個食物出到黎係凍架！！！(天婦蘿居然係凍架！！) 最後俾錢先記得有個甜品咪問埋個餐係咪有甜品跟，估唔到佢答左我一個好精彩既答案！！ (係有甜品....但我地今日無雪米糍.....所以無甜品 )一早明知無唔出聲！我唔問就唔俾！！問左居然答我無我最後好唔順氣囉！！無甜品唔識搵第二樣代替咩？！最後無理過我囉！！！ 果度Ｄ人經理同員工都係企埋一齊玩電話！！自己煮自己食！！無人招呼！！ 我以後都唔會再去食呀！！！呃人呃錢呃時間 完全係我入去之後由頭衰到落尾！！無一樣野係好！！仲要呃左我個甜品！！！ 最衰無帶影相！！真係估唔到Ｄ卷物頭頭尾尾都可以出俾客人食！！ Date of Visit: May 03, 2011 Spending per head: Approximately HKD70
Recommend 0 |
平時見呢間餐廳都排晒長龍，諗住佢依家做緊特價，咪去試下囉，訂枱果陣話7:30pm前走or9:30後入座可9折，但時間難就，又要得個鐘半，咪貴少少7點幾去啦，可惜乜都無，又唔出聲，都唔知繼續寫紙好定係等佢嚟。 其實佢果度都唔算大，就算坐滿都唔係多人，但係d野超慢…嘩，得個半鐘仲慢吞吞，坐低後又無人酌茶，得個吉杯連茶包，生食茶包呀？之後點完第一round，差唔多全部一品料理都無嚟過，記得既有：豬軟骨、羊肉、溫泉蛋、厚燒豚肉等係全部無嚟過，仲要無出聲，都唔知佢係整緊定係漏單…有嚟既係刺身同串燒，不過都好慢，成晚响度等… 之後見唔對路，第二round咪整個烏冬同飯諗住點都會飽d，個烏冬似乎係普通噹x果d料，唔係日本滑果款，再點多次無嚟既一品料理，點知依然no show。野飲又唔包，即係成晚淨係食串燒同刺身…平心而論，刺身係ok新鮮，但不斷淨係食刺身，食得幾多？都無癮啦，使乜用咁既價錢嚟食。 好彩依家叫做特價試下，如果正價成200蚊就真係唔值囉(其實依家都要成$180/位，都有d揼心，早知去等二度好過！) Table Wait Time: 0 minute(s)
Occasion: Anniversary Spending per head: Approximately HKD180 Other Ratings: Taste 4 | Environment 3 | Service 3 | Hygiene 3 | Value for Money 1
Recommend 0 |
呢間野係金水旗下, 專食爐端燒, 鐵板燒 佢嘅刺身極鮮, 可能佢同金水嘅關係, 入貨來源一樣 之前上佢facebook專頁, 師傅都推薦食牛脷, 雞翼, 真係幾好味 牛脷係汁燒, 以為會鹹, 估唔到味道剛好, 加上師傅又燒得唔靭, 點埋佢本身提供嘅點醬, 一流! 雞翼其實無咩特別, 只不過佢調嘅味同其他舖唔同, 可以去試一試 刺身, 確實好鮮, 有一般大舖應有嘅水準, 刀功材料也不便跟正宗壽司店比較了, 反正放題店有呢個質素, 確係物超所值, 服務方面, 上菜速度算快, 可以因為數量係填1 , 佢地上得快少少, 唔駛同人分薄我個order 不過最好係訂枱, 唔係等到想食人, 加上訂枱有半隻焗龍蝦送, 下次想去都係打個電話先去~ 
爐端燒系列: 鮮冬菇, 汁燒牛柳粒串, 五目魚餅
刺身必食之選,離不開三文魚, 希靈魚, 白豚肉
雞翼串, 正到爆
同場加映, 刺身生日蛋糕
被師傅發現我偷影佢添 Recommended Dish(es):
刺身,雞翼 Table Wait Time: 30 minute(s)
Date of Visit: Feb 13, 2011 Spending per head: Approximately HKD200(Dinner) Other Ratings: Taste 4 | Environment 5 | Service 4 | Hygiene 4 | Value for Money 4
Recommend 0 |
這間日式串燒鐵板專門店“串”，下午茶時段幾抵食，試了兩個鐵板炒的烏冬和飯，味道不錯呢~ 牛肉炒烏冬 $22 - 加了日式醬汁的炒烏冬味道不錯，烏冬也很滑，不過比較油膩 鰻魚炒飯 $22 - 飯炒得夠鑊氣，飯粒飽滿分明，不會太油，好味！ 這次試過下午茶，印象不錯，下次有機會可以試試晚餐~ 
鰻魚炒飯
牛肉炒烏冬
Recommended Dish(es):
鰻魚炒飯 Table Wait Time: 0 minute(s)
Date of Visit: Dec 25, 2010 Spending per head: Approximately HKD22(Tea) Other Ratings: Taste 4 | Environment 3 | Service 3 | Hygiene 4 | Value for Money 4
Recommend 0 |
行經屯門市廣場,見到有放題就入去試試 等位等左都成30分中....... 入到去冇碟同冇茶,要叫先比你>.< 可能真係太多人算..... 刺生普通~ 炸物ok 串燒ok 牛柳粒咬唔開>.< 推介玉子燒好正^^ 不過整體ok,可再試......... 
燒玉子....正
刺生....正
麻麻地...
唔好食...牛柳粒
Recommended Dish(es):
玉子燒 Table Wait Time: 30 minute(s)
Date of Visit: Feb 28, 2011 Spending per head: Approximately HKD200(Dinner) Other Ratings: Taste 4 | Environment 4 | Service 3 | Hygiene 4 | Value for Money 3
Recommend 0 |
唔好去荃灣果間~ 荃灣果間串KUSHI唔好LO..... 嬲死我.\/.我係之前去念住試下啦~ D員工服務態度唔好咪算LO...... 仲要連個經理都做得唔好~ 我沉晚~唔知點解自己好似食唔飽咁....咪叫一個烏冬LO 我由7:30等等等等...等到8:00都味有~我都問左D員工~好幾次.. 但係佢地都係話我幫你跟跟佢~咁就走左~好啦~唔講呢樣... 仲有~最無奈GE係~佢連雪糕都可以話冇曬~......咁都得-0-!? 冇就快D入貨啦~仲係到講講講...講左咁耐~佢都係3番4次用籍口 入場費又唔係便宜-0-仲要咩都冇~唔好去果到食呀~你話我話GE~ 唔好去呀!!!!!!!!!!! Table Wait Time: 0 minute(s)
Other Ratings: Taste 3 | Environment 2 | Service 1 | Hygiene 3 | Value for Money 1
Recommend 0 |
其實我係呢間食野都食過好多次....每次D野食.出餐時間同態度都OK嫁...但今日食得一肚氣 今日中午一時我地3個人去食放題,第一次叫order我地寫左20客三文魚剌身(每客兩件),當然仲有其他野食喇~~~~寫完交比侍應,佢就同我地講,20客有40塊,食唔哂就要收錢....我地就答佢知,但可以照黎....我記得當時只有我地同另一張"木台",但第一度菜都等左30分鐘...而剌身還達到40分鐘至黎到... 而且只送了20塊三文魚刺身添....唔緊要...唔夠食我地諗住再叫20塊"寫到明20塊",今次佢一黎就黎足40塊!!!咁姐係咩意思!!!成個食野過程只容許到叫兩次野食囉!!!食到最後....生日有生日蛋糕送麻...之前食過幾次佢都話個蛋糕係送嘰..所以係可以拎走唔洗當場食的...但今日唔比帶走要堂食囉...但我book時間果時冇講明改左要堂食bor....真係好笑囉....我相信如果只限堂食,唔會有人要book生日蛋糕喇,食到飽飽仲要食一大舊飯,咁不如食多d刺身同其他野.....我覺得唔想送蛋糕比人嘰不如取消左呢個優惠喇.....咁樣對d客法咪攪到d食客不滿..... 最好笑一樣野係...我地身邊張"台"有2個老師和2個學生黎食lunch(唔係放題),我聽到佢地係識呢間公司嘰人....野食未叫就送左20塊三文魚刺身...佢地仲話"識嘰都送得咁少"....食飽野又有小食送....我地又聽到"仲送咁多野食邊食得哂"......我地聽到超無奈 哇~~~~~大家都係黎食野,點解識人同唔識人會咁大分別,大家聽到係咪覺得好好笑...我地就食到一肚氣囉,我相信我地唔會再去呢度食野...我個人覺得太過份 成個場得兩個侍應....態度差到接受唔到果個係舊人唔係新做果個女仔...做左咁耐d態度都差成咁....點樣做個好榜樣比d新人睇....還是以後要唔識人d食客受d侍應氣呢!!! Table Wait Time: 0 minute(s)
Date of Visit: Feb 28, 2011 Occasion: Birthday Spending per head: Approximately HKD168(Lunch)
Recommend 0 |
9:30pm同男朋友去到此店食飯,到門口只見到店內非常冷清,隔離同是日式料理餐廳反而排晒長隊,對比... ...明顯得很^.^" 同方先生一入去選左門口位坐低,刺身、壽司、炸物同燒物咩都點左一d 先黎ge三文魚同鮑片刺身,其實稱唔上好鮮新,三文魚冇咩魚油,至於鮑片又乾又鞋口... ... 炸物中ge番薯同蝦都好好味,番薯粉漿好薄而且番薯味重;炸蝦粉漿雖厚左d,但都食到隻蝦又爽又彈牙,真係忍唔住一點再點呀>v<~ 所點ge燒物好似冇失過手,燒牛舌好爽口,牛肉嫩得黎多汁;但店員有2次將唔係我地點ge食物送到我地檯 其實食物唔太差,但有一d地方雖改善一下... ...首先係加茶問題,真係第一杯茶之後,到客人埋單都冇人再加茶;同埋食物上檯速度唔使點等,陸續有黎,但一黎就所點ge金菇牛肉到我地差唔多埋單嗰陣先黎到... ... 最無奈ge係我地9:30pm入坐,唔夠一個鍾已經有人同我地講last call,仲要企喺我地隔離等我地地畫單,好似好趕時間咁 2人埋單$336 
不太新鮮ge刺身同壽司
唔錯的番薯、蝦炸物
盒裝出品的炸豆腐
秋刀魚,肚部分有d苦
Table Wait Time: 0 minute(s)
Date of Visit: Feb 15, 2011 Spending per head: Approximately HKD180(Dinner) Other Ratings: Taste 3 | Environment 3 | Service 2 | Hygiene 3 | Value for Money 2
Recommend 0 |
晚上6:30 一家三口去食,冇咩人加埋我0地先兩張台,茶水也正如有D網友所說,無人自動自覺倒水,收碟的話好OK,價錢一位170到,可以食100分鐘,一入到去感覺好OK,D野都一碟3件,可能係我0地有3個人,吃左一輪,在遞紙,同樣野變做一碟2件,我同我老婆都覺得他們知道我0地都食得差不多所以減少左不想浪費食物,都覺得OK同埋上菜速度都可以(40分鐘左右到依家),跟住 問題來了,坐了休息20分鐘左右(8:30).還有40分鐘可以吃,拿了兩張紙給侍應員一共4碟也,等左一陣先來左兩碟,兩碟不見左系煙肉車裡茄+番薯餅覺得可能給人漏了,8:55重新上過張紙只系要無來到果兩碟,8:10 100分鐘時間到,仲未見,這時候我也賭氣了,感覺他們不想上食物,我就想,你不上,我就不埋單,等到8:20已經一肚氣,問適應我兩碟也已經半個鐘拉,仲要上左兩張紙,,侍應員立刻去左廚房拿出左碟番薯餅.還少了一碟煙肉車裡茄,但是給人的感覺就像是一早弄好了就是不想給你,想讓你走,你出聲了他只好拿出來給你,然後番薯餅吃完,那個煙肉也來,吃完那個立刻埋單走人! (超時他們沒有算超時費)只能說,100分鐘裡面頭30分鐘還是可以的>.<在下去好像就是在等食物中,總結來說剩下的(70分鐘+20分鐘超時等待)就吃了4碟而且 3碟食物都是兩樣,最後那碟 煙肉車裡茄 更是只有一隻了 ! 另外說下那個牛肉很老(不知道怎麼形容)(叫了兩種都不好吃),不建議點 刺身也不太好 Table Wait Time: 0 minute(s)
Date of Visit: Nov 02, 2010 Occasion: Birthday Spending per head: Approximately HKD170(Dinner) Other Ratings: Taste 3 | Environment 4 | Service 2 | Hygiene 3 | Value for Money 3
Recommend 0 |
本身諗左一日既節目可惜朋友臨時冇胸 不過冇所謂la志在想食餐飯仔~~~ 食親放題通常打好鬼長+懶係detail  六點四左右入場la坐bar檯對正個爐有少少慶住but still ok~~ 第一輪野食都真係耐左d+個系統有d亂 有d遲過我地既都有野食先  一坐低會有個sauce比你~係有d似茄汁+少少辣咁樣* 牛油炒金菇:先食菜後食肉一個既份量都幾多~牛油味唔濃但有少許奶味~蟹子沙律:務求質飽你所以個salad好大份@@有蟹柳青瓜~蟹子唔多新鮮顏色唔多靚bor~個沙拉醬幾好食既我覺得雞骨腸:久違了:'(第一次食係係hung hum仲係叫竹屋既時候!之後松屋就冇左lu~呢度有當然要叫la~我覺得個汁甜左d~如果係辣的話會惹味得多牛舌:好食~!個人喜好問題~點佢舖頭一開始比個個汁或者加七味粉都唔錯~質感有彈性唔過韌~有encore七味雞腎:唔太咸~易咬而且唔多肥油唔會食濟雞軟骨{燒的}平穩+必食的帆立貝:好大隻架都~~整得較乾身~~裙邊{係咪咁叫?}韌左d~不過肥膏位同粒元背好正~牛柳粒:有medium rare wor^^所以好嫩有肉汁~而且加埋d炒香既蒜蓉好好食吉列廣島蠔:食親放題多數都食蠔~我覺得水準唔會差過其他鋪頭~炸醬厚度ok~蠔都幾大隻~食完又唔會覺漏~~不過將沙律醬轉做燒汁會更佳 <-我寫'2'佢黎四件好彩本身中意食姐~~腐皮壽司:一路食開都係寫'1'件就黎'1'件架嘛...但係呢度會黎兩件既..張紙又冇講wor@@食飯食死左幸好腐皮唔太油~試過有d食完成嘴油~舊飯其實唔算大既~不過真係好fake人- -希靈魚壽司:由於唔知黎兩件既關係...我寫左'2'..食左差不多半打sushi=='希靈魚一般la~冇中環咁好食~佢d wasabi好攻炸蝦:反而天婦羅冇咁好炸粉好厚而且偏油~~蝦彈牙但太細隻炸芋頭:是薄切~弊病同上~偏乾~溫泉蛋:隻蛋是涷食的~上d人既blog話好食我先試...我覺得個蛋係絕對好食!但個汁同d木魚碎真係令成件事超錯了個汁係d冷麵木魚汁朋友放棄左佢汁煮豬軟骨:似拉麵個d豬軟骨~~好淋呀煮到個汁都係偏甜左dd免治雞肉棒:食到到喉嚨頂之後照叫黎食~免治雞肉加左d軟骨~~好食呀不過食到有一小片骨我覺得同個點辣辣地個汁幾夾~好岩送酒芒果龍利柳:笑到死xD我食左之後第一個感覺係:{好膠}xd個芒果汁好似芡咁既..好似將d芒果汁濃縮左咁la~好黏口朋友說當甜品會好一點 個汁浪費左舊lonely fish la~件龍利幾彈牙同有魚味架玉子:無聊一叫~正常lor~甜蛋一舊白肉豚:由於唔知咩黎所以叫左~都係寫二黎四的!!!!唔難食不過冇咩特別~舊魚係肥魚~有dd油標出黎架食個時..同埋好淋照燒雞肉:last order lu~~燒到乾左d同唔夠味要點醬食之後仲有野未黎~waitress追左一次~當冇回音所以算了埋單~~~兩人加埋食左370~ 嗯~~我覺得呢個價係出面可能食的更好~但近近地是但la *員工很愛看我們@@係咪因為我地仲食得過格黎個兩男一女 格黎個女仔係咁望我地食= =好騷擾ahhhhhhhhhhh 
食菜菜
好久不見的雞骨腸
kushi重點
不錯吃
炸蠔呀~~
數字陷阱
黎完又黎既tempura@@
個汁有意外
免治雞肉
怪味甜魚柳哈哈
正常玉子+食唔慣的白肉豚
甜左d豬軟骨
Recommended Dish(es):
吉列廣島蠔,牛柳粒,帆立貝,牛舌 Table Wait Time: 0 minute(s)
Date of Visit: Aug 30, 2010 Spending per head: Approximately HKD185(Dinner) Other Ratings: Taste 4 | Environment 4 | Service 4 | Hygiene 4 | Value for Money 3
Recommend 0 |
%0D%0A%E4%B9%8B%E5%BE%8C%E8%A6%8B%E5%88%B0%EF%BC%A4%E5%93%A1%E5%B7%A5%E4%BF%82%E5%BB%9A%E6%88%BF%E5%BA%A6%E5%94%94%E4%BF%82%E7%85%AE%E7%B7%8A%E5%AE%A2%E6%97%A2%E9%A3%9F%E7%89%A9%EF%BC%81%EF%BC%81%EF%BC%81%E4%BF%82%E7%85%AE%E5%B7%A6%E4%BF%BE%E8%87%AA...&screenshot=http%3A%2F%2Fstatic2.orstatic.com%2FUserPhoto%2Fphoto%2F1%2F124%2F007J210D55571048C2FA67s.jpg "Share with Messenger")
%2C%E7%95%B6%E7%84%B6%E4%BB%B2%E6%9C%89%E5%85%B6%E4%BB%96%E9%87%8E%E9%A3%9F%E5%96%87~~~~%E5%AF%AB...&screenshot=http%3A%2F%2Fstatic2.orstatic.com%2FUserPhoto%2Fphoto%2F1%2F124%2F007J210D55571048C2FA67s.jpg "Share with Messenger")
