Kentucky Fried Chicken    肯德基家鄉雞  

其實KFC巳食過無數次, 基本上如果沒有什麼特別的也不會寫食評.
這天跟大爺來到天水圍, 周圍都沒什麼好吃, 心想吃個KFC應該會比較穩陣吧.
試了最新推出的XO醬燒雞

跟媽媽食KFC 早餐，7:45 先開
不過還好~ 時間不太趕耶輕型既早餐
大大條香腸帶點鹹香、超脆
鬆餅是蜜糖的，甜甜地既帶鬆軟
外面是烘得好脆口仲可以配鬆餅
炒蛋雖然沒有用奶炒既滑身，不過都唔會好立
蛋亦都好厚身，豐富
雞扒是蜜汁的，唔會熱氣

奶茶咖啡是可以添飲的
不過要返工都係唔可以咁嘆LU~

早上黎左呢度食早餐。見呢度出左個多士早餐，
就試下啦。雖然呢日都幾多人，但收銀既效率好高。

多士其實份量唔算多既，但裡面都幾多料。有炒蛋、雞扒、
薯餅啦。我覺得味道都唔錯，個多士可以脆。而薯餅都無
比多士整淋，雞扒既味道同早餐既雞扒無分別。最正既係，
有沙律醬個包到，好惹味。
香蜜鬆餅味道唔錯既，個鬆餅唔算太甜，又有好香蛋味。
凍奶茶唔錯啦。

有下次既，個早餐都算唔錯。

早上來了一個quick breakfast

$15 o既set + $3要蘋果汁，加coupon 要多個牛角包
薯蓉成日食就唔講
個蛋唔鹹亦好有蛋味
KFC 火腿味道一向幾特別，有三塊咁多，都好好食
牛角包超香又酥軟

真係幾抵食喇，唔係下下都乜扒物扒

昨日和弟弟,表弟在屯門市廣場的UA看完3D無敵破壞王後,便返天水圍銀座的KFC食下午茶餐

我叫了下午茶多嘴小食盒A:蜜蜜燒雞翼,辣汁蘑菇香飯,瑪嘉烈葡橽,百事可樂

蜜蜜燒雞翼:香口,多汁

辣汁蘑菇香飯:依然無辣味,分量小

瑪嘉烈葡橽:唔錯,唔會太甜

百事可樂:唔記得走冰,好凍

弟弟叫了下午茶多嘴小食盒D:巴辣香雞翼,家鄉雞黃飯,瑪嘉烈葡橽,雪碧

表弟叫了下午茶多嘴小食盒A:蜜蜜燒雞翼,辣汁蘑菇香飯,瑪嘉烈葡橽,百事可樂,另外加了$13家鄉雞

:

都唔知道係唔係食肯德雞食上癮
過一段時間唔食就唔舒服
一定要去肯德雞走一轉

今次就上黎食左個五號餐加F小食
即係煙肉雞漢堡連雞翼

當然一如既往咁好食
煙肉味好濃但好自然
中間仲帶點醬料 讚

雞翼就無咩好講
夠熱夠多汁 係人都知幾好味啦

叫左個4人餐~$209
話要一個鐘~但係半個鐘就送到黎lu~外賣大叔幾nice~

4人餐有12件雞, 2盒仔薯蓉, 2個飯, 2條粟米, 4個萄撻~

雞~~好味~~

薯蓉可以話係難食...Gravy個味都好差...食左一啖冇食

飯...亦非常一般...

粟米...如常地冇味

萄撻算係幾好味...

下次都係剩叫雞好D~

其他野真係唔需要食佢~煮多個公仔面好過~

女仔最怕生暗瘡，平時吾敢食咩油膩野...
KFC呢d真系避之則吉。
不過最新推出既蜂麥雞又蜂蜜又麥片，好似好健康咁。所以就大開食戒去試下佢！

個包辣雞粒同平時無乜分別，不過吾知系咪我好彩，盒雞粒真系有肉架！
( 好似開心大發現咁！ )
平時系皮多過肉，皮肉比例系九比一，諗起就怕怕，真系送俾你都吾要。個薯蓉無乜特別，都好難整得吾好食。一般貨色。

到主角啦*

啲麥片食落無平時麵包糠咁油咁飽，而且都脆卜卜。吾會話食完層面之後食吾落。而且無咁油。吾會拎上手一陣油咁。
啲雞肉都好滑(我系一轉餐牌就食，無凍左翻炸XD。)
有少少甜味既雞汁流出黎，真系無得彈。
佢甜得黎脆。有啲炸到燶燶地既糖焦(深色d)，都好好味！

最緊要佢呃到我自己感覺自己好健康。

好耐無食過KFC,都幾有驚喜。以後吾洗再炸雞/燒雞咁慘。一次過滿足兩三個願望。
甜脆香，好岩女仔。
不過都真系好飽=0=

吾知幾時再光臨。拜拜啦KFC!!!*

8點幾9點突然想食kfc~
咁就叫個實惠既2人餐,加多4隻燒雞+薯格,加到過$160比卡9折~
星期一,二叫2人餐仲送左2件軟心朱古力葡撻

等等等...有人禁鐘啦
但個速遞員話收現金!?
佢話唔知比卡冇過卡個個野喎...
打返公司問,最後都係比現金都係比返個折扣價~

同男友仔漸漸覺得叫燒雞好過炸雞
起碼冇咁熱氣先呀~
其他食物都正常既,但個葡撻....
話係軟心,但今次只係將d朱古力粒粒就咁放上個葡撻上面...
咁叫軟心咩!!
之前食過都唔係咁既...
下次去舖買睇下會唔會都係咁先得....

[b/18]通常都係買外賣,遇見過的奇蹟真係嘆息.
如果唔係因為衰自己食香口野,又最近工作地點,都幾難再三幫襯又幫襯.

比少野就不時遇見,因此拎走前我都會點算所有數量才離開.你知啦.買少份人地唔夠會唔開心GAR,而且口味都好個人,唔可以有任何甩漏,包括我,買錯左番黎我會覺得買果個辦事不力.

最近期所見係圖片中的早餐-雞包.
任我點數,都唔會拆開個包去睇,就係咁瀨左野.呢個包都可以賣出街,好在我近,拎返去換,如果有D人係買上車食或者買比小朋友返學食咁咪大件事?!

而今日杯咖啡係少奶到苦.

KFC的份量控制不嬲都係差,下次都要金睛火眼睇實D已經應該有$28蚊個鐘既伙計點做野至得.[/b/18]

一直都好想試下KFC啲寶盒，
最近新出一款，見朋友食好似幾好味咁，
特登走去買左個芝級Pizza寶盒，試下。

收到個陣，只係略暖，唔知係未放左好耐。

食個陣，我覺得個皮好硬，不過塊脆雞扒都幾大塊，
但係無乜味，又唔辣。
食到中間先有Pizza既饀料：青瓜、粟米、茄汁等，
但係仍然無芝士味。
到最後個層先有啲芝士滲出黎，但味唔濃。
幾岩我小食芝士既人。

同埋熱食好似好味啵。

整體黎講，無咩特別，好似食饀餅咁，不過都可以試下，
只係唔好對個芝級Pizza寶盒期望太高，
因為芝士份量真係幾少下，稱唔上係「芝級」。

都有一段時間無黎呢間KFC食過啦，見返學之前有時間。就黎呢間食個午餐。估唔到既係有學生餐之餘，仲只要出示學生証
就可以食架啦。我當然唔會放過呢個機會啦。個餐有家鄉雞皇飯、兩件雞同個萄撻。

家鄉雞皇飯整體上，個料都幾多。有雞同好多雜菜，同埋食呢個飯要多汁。唔係食到最後會無哂汁，無野送飯食
啦。而個飯都幾淋既，都算幾好食。
香辣脆雞唔知係唔係食過芝脆雞既炸雞之後，覺得呢炸雞無咁好食。好彩既係，香辣脆雞都仲好香辣既，
都算皮脆肉嫩。始終係個學生餐，無乜特別野可以要求。
萄撻呢個都算係佢既主打，我覺得蛋味都幾夠，而且唔鞋口，無可能唔好食既。

呢個餐都算抵食，二十幾蚊一個餐又有野飲，都算唔錯啦。

chocolate muffin

outer layer is cripsy, and i can eat some choco cubes , not too sweet as a whole, and the muffin is rich in choco taste! waiter give me and it's very hot~

potato biscuit
not oily and the outer layer is cripsy too, freshly baked~

hot coffee
too much milk cover the real coffee taste, and the size is very small, not enough to drink

cashier dun have smile, may b too early in the morning? and not enough staff inside the restaurant so that ppl need to queue

如果要唸一樣野係我細個最鍾意食嘅話,
咁一定非K.F.C.莫屬!!

媽咪係一個唔食豬,牛,羊肉...只食雞同魚嘅人,
而且總愛吃香口野.......
所以細個嘅時候,一家人去K.F.C.,曾經係令我快樂無比嘅事~

前幾日收到街上派嘅K.F.C.優惠卷,
晚飯時間...唔想去得遠...又唔知食咩好....
一於去食下"香口野"啦......
反正怕肥但饞嘴嘅我好耐都無食過喇...吊頸都要抖下氣....

自己要左$18 五星巴辣雞腿包 + 汽水 ,
打令要左一人尊享套餐: $30 蜜蜜燒雞翼(2件) + 辣汁磨菇飯 + 汽水
+ 送 瑪嘉烈葡撻,巴辣雞粒

本來,只鍾意吃雞胸嘅我,真係好想食返細個一直食開嘅原味炸雞(正胸),但奈何,K.F.C.已經有一段時間都無晒雞胸供應 所以今次我亦同上幾次一樣,一黎到,唔係先唸食D咩..而係第一件事走埋櫃台問:"唔該,想請問今日有無雞胸丫?".........每一次,無嘅話,我都一定離開...但離開之後,又要辛苦另一半陪伴慣常三心兩意嘅我辛辛苦苦地再選址醫肚!!

所以今次,為著想做返一次乖巧女朋友,唯有退而求其次.....

5星巴辣雞腿包,對於我黎講,就係夾住炸雞,但好濃烈嘅一個包...炸雞本身已經好濃味,沙津醬又多左D...加上中間夾住嘅菜唔新鮮,好"林",...因此咬落,只能食到炸雞同沙津醬......如果菜同蕃茄,可以好似coupon張相咁爽脆同新鮮,相信此包一定會清新得多!!

食左打令一隻雞中翼....好味~好有bbq嘅感覺,但無左"o濃"味 ~ 好!!

巴辣雞粒係我自己一個人食晒ga.......因為好味~

瑪嘉烈葡撻同樣係我嘅至愛,所以都係獨食...人生第一次食葡撻就o係K.F.C.,當時細個,感覺個名好奇怪,記得心裡大概係唸,"明明係K.F.C.,何解會同醫院一齊合作做蛋撻......?醫院點解要咁樣做.....?同病人有關....?"
當然,若然今日有人問起我何解叫"瑪嘉烈"......我都依然係唔知ga...haha~

見到依家仲推出左"黑糖麻糬葡撻"...但唔知點解,興趣不大....可能原汁原味嘅K.F.C.葡撻已經由我細細個嘅時候根深柢固咁留低左o係我心入面....

當然,仲有好多,比如: 好重發粉味嘅牛油鬆餅,焦糖吉士布甸,朱古力慕絲布甸....
呢D統統都無再推出,只可以真正留低心中.....偶爾唸起,亦只可以係懷念而已....

埋單:$ 48 / 2人

<是次格言>

只能夠留在心中,或許經已係最幸福的事~

因為,這些回憶,再沒有讓你觸碰的機會,
那就至少可以肯定,再沒有退步嘅空間~讓它保持當時完美吧!