味王車仔麵 (Closed)

轉左手之後越來越差，服務都差無幾，但食物數就非常失望。人地諗住快快食個 15 分鐘 lunch，點知廿分鐘碗麵仲未到囉！又漏雞髀，我已經專登圈到勁大勁深色架啦！係咪想留比自己食唔賣啫？經常都唔比雞髀我食囉！今日個冷氣熱到無開一樣，食完個熱騰騰麻辣湯狂飈汗，滿面汗珠，侍應姐姐見到我濕晒話請我飲杯冰水，體貼，讚！滷水雞髀，一睇隻髀既賣相已知道過期滷髀啦，乾硬鞋三合一。雞髀越來越難食，乾硬鞋不特止，仲要勁咸 ﹗唔想浪費，唯有格硬食晒去。雞髀用微波爐叮到乾硬無肉汁，我覺得食緊 7-11 微波雞髀一樣，無左以前既滷水豉油清香味道。炸雞髀，一食便知係炸滷水雞髀黎囉，掩飾不到，味道還可以，仲有好香滷水豉油味，不過肉質比滷水雞髀更乾更硬，少一點牙力都唔掂，外皮不香不脆，似燒雞皮。煎釀三寶，魚肉勁水，腍劈劈，而且醉得勁少，只有一篤仔。尖椒甜中帶微辣，紅腸穩陣香口不過咸，茄子肉軟棉但皮厚，整體麻麻地，唔難食。烚菜芯，雖然我鍾意食腍，但依家腍到差不多溶，菜甜味已完全流失，如果不配上蠔油就只有雞湯味，不太好。辣魚蛋，我要辣魚蛋，但大陸阿姐您唔係走去淋辣椒油係面就當係麻？我意思係咖哩魚蛋呀，真係激到跳起 ﹗係咪

唔係講笑，味王既車仔麵及小食都真係幾好味，有質數，唔怪得越來越多食客幫襯，還是睇到我寫既食評呢？哈哈。上次阿姐唔比滷水雞髀我食，一直深深不憤！去完銀行順路經過，我點都要食到您！滷水雞髀明明 order 紙寫住 $10 蚊架麻，我見到都覺平到離譜啦！大陸阿姐指住幅牆話加左價 $15 蚊介唔介意？當然無所謂。滷水雞髀，又真係幾好味。微波爐叮到熱辣辣出晒煙送到，切開時白煙隨即緩緩飄起，香味兜臉衝過來 ﹗雞皮滑而黏，雞肉結實全熟，略有肉汁，散發著滷水清甜味，不咸不濁。先用刀叉慢慢品嚐，最後連骨頭都損得乾乾淨淨，滿意。內外都熱辣辣，雖然係微波爐翻熱，不過夠嫩滑 juicy 滷水清香甜美，不嗆不咸，估您唔到 good 喎！味道同巷仔潮食有得揮，但係味王雞髀 size 就細隻好多，平幾蚊又熱辣辣，而巷仔夠大隻，貴幾蚊，只係用滷水拖拖就上枱，外熱內冷。煎釀三寶，用炸爐翻熱，除釀豆腐唔夠熱外，茄子同紅腸都熱到出煙又香口，無幫我落辣椒醬既？算數，費事浪費時間，照食。茄子打直釀大大條，懶到您呢！唔切片釀，魚肉用少好多，茄子炸到勁腍勁棉，但無咩味道。魚肉炸到金黃微燶，加上甜豉油，好滿意。釀紅腸、豆腐同樣香口非

去完銀行無咩時間剩，路過有間新車仔麵又見有位，一試無妨啦。Lunch 時間都無咩食客，環境寧靜舒服，內籠都幾窄，枱細櫈細，大家都坐得好親密，哈哈。發現全部都係發泡膠碗噃，器皿都會影響味道架，筷子匙羹就正常既。配料大路無咩特別，車仔麵做埋重慶酸辣粉喎，下次可以試試，依度夠近。雞髀 $10 蚊？係真唔係呀？梗係要試啦。大陸阿姐梗係知我減緊肥真心為我著想，我要滷水雞髀唔比我、我要幼麵加河粉又淨係比河粉我！算數，趕時間食完閃。牛筋腩雞中翼豬紅河粉大辣，又唔早講車仔麵最少三樣餸喎，最尾加多樣牛筋腩，出奇地好味道噃！軟棉入味又無渣，食得過。雞中翼係顏色唔夠囉，滷水香甜，肉滑飽滿。湯底味道純樸得黎幾好味，大辣唔係太激。河粉好多好大碗抵食，夠結實滑溜，連辣湯連河粉連豬紅一齊掃入口，好味！好爽啊！一碗睇落平平無奇，好靜態既車仔麵，估唔到會寧我非常滿意，會再黎幫襯。