池記雲吞麵家 (Closed)

好多次經過想食都見排長龍，但冇時間排隊入去食，昨天；中秋前夕在銅鑼灣行到又餓又攰，行到池記竟然冇人排隊同囡囡兩人入去坐低，囡囡叫左一個海蝦雲吞麵配炸雞翼餐$71，我就叫左鮮坑腩湯河配紅油三寶餐$71，每人加4蚊點多杯豆漿，食物出黎冇驚喜唔緊要，但完全唔好食D海蝦雲吞麵得4粒雲吞，又細粒，食落口有霉既感覺，麵就普通(單叫要 $48/碗)鮮坑腩湯河既坑腩好似煲完湯的湯渣，坑腩得薄薄幾片仲要碎濕濕，湯底好重味精甜耶耶一喲鹹味都冇(單叫要 $48/碗)紅油三寶有普通雲吞3粒、水餃2粒、白灼0魚肉2粒，雲吞同水餃D餡少到食完都唔知有乜料係入面得炸雞翼比較好D皮脆得黎唔乾但味道略淡老實講普通我雲吞麵鋪，十幾廿蚊碗既雲吞水餃同牛辭還比佢好食得多

細細間無乜好講...廿零蚊嗰碗雲吞麵都算ok！但又不算十分出色。有点名過於實。招呼尚可，加茶水也有点反應，但總給人有点闊佬懶理的感覺，加上座位的緊迫感，no good！

九龍灣德福新開左間,我係果度食,暫時入黎俾評語.我叫左個午餐,$37有杯意米水,有個小食,有碗雲吞麵.先來意米水,有野咬吓,有d彊味唔太甜都ok丫.小食我選了冬菇,果然無簡錯,d冬菇好新鮮又好入味好香,麵方面,個湯無皂水仲有一粒粒細細粒蝦子,雲吞一口一粒,蝦好新鮮好爽口,有濃郁蝦味,真的不愧為招牌貨. 朋友仔叫的柱侯蘿蔔無柱侯無牛腩味,唔叫好過.南瓜炸蝦餅好味道.好香口. 下次都會再去,但一定唔會成日食,因為$37一個lunch黎講九龍灣區都算貴.

一碗好的雲吞麵，除左靚雲吞，麵質同湯底係十分重要外，其實師傅煮麵手藝，拿掐的時間也是重要的關鍵。我覺得池記雲吞麵完全附合〈一碗好正好吃的雲吞麵〉。現在，通街都有雲吞麵店，但雲吞、麵質、湯底都控制得靚正的雲吞麵店絕少。所以，想吃雲吞麵時，我總想起池記。不過，說到服務一項還是有待改善。希望那些師奶服務生不好太師奶。

一碗好的雲吞麵，除左靚雲吞，麵質同湯底係十分重要外，其實師傅煮麵手藝，拿掐的時間也是重要的關鍵。我覺得池記雲吞麵完全附合〈一碗好正好吃的雲吞麵〉。現在，通街都有雲吞麵店，但雲吞、麵質、湯底都控制得靚正的雲吞麵店絕少。所以，想吃雲吞麵時，我總想起池記。不過，說到服務一項還是有待改善。希望那些師奶服務生不好太師奶。

講真d嘢食就真係普普通通啦，但係佢地d service真係不知所謂!我都真係好耐都冇聽人講過：「頭先冇同你講依家咪同你講囉!」同埋「我地做咗十幾年都係咁架喇」你地做咗幾多年同客人有咩關係，好心老闆就唔好請d咁樣素質既人嚟serve客啦，定係你地嫌太多客唔憂做。今時今日咁樣既服務態度，除非你d嘢食真係勁好味啦，如果唔係遲早俾人淘汰!

雲吞水餃麵- (單拼$25 雙拼$31)的確係好味...雲吞裡面d蝦好爽好新鮮水餃就好足料, 配合得好好, 比普通雲吞麵店水準高.麵亦都係好食, 無咩鹼水味之餘, 又爽又滑, 又有口感!最可惜係, 碗麵太細, 連我呢咁細食女仔食完都覺得唔夠飽, 而且價錢又貴, 服務又麻麻...比番起又覺得唔係咁抵啦!裝修望落好靚好有中國feel, 但坐落其實都唔多舒服同埋有點兒迫(可能我被安排坐係廚房門口隔里, 感覺特別差啦)...人多時仲要搭呢.

前文提到品嚐了麥奀，今趟都應一評池記。幫襯的是銅鑼灣這裡的雲吞麵分開細蓉及鮮蝦雲吞麵兩種，前者的分量為兩隻雲吞加七兩重蛋麵，Size絕對是超細碗，只夠攝牙隙，故要嚐其真將必須點選其鮮蝦雲吞麵，起碼分量夠；亦正宗的放法，雲吞在下麵在上；湯底亦是用製雲吞餘下的蝦頭蝦尾來泡製故蝦味不俗，但加了不小的蝦籽，另亦有大地魚的香味；雲吞是正宗散尾的而又的色，極之正宗，但內裡怎的鮮蝦就不夠鮮甜，不過雲吞在進口前內涵仍是乾身，不會因放在湯內太久而變得腍身，這點看得出包雲吞的功夫，而這亦是正宗的廣式雲吞應有的特點；麵底亦很彈牙及但有點鹹水味，加一些紅浙醋才能中和此鹹水味，而筆者本身亦不喜歡紅浙醋伴食，故麵底方面掉了點分數。總括來說這裡湯底較好味但可能歸因於蝦籽，而雲吞亦是正宗但敗筆於選蝦問題，這個價錢比起麥奀算是超值；當然若可以這裡的湯底及包雲吞的手法加上麥奀的鮮蝦及麵底，這樣必定的人間極品。題外話：筆者幼時是嚐過正宗的路邊攤的雲吞麵，阿伯在家裡準備好了所有材料包括湯底、散尾雲吞、韭菜、全蛋麵，左面是淥麵及雲吞的火水爐而右面是煲湯底的火水爐，現買現賣，存在的記憶有點模糊但那種味道仍瀝瀝在目；筆者始終相信，

多年前本人在這裡食過一次...一個好普通既雲吞面..令本人念念不忘多年後返黎HK一有時間立既去食個雲吞面..是次叫了一個雲吞面+一個紅白...大約5分鐘4面水9到..湯都係咁好飲..面依然咁好食..食完面唔洗幾耐...D侍應幫我起左個紅白.....幾好..出面食唔到...D侍應服務好...個個有笑容..服務好..D食物都係咁好..下次有時間一定要黎過....

食完藍納泰，心火盛，胃痛到抽根，有理無理整碗湯麵才是正路，就去池記食碗豬手麵。是南乳豬手，最怕南乳汁撞銀絲湯麵，叫阿姐分開上，亦照辦，服飾唔錯；豬腳三件，南乳汁色水唔深，唔入味，皮連肉入口即散，認真麻麻，湯麵都係咁上下，今日碗湯見唔到有蝦籽，初時還以為是豬手麵所以無加，瞄瞄隔離女士碗細蓉，同樣無蝦籽，難不成要縮皮？

haven't been to this noodle shop a while after the office moved away from Causeway Bay. Came again last Sat with a friend from US - 1st time visit Hong Kong. Wonton noodle - as good as before that my friend not only ate the whole bowl and also drunk all the soup! I ordered 水餃noodle this time as let my friend try more different food, not bad but wonton is still the best.The fried 鯪魚球is good - fried when ordered, so hot and fresh, taste good.Really a good restaurant both for local and tourists.

聽聞這裡的雲吞面出名...一直搵機會食下..係之前個幾日有機會食下..一個人係CWB完街就去呢間池記食下...第一口食下去..立即想起..好味..唔係講笑..面夠爽..雲吞夠D蝦又多大隻正..本人係一個女仔..食了一個面一個油菜好夠...就黎食唔哂..最值得一提就係呢到D侍應服務好好...請問前唔夠後,好好....不過美中不足D地方就係地方太小了..假如晚飯時間黎一定有點迫

雖然這裡的雲吞麵，已漸失傳統風味，但在水準而言，確實又不錯。去附近練波，放左工一直跑到十點幾，一粒米都無到過肚，反而又唔係覺得咁肚餓，正好就吃碗雲吞麵，頂一頂肚。已一早想試這裡，但平日長期都人頭湧湧的，就趁今晚來吃。一個人霸得最近門的小圓檯，除左自己坐，仲有兩張椅放袋。人未坐下，已立即叫了碗「細蓉多青」。這裡的細蓉，其實不算很「細」，至少比麥歪的大。匙羹壓底，麵浸湯面，賣相正宗。湯是滿有蝦子香味，喝一小口，都算甜美，有水準；麵身由頭吃到尾都一樣的爽口，彈牙，沒有鹹水味，連醋也不用下，亦不錯；雲吞是「散尾」格式，略為大粒，內有一隻蝦，吃落豬肉的份量不夠，可能要滿足時下食客吃「蝦餃雲吞」的心理，難怪。要了「多青」，真的是韮王及蔥花滿滿的，全部吃清，吃得過癮又盡興。結合麵、湯及雲吞，這裡的雲吞麵，雖稍欠正統，但也是有水準的。埋單24蚊，唔算貴。當然喝起這口湯，都不知其味何來的，快快去吃「權記」或「雲吞成」，那裡的雲吞麵平倍幾，雲吞仲可以用來當武器，掟瓜幾隻狗。這裡也有其他食物，連炸軟殼蟹也賣埋，亦有新鮮爽腩，看似不錯，如下次路過又見有位，會再來。

同鬼佬同事係附近做野，執埋手尾後來見肚餓，見鬼佬想試下雲吞麵，就帶他來池記吃個Tea。有吉檯唔揀，卻選擇搭檯，就是因為對面坐著兩位靚女，平日正正經經，骨子裡機心卻不少，鬼佬真有你的。叫了細蓉，又幫鬼佬叫了水餃麵，鬼佬好奇的問是什麼麵，偶說是鹼水麵，對麵的小姐說是蛋麵，鬼佬有的沒的聽過去，然後開始搭訕。沒好氣，乖乖的吃個細蓉，大地魚湯，加入粒粒蝦籽，誠意十足，麵底是幼細的銀絲幼麵，爽口，較麥奀的差一個馬鼻。邊吃著邊聽著鬼佬在吹水，吃畢，溜之大吉，不然被捉下來玩交換電話，怕會吃不完兜著走。事後鬼佬笑說，是給偶「補課」，隨即想起克勤的「開學禮」，哭笑不得。

5 May 2006 (Fri) - 晩飯一心想去食粥，點知想去既地方附近又冇粥店，只係有呢間同知粥嘗樂，但係嗰間又成日去，咪諗住食多次呢間囉，其實不嬲都冇乜好感，因為好貴，唔抵．．叫咗個餐$42，有一個艇仔粥同一碟油菜，油菜唔記得叫佢走油，勁油，粥ok，大碗過麵！好好友叫咗一個炸醬麵同一個黑白，炸醬麵外表唔錯，不過勁細碗；黑白(即芝麻糊豆腐花)既芝麻糊真係唔多掂，好水，豆腐花並唔甜，好似鞋．．．總括，呢度並非好選擇，不過我都係比多次幾會佢．．