太平館餐廳

Open Now

Now Closed

銅鑼灣太平館，對上1次食應該係3，4年前，仲要係2個女仔，好多野都想食，不過都無叫到，今次約多幾個人，終於可以叫多幾款野食，一早預約左，餐廳預留左長car位俾我地。開始點餐，豬脾餐，瑞士牛河餐（非叫不可），乳鴿餐（無咩特別，下次可以食另外食物），瑞士汁雞翅膀（正），跟餐湯，個龍蝦湯好味，點完餐服務員好貼心問我地叫唔叫梳乎理，我地好快答“叫”，服務員幫我地安排，大約食到中間就同我地講，而家幫我地落單，因為需時，可以夾到我地食完正餐，之後食甜品。整體黎講，食物質素唔錯，服務員貼心，4個人4個餐再加梳乎理，埋單人均330，我覺得合理，話晒銅鑼灣地段，食飯無限時，係其中1個優點，我會再去食，再唔支持下香港餐廳，好快會消失。

很久沒來的老牌餐廳，入到去已滿座，經理給了一張飛，見前面冇乜人就等下，冇耐經理就提示5分鐘後有枱了順利入座後，因以前食過知道餐的份量不算少，叫了一個乳鴿餐 (包括一隻乳鴿，燕窩雞茸湯，焗葡國雞飯，餐飲及甜品) ，另點4隻瑞士雞翼。一個餐只有一個餐包一個湯，細心的待應見我們兩人特別給多一個包。到湯來的時候又會給多一個碗給我們share。還不時補添熱茶，換碟，難得的是晚餐繁忙時間也有這種無微不至的服務。食物方面點了一基本上都維持好的水準。焗葡國雞飯雞滑汁香，燕窩雞茸湯濃郁，瑞士雞翼口感味道出色，乳鴿香脆肉嫩，都能維持水準多年冇來，絕對不是熟客也不認識店內任何一個經理及待應也能享受好的服務，加上食物水準不錯，絕對值得推薦

餐廳彷似停留左係八十年代，裝潢同佈置都保留住當時既面貌，帶有復古懷舊既風味，好似穿越左時光回到當時既感覺！侍應以友善親切既叔叔為主，偶然同客人閒話家常一番，亦唔會催趕埋單，食人客可以慢慢享受美饌。🥄鮑魚海龍皇湯蝦味好特出，感覺似飲緊蝦頭蝦膏燉湯。鮑魚既身影就唔多覺，其他配料都係烚熟再放入湯，提升唔到海龍皇湯既鮮味，唔太推介大家嗌🫣🥢太平館瑞士汁炒牛河色香味俱全既一碟炒河粉🫶🏻牛冧肉肉質偏柔軟肥肉少，不過用梳打粉醃之後已經無晒肉味🙈秘製既瑞士汁望落好深色好杰，但入口好有驚喜，鹹甜適中，河粉掛汁力強，索滿醬汁既河粉好惹味。成碟粉都炒得好有鑊氣，河粉既份量亦比坊間茶記多，不過食到尾聲就會覺得口乾同好滯！🐤太平館瑞士雞翼除左牛河外，瑞士雞翼都係鎮店之寶。雞翼好肥美飽滿，每一隻都煮至入曬味！瑞士汁同牛炒用既醬料有些許分別，除左帶甜之外，仲食得出紹酒同其他香料既味道，層次一啲都唔單薄。雞翼以文火滷煮，令到雞肉皮滑肉嫩，香氣撲鼻！📍太平館餐廳銅鑼灣白沙道6號地舖

太平館喺香港懷舊西餐廳， 已經喺香港有好多年嘅歷史。今次去到，就試晒佢所有名物，睇吓佢一直以來屹立不倒嘅原因。乾炒牛河鑊氣十足，牛肉份量多，每塊大大片，河粉就同坊間出邊食到嘅冇乜太大分別，而且有一點油。瑞士雞翼，幾乎係每個客人嚟到必點嘅食物，一碟雞全翼總共八隻，瑞士汁偏甜唔會過鹹，雞翼亦都非常入味，而且即叫即整，但食嗰日略嫌雞翼有少少過熟。期待已久疏乎厘，個個好似人頭咁大，疏乎厘都係即叫即整，需時大約30分鐘，外皮有少少焦香，裏邊蛋香十足，而且十分鬆軟空氣感十足。係呢間餐廳不可不試嘅甜品。

星期日同朋友行過銅鑼灣，見到好耐冇食太平館就去排隊。排咗15分鐘就能入座，點咗有名的豬脾飯。賣相嘅嘢就見仁見智，但係啲白飯就啃唔落，因為大部份係生米。同一位一睇就知道老經驗嘅叔叔講，佢二話不說就收走。我唔知佢想毀屍滅跡定係點？轉頭返嚟同我講冇白飯咁轉炒飯俾你。我懷着感恩之心回應⋯哦原來你跟進緊，只不過你不善於表達。跟住佢也二話不說放低 咗一碟炒飯，今次仲正，原來生客有問題唔單止唔道歉，仲送多隻小強俾你做贈品。小強有腳爬落去我冇計，但佢哋有口卻不會道歉，仲要二話不說收走證物。難怪可以屹立不倒咁多年。

呢日同老婆行過銅鑼灣，佢細個生日，外母會同佢入呢間餐廳食疏乎厘、瑞士雞翼，同肉醬意粉慶祝。講到咁，我就同佢入去緬懷一下啦！入到去裝修都幾懷舊，好七八十年代高級西餐廳，卡座梳化位，好舒服。店員係上咗年紀嘅伯伯，個個西裝骨骨，服務一啲都唔慢，一嚟就送上兩杯熱茶，服務唔錯！老婆話以前細個食好貴，生日先有得嚟，我望吓價錢，下午茶同晚餐爭一大截，好抵食！焗芝士肉醬意粉意粉唔淋，夠彈牙肉醬好夠味，配埋好Rich嘅芝士，口感一流又美味。鹹牛脷湯麵個麵夠爽口，鹹牛脷夠厚夠入味，牛脷夠淋，配埋紅蘿蔔同菜心，湯底清甜，整體不錯！

銅鑼灣太平館是一家懷舊風格的餐廳，提供美味的午餐選擇。在午餐時段，他們會奉送餐湯同餐包，餐湯可選擇羅宋湯或粟米忌廉湯，餐包鬆軟微溫。在這裡，你絕對不能錯過他們的瑞士汁雞翼。這道菜以嫩滑多汁的雞翼為主，濃郁的瑞士汁。這種瑞士汁有著豐富的口味，帶有微妙的香料和香草的香氣，讓人回味無窮。雞翼肥美、肉質鮮嫩，每一口都充滿了美味和滿足感。銅鑼灣太平館的瑞士汁雞翼是一道令人垂涎的佳餚，無論是味道還是口感都非常出色。如果你喜歡懷舊風格的餐廳和美味的雞翼，這裡絕對是一個值得一試的地方。無論是和朋友一起品嚐美食，還是享受一頓舒適的午餐，銅鑼灣太平館都能給你帶來一個愉快的用餐體驗。

夥計眼中只有熟客改善點- 接近100%夥計都系無禮貌，掟餐牌，碟。。。。除非你系熟客，吾通哩個系老牌餐廳酒樓的特色？2點半前去到，-都坐左差不多90%,咁嘅時間有咁多人，吾錯啦!裝修好多年無變，可能系懷舊味道。-未有下午茶，睇完餐牌，都只有午餐價錢值得食，散叫真系比較貴，午餐包括餐包，主食，同餐茶。羅宋湯（4分）- 有幾種菜煲，吾錯餐飽（4分）- 熱辣辣，好軟熟岑味牛脷飯（$88）4分-因為個名比較特別所以叫，後來再睇餐牌，原來系法國醬，有鴿珍肝，肉碎，香料等，味道勝在有鮮味同吾鹹。-牛脷有兩大塊，咬落爽口，難得。- 飯系有蛋炒底，有心。乾炒牛河（$92）2分- 賣相顏色都吾錯，河粉無一條無顏色或者黐埋，有功夫。- 牛肉有鮮味同”淋”,但扣分亦系因為牛，可能最多得4塊。- 有幾條菜心，比較健康。咖啡檸檬水正正常常。

第一次黎呢度食下午茶3點開始下午茶時段，都唔難羅位叫左蝦多士 瑞士汁雞翼 同埋瑞士汁牛河比起晚市正價平一大節，份量少左，但一次可以試幾樣野，好開心😀個蝦多士好香脆瑞士汁牛河好濃味，唔會太甜，剛剛好掛到汁

同T先生成日講，下次要去<太平館>食嘢，但次次都會忘記呢個option…..今日上網睇食嘢好介紹，終於記起了，於是同T先生過來食下午茶😊😊我地在Hysan 食完野再過來食下午茶(好似好大食咁🫣🫣)，下午茶時段係3-5pm，等左大概5分鐘就安排了卡座4人座位。咁大個人，我都係第一次黎<太平館>食嘢，餐廳裝潢和佈置有70-80年代既高級西餐廳既感覺，座位又舒服。職員全都是中年或上年紀的叔叔，個個都有禮貌架。叔叔先比2杯用玻璃酒杯盛起的熱茶，再比下午茶餐牌，我地都諗左好一陣子食咩😆 📍燴牛脷意粉 $64已經很久很久無食燴意粉，而且唔係間間餐廳都有，再加上係用牛脷配搭，我更加想食😆 等左我諗10分鐘就有。賣相不錯，牛脷切條後份量都多，有牛味、啖啖肉得來冇筋，要讚而燴意粉係幾多汁而且鋪滿成碟意粉，意粉唔會煮到好腍，並非al dente, 我個人諗為口感剛好配多汁意粉，這才是燴意粉的精髓 總之真係會愈想食晒同埋啲汁😆😆 燴汁應該有蕃茄醬和牛汁煮成(我諗)，有少少甜甜地，但好好食呀 📍跟餐凍咖啡我地點black coffee, 咖啡味濃有餘韻，我和T先生都鍾意，而且凍

今日下午13:30去食飯，銅鑼灣呢啲鐘數要攞飛等位食飯都好正常。點知見到1位中年男士一入餐廳就攞份報紙自己行入去坐低。帶位嗰個莫經理都衝入去同嗰位男士講有其他客人等緊位，點知嗰個無恥人話吾知識邊個部長，嚟親都吾駛等位。真心想問下係邊個部長，我都想識。

念住之前沒食過他們嘅焗豬扒飯 今日就來試下 一進門 個年齡最大的服務員(好似係經理)就讓我坐門口凳子上等著(店裏大把空位...)等佐5min自己起身叫另一個服務員帶我入座 之後點餐剛講完焗豬排那個服務員就走了 之後又搵另一個服務員落嘢飲… 3min後服務員單手端著杯碟往我面前一揼就走了...奶茶都洒出來...又過佐5min 上來一個唔知還咩嘅炸豬排 我即刻問佐個服務員 我嗌嘅焗豬排 哩個汁好似唔係茄汁 同埋點解係炸豬啊🤔️個服務員指著對我說這就是茄汁 他們店的茄汁就是這樣的 顏色深啲…之後我就試佐一啖個汁 果然唔係茄汁 看落好似咖哩但又唔係 甜甜嘚 冇咩鹹味 唔知係咩 好奇怪 陣味有啲似稀释过的瑞士汁加佐葡汁…真係好伏🆘我都諗住算啦 隨便食吓啦 點知之前個服務員又搵佐開頭個經理來 先質問我你點的係唔係焗豬排 之後態度非常之差噶又同我講佐一邊你嗌個飯就係咁㗎！🆘5min随便食啲 即刻起身走人🆘香港人不骗中国人 快跑👋🏻或者换家店

平時多食新潮cafe，今次來到這種懷舊老店，別有一番風味呀！我們一行二人，點了一份🥢乳鴿餐 $304🥢瑞士汁雞翼（4隻） $98🥢以及甜品🥢梳乎厘 $152🥢可以說非常豐盛乳鴿餐包括：燕窩雞茸湯、太平館燒乳鴿（一隻）、焗葡國雞飯，其實兩個人食這個餐已經好足夠，不過難得到此，怎可以不嘗餐廳名物🥢瑞士汁雞翼🥢燕窩雞茸湯真的有燕窩，有咬口，亦好濃郁；乳鴿、雞翼都好入味，肉亦都好嫰滑，味道就比較濃和咸，相反焗葡國雞飯就有點普通，雞口感偏鞋，而且原來白飯是另上，稱不上是焗飯吧，唯獨這有點失望最後梳乎厘簡直是全晚的亮點！一上枱我們幾乎驚呆了，比我們的頭都要大，幸好梳乎厘內多是空氣，看似大實際份量不多。

小時候住在銅鑼灣，太平館算是出名的西餐廳，價錢在當時不算便宜，服務及味道都唔錯，可惜而家真係大不如前，今日同老公去食晏，門口負責登記帶住嘅帶眼鏡著西裝嘅經理，拎餐具比我哋時將其中一隻匙羹跌咗落地下，我見到佢用另外一隻手拎住，諗住佢會換過另外一隻俾我，點知佢將其他餐具放低之後，佢將跌咗落地嗰隻匙羹慢慢咁放返落我枱面彼岸肉😡😡我冇出聲，只係將跌過落嚟嗰隻匙羹拎開叫佢收走，佢又真係好似若無其事咁拎走咗而無換過一隻俾我😡呢啲咁嘅服務質素真係仲衰過大排檔

行街街行到攰搵個地方下午茶，這間餐廳跟其他嘅好不一樣，一入去就充滿阿飛正傳年代嘅氣氛，侍應都係一啲老人家，但係好好脾氣又有禮貌。首先梗係食下呢度嘅名物「太平館瑞士汁炒牛河」連一杯飲品$72。碟河好細碟，而且有點鹹，唔似瑞士汁要甜甜地咁，不過銅鑼灣嚟講都唔叫合理，因為你可以舒舒服服咁坐。叔叔好貼心幫我哋換哂啲碟&餐具，因為跟住我哋食重頭戲⋯⋯「梳乎厘」！小朋友老遠見到就嘩嘩聲😂😂，係咁相機先食因為大過佢個頭，個皮烤得香香甜甜，她一大匙放進口就溶晒，開心到格格聲話好食😋。呢個下午茶二人餐連兩杯飲品只係$150，當氹小朋友都抵吖💪🏻