君王餐廳  

尋日(12-2-2013 Wed) 大年初三朝早,男友除o左o係麥當勞買o左個餐外,都o係o買個招牌蕃茄湯通粉早餐,由於麥當勞o既餐只有辣,所以我就食呢個.

呢個通粉都唔係好多,食落,通粉腍晒.我問男友係咪o係o度買o左至去麥當勞買餐?佢答係.啊,唔怪得啲通粉浸腍晒啦.

而大大舊o既紅蘿蔔都腍,而其他配料呢?除o左眼見o既紅蘿蔔同少少o既西芹,肉碎外,都好似冇乜o野lu喎.至於味道,點解又係辣o既?蕃茄湯唔係帶酸咋咩?係因此我食o左幾啖麥當勞引致?食到一半我都唔食,畀返男友食,佢話呢個都係辣.

攪咩o野?咁樣就叫做招牌蕃茄湯通粉,唔係o掛?

而凍檸茶呢?我有問男友覺得點,不過佢都冇特別評價.

價錢:
男友唔多記得呢個餐要幾錢,大概係$26.00吧.

服務:
男友上到o黎開餐時至發覺乜o野膠餐具都冇畀,包括飲管,膠湯同茶匙,好彩佢o係上o黎我屋企食囉.

環境:
男友話呢o度裝修o左,不過…..同以前冇分別.

24-9-2012(Mon)正日生日繼續放假,同男友去海洋公園玩,先o黎好耐冇食,星期日唔見開門o既呢間.

o黎到,因為係平日同都晏,冇乜人,睇睇餐牌,揀o左好耐,我要$22.00o既鹹牛肉奄列餐,有牛油多士同田園菜蔬,要熱奶茶.男友要$20.00o既羅宋湯米粉,加$2.00要凍奶茶.

兩杯o野飲先到,先試吓男友o既凍奶茶,嗯,味道唔差 奶同茶都夠.之後加一茶匙糖落我杯熱奶茶飲吓,嘩!同凍奶茶咁大分別o既?又係奶唔夠?有苦味,不過佢又唔’o鞋’喎,點解凍飲同熱飲有咁大分別?

然後男友o既羅宋湯米粉到o黎,佢食o左幾啖大讚好食,話原本會覺得怪,但原來效果咁好,可能因為米粉幼身,掛到更多湯,所以好味啲同開胃.

而我o既鹹牛肉奄列o黎到,田園菜蔬得兩片青瓜同一片蕃茄,鹹牛肉奄列一睇就知係熟透晒,食落,蛋好乾啦,鹹牛肉正常,食完呢個件牛油多士都重未到,我睇睇,終於整好放o係枱o度等樓面拎畀我,但兩個樓面成日有意無意間睇唔到,我真係想叫佢o地拎o黎.

終於個男o既見到拎畀我,件牛油多士黐實o左,唔係講假,真係連掰都掰唔開.食落,牛油應該都塗得夠,因為都甘香,不過唔太脆,但咁都好,冇咁熱氣.

味道分係3.66分.

今15-10-2011(Sat)朝早同男友起身後去食早餐,佢話求祈一間,見君王今日有開而且好耐都冇幫趁,今次就畀機會佢啦.

坐低後,男友揀o左$19.00o既自選雙併粉麵餐,要午餐肉,雪菜肉絲米,加$2.00要凍檸茶少甜.我要$24.00o既美式雙併扒餐,要煎雞扒,廚師腸,飲熱檸水,個餐重有廚房沙律同牛油多士.

好快,所有o野都到o黎,男友o既雪菜肉絲得好少,我o既呢,所有o野份量都少o左,反而冇諗到廚師腸會有兩條.食lu, 廚師腸竟然超鹹,雞扒同牛油多士OK冇問題,而沙律就有少少腍,一般.

平時食呢間野，都係食扒/意粉多，今次見無咩錢+無人陪，就食午市套餐！揀左C餐叉燒火腿菜粒炒飯（配可樂）
今次上菜只係個零字對佢平時食品嘅感覺幾好，所以成品比想像中差！除左D餸比較少，同埋“菜粒”系一般嘅雜菜，之外，整體味道唔算差，始終佢只係收24蚊，不過的確比意粉差

我在荃灣區工作,其實都好少去石圍角, 剛巧同事那天在街上取了一本介紹荃灣區食物季刊,介紹這一間餐廳, 還有85折劵,就和我一位朋友去試一試. 大約6時30分去到餐廳,沒有其他食客,心知不妙,先找座位坐下,有一種不舒服的感覺,是那張枱和那張膠椅都是油膩膩的,似乎沒有清潔乾淨,後來轉到其他位置(木椅子)坐, 才好少少.
先看餐牌, 已知這餐廳絕對不便宜,但要看食物是否好吃, 先說餐湯, 沒有羅宋湯或忌簾湯,只有自家制的蕃茄湯, 很難飲, 像蕃茄加上豆粉水,飲2匙已放棄,主菜叫了豬肋骨配意粉( 65 元) 和牛扒配薯條(55元) ,那牛扒落了很多鬆肉粉, 入口苦苦的,佷難食, ,薯條只得幾條,那個汁更加恐怖,食味跟那個蕃茄湯一樣,問侍應可否多給我一碗黑椒汁, 她說要加錢, 她還說如果之前我們說要另一種汁也可以, 但她跟本沒有問我們要那種汁, 要加錢我們當然說不,倫到那個豬肋骨, 佷細排很少肉, 吃了像沒有吃過東西似的,意粉不是太淋也是不多, 但又是那個很難吃的汁, 最後我把汁撥到旁邊,只加了她給我們那枝蕃茄醬,草草了結這一餐,本來還想叫2個小食,但已沒有這意慾,飲過餐飲後,速速離開再到m記再吃. 這一餐打折後也要106 元, 還要我專程坐車到此餐廳,真是浪費時間和金錢,永沒有下次.

今(16-4-2011 Sat)朝起身後有啲餓,屋企又冇o野食,就走落去食o野啦,我都好耐冇幫趁呢間喇,唔知變食點呢?就走o黎食啦.

經過一輪挑選後,我揀o左$19.00o既雙拚粉麵餐,要火腿雞扒(+$4.00)通粉,飲熱奶茶.

等o左一陣,奶茶到o黎,飲吓先,冇乜茶味,加返一包糖,就係甜甜地.

之後得o左好耐好耐,我點解我碗通粉咁耐o既?成間餐廳只有我一張新order,其他人都食o緊o野啦,.

等呀等,等呀等,足足等o左5分鐘,通粉終於到o黎,睇吓,件雞扒好細件,大約只有3厘米X8厘米,火腿係半件.好,食喇.通粉係彈牙但有啲硬,似未煮熟o既硬,睇睇,原來呢隻size唔大o既通粉比正常o既厚身啲,係咪都係煮得唔透?而味道竟然有啲米味,奇怪.

件細雞扒呢,就只係正常煎香o左,有乜特別.最後,我向o係外面食o野,隨o左湯外,我都唔會飲湯粉麵o個啲湯,今次o係o度飲一啖湯,食完就好口渴,味道真係強.

整體而言,都只係一般,o係等o既時間,我睇睇佢啲小食,貴到飛起,一碟4隻o既吉列蝦都要$26.00,睇見佢炭燒羊架都要$65.00,大佬呀,呢o度係屋邨o黎o架咋,雖然成個邨好似只有呢間做啲比較少有o既西餐,但都唔使咁貴呀?我真係想知,有幾多人會o係o度食呢啲西餐.

今次本來畀個喊,只因落單時個亞姐好禮貌而畀返啲分.

與同事最後一餐，就豪豪地去君王据扒，

蒜汁肉眼扒，七成熟，有湯有包有飲品，約50元，

扒無味，唔慌係靚野，意粉「林」了，蒜汁還可以，

包係暖，蒜味唔重，

羅宋湯ok喇。

13-2-2010 Sat(年三十)同男友起床後,要去荃灣買o野,由於天氣都開始凍,佢話o係o度食o左o野至落去,啊,咁好啦.

o黎到,我叫o左沙爹牛肉腸仔烏冬(烏冬要加$3.00),飲熱檸水.男友要羅宋湯通粉同熱檸水.

等o左一陣,所有o野到齊,男友o既通粉唔係有坑紋o個隻,佢幾失望,佢話羅宋湯蕃茄味濃啲,應該o岩我口味.但我冇試到.

而我o既沙爹牛肉腸仔烏冬,一o黎到就臭到大陣出前一丁o既麻油味,沙爹牛肉唔多,牛肉幾滑,烏冬份量亦唔多,食到最後,僅有o既沙爹汁撈埋啲湯至有少少沙爹味.食完我覺得唔係咁滿足,有啲到喉唔到肺o既感覺.

呢餐共$39.00

今朝(20-9-2009 Sun)同男友起身去食早餐,男友又揀呢間,真係暈.

o黎到,我o地睇o黎睇去,終於有決定,男友要$20.00o既麵餐,要煎蛋,沙爹牛肉公仔麵,飲凍檸茶.

而我要$22.00煎蛋,煎豬扒通粉,飲凍檸水.

一陣後,兩杯飲品到o黎,今次唔太甜,飲到最後,檸檬亦唔酸,來貨靚o左啲?

之後兩碗食物到o黎喇,兩碗o既湯都係出前一丁湯底,幾濃.煎蛋係有兩隻,通粉口感o岩o岩好,唔腍唔硬,而豬扒亦都鬆軟,冇問題.

今朝(12-9-2009 Sat)同男友起身去食早餐,男友對呢間印象唔錯,我見都幾耐冇幫襯,就就佢啦,唔知今次又會唔會令我失望?

我o地叫o左$22.00o既湯麵餐,要吉列豬扒,腸仔意,飲熱奶茶.男友要$24.00o既美式扒餐,要吉列魚柳同炒蛋,飲凍檸茶.

首先係飲品到o黎,但我發現畀錯o左,男友杯凍檸茶變o左凍奶茶,落單時老闆娘落錯o左.男友話算數,照飲.

今次熱奶茶茶味多翻啲,但都係唔夠,不過有改善好過冇改善.

之後我o地o既餐都到o黎,今次美式扒餐份量多翻啲,田園沙律係畀o左好多,

吉列豬扒係另外用碟上,我o地食o野喇.

豬扒同魚柳都幾熱,豬扒亦夠鬆軟,魚柳o係放涼o左就有啲鯹.湯意粉o既湯竟然用上出前一丁麻油麵o既湯.

而,多士,腸仔等都冇咩問題,今次沙律裡面有椰纎果,唔錯喎.

不過唔知點解會收平o左,兩個餐都係$22.00.

今日(16-8-2009 Sat)同男友起身都已經11:25am,梳洗完係時候食lunch喇.

落到o黎揀,一個龍脷柳飯套餐都要$40.00,所以放棄.

男友要$28.00o既A餐,車莎燴茄牛飯,加$2.00飲凍檸水,而我要$28.00o既蒜蓉汁煎雞扒意粉,亦都加$2.00飲凍檸水.

好快,兩杯凍檸水到o黎,糖漿都幾多,甜甜地,但飲到最後,檸檬都係酸.

男友o既車莎燴茄牛飯到o黎,飯餸分開上,同到有蘑菇但冇蕃茄,男友問係咪燴茄汁牛肉飯?我o地再睇餐牌,唔係喎,真係寫燴茄牛飯喎.不過男友都算數,冇問老闆.

我試一件肉,牛肉夠鬆軟.冇問題囉.

而我o既蒜蓉汁煎雞扒意粉到o黎,雞扒唔大塊,有啲豆角伴碟,意粉軟硬適中,雞扒煎得香脆,係普通貨色啦.

開始感覺呢間o既食質素屬於中下,希望能夠改善,而唔係單靠服務好啦.

尋日(2-8-2009 Sun)同男友落街食早餐,行o黎睇睇,Oo:”咦,君王今朝唔開教會聚會o既?我又想食多士,於是入o黎啦.

今日我叫個$20.00o既庵列餐,自選餡料係鹹牛肉,配牛油多士,田園蔬菜同熱華田.

男友要$22.00o既雪菜肉絲,午餐肉公仔麵,飲凍好立克.

好快,我o地o既餐都到齊,我o野田園蔬菜都只有蕃茄片同青瓜片各兩片,真係少得可憐,而鹹牛肉庵列就脹卜卜咁,外面冇多餘油份,唔錯.等我試一口先,竟然唔好食.我形容唔到咩味,只知真係唔鹹牛肉味,味道好怪.我畀啲男友試,佢食落,係喎,應該因為唔夠鹹.

佢咁講,我就記起呢o度有啲食友話,呢間餐廳注重健康,所以唔多鹽同油,但,真係好難食,我都係夾硬食o左九成.而牛油多士呢,明顯比以前薄o左.

咁我又試男友o既早餐,以為一切都正常,冇乜問題,點知我食啲雪菜肉絲,佢竟然加o左辣椒落去,攪到味道又有啲怪.好地地o既雪菜肉絲麵都要攪成咁.

值得一提o既係,今次服務明顯更殷勤,老闆娘主動幫我o地斟水.平時坐低唔會o架嘛,不過其實我寧願佢唔主動幫我o地斟,因為我o地未必須要飲,到要飲時至自己斟,就唔會夾硬飲或浪費.

尋日(1-7-2009 Wed)朝同男友出佢公司整o野前o黎食個早餐,男友好支持$20.00o既鳳城炸醬麵餐,今次佢要o左餐肉同凍檸水.而我就要$24.00o既美式扒餐,要雞扒同火腿同凍檸水.

不久,飲品到o黎,之後係男友o既炸醬麵同我o既美式扒餐,一望之下,沙律同雞扒份量少o左好多,起碼少o左一半,因生意太好所以要減份量?

味道,都係一般,冇乜問題,但飲品就太甜,要加水溝返淡啲.

服務:
好好,一入o黎就已經好好咁serve客人.

尋日朝(27-6-2009 Sun)唔係太餓,唔使食太多o野,男友就買o野到我屋企食.

佢買o左一杯檸水同一碗o野返o黎,我唔知係咩o黎,一打開就有好多冬菇味,原來係一碗麵,佢話係炸醬麵.我見到有煎蛋,男友話重有午餐肉.

我又食一碗,由於男友話要炸菜肉絲,所以我唔夾炸菜食.先食麵,好好味啊,彈牙同有啲蛋味,竟然唔係出前一丁,但呢隻麵真係唔錯.

而其他配料都不過不失,但始終都唔係我想食o既炸醬麵.

今日(29-5-2009 Fri)同男友食早餐,想食快o既早餐,但唔想去麥當奴,於是行o黎,睇吓呢間開門未先?入面未有客人,男友問有早餐未?老闆(應該係)答有喇.啊,咁我o地入去啦.

男友同我都要美式扒餐,佢要雞扒,廚師腸沙律同熱檸水,而我同佢幾乎一樣,只係唔要廚師腸要火腿.

冇耐,o野飲到o黎,我同男友都先加半包糖,然後兩個餐都到o黎,今次雞扒大件o左,食落,好鹹呀,咩事?而火腿都係,沙律好新鮮好凍,醬亦好多,多士冇問題.

最後至飲檸水,咁苦o既?係我落糖落得太少?我再落半包糖,依照係苦,男友都一樣落多半包糖,佢都話好苦,唔飲.

唉!今次佢o地做咩會咁失敗o架?本憑想畀喊面,但服務又唔差,咁畀OK面啦..