金羅道韓國餐廳 (Closed)

午餐在觀塘實在有太多好選擇了，但聽說最近開了一家新的韓式餐廳，也就特意來試一試了。午餐的餐牌，很多韓國著名的食物都有，大多都是100元以下的。我就選了一個午市限定的泡菜3層肉。第一眼看到就只是覺得十分的紅。入口當然地是十分的辣。就算我平常也是食辣的也覺得有點點的辣了。幸好豬腩肉真的是分成了3層，肥肉夾瘦肉，軟淋爽口。但整碟餸卻是過辣，吃不到其他的味道了。牛肉湯不夠熱，但勝在可以入口，立刻解辣亦得，得左。

觀塘雖然多工廠大廈，但亦都係美食聚集之地。行完幾個outlets，咁啱有間韓國餐廳，好耐冇食韓國菜，一如入去坐下。紅色門面很醒目，有埋午市套餐板比人好印象。餐牌上好多嘢揀，有石頭飯、冷面、鐵板燒，想食咩都得。見到有人參雞湯，百零蚊價錢咁吸引，即刻落左單。雞湯令我地好驚喜！有韓國feel的錫鍋，盛著一整隻雞，賣相加分！筆開個雞，原來個肚入面咁多料 - 紅棗、栗子、薏米、白果，蒜頭，啲湯就好濃稠，唔係果啲淡到好似清水咁。雞肉好林好鮮香，成隻雞食落超有滿足感。栗子的微甜配搭紅棗的香甜，再加埋薏米的清香，每一啖都係享受。啲栗子好似筆唔完咁，飲雞湯食養生湯料，飲好多碗都唔夠燒牛肋骨套餐，有湯有飯有小菜，仲有兩舊壽司，好豐富。牛肉燒到啱啱好，一咬就爛，又唔會好多血絲，鹹中帶甜，小菜開胃，牛肉湯可口，米飯又香又糯👍如果你咁啱行到觀塘，呢間餐廳值得你入來坐下

前排去觀塘工業區睇鞋，發現了一間幾隱閉的韓國餐廳餐牌上有不同食物給大家選擇開餐前會四種前菜享用，味道不錯。原隻豬手配生菜包豬手整隻非常嫰滑，份量充足，醃出來的味道甚濃個人喜歡用生菜包起來吃，令豬手吃起來完全不油膩。燒牛肋骨跟著鐵板一起上，把牛肉的味道完全帶出來，每一件都燒得不會過熟，牛味濃郁，加多一碗白飯就VERY GOOD

這天下午去完CAFE晚上就過來這裡逛完開倉店順路食晚餐這店非常不顯眼，位於駱駝漆大廈的盡頭餐牌近期很熱門芝士鐵板燒都有前菜有芽菜，泡菜，菠菜、薯仔絲味道不錯，很開胃燒牛肋骨用鐵板上，份量不算多牛肋骨非常鬆化入味油脂也香口不膩原隻豬手配生菜包份量十足豬手無論是皮或肉，已醃得很入味肉也算嫩滑，吃起來完全不膩口不錯！

呢日友人約小妹去觀塘買嘢 順便食lunch 佢search完OpenRice就咁畀咗餐廳資料嚟 作為香港人 來到九龍難免迷失.... 兜咗10分鐘先搵到大門口 原來入咗工業大廈的大閘 行到盡頭就到！格局似工廠飯堂 但水準絕對唔差！一坐低 店員即刻奉上茶水 喺炎熱嘅天氣有清涼但未至於冰凍嘅水飲 真係舒服～～飲落甜甜地 但又唔似砂糖 原來係蘆薈水 仲可以無限添飲！先來一客蕎麥麵拼盤（其實都唔算「拼盤」 係一個lunch set）連例湯和開胃的泡菜湯裡面有菜有肉 但湯面居然無咩有浮起 好清澈 仲好重牛肉味 飲一啖 就好似放塊黑椒牛扒入口咁蕎麥麵唔係日式嗰種啡紅色嘅 而係透明嘅 有點似薯粉 而且特別有彈性... 味道係泡菜嗰種酸辣 怕辣的朋友可叫小辣另外叫一鍋人蔘雞湯 兩個人share 有原隻雞喺鍋入面（而家好多都只係得幾塊雞肉 唔正宗） 雞身塞滿佐料 有紅棗、白果、薏米等等 仲見到成條人蔘... 雞味很濃 一定煲咗好耐... 湯裡的人蔘味較淡 反而雞肉好重人蔘味 不過算係好好了！

中午時分來到觀塘區工廈附近，到處都是飲飲食食的二拉架，看到有間不顯眼的韓國菜，價錢頗是抵食，一個人就去試試。燒雞肉飯 $68。午餐包括前菜和飲品。前菜兩小碟，芽菜冰凍香甜，泡菜微辣香口，算是普通貨色。燒雞肉用鐵板上枱，咋咋聲頗是滋味。雞肉嫩滑沒有雪藏味，小辣的雞肉味道香口過癮，雞肉份量頗多，入口滑溜軟腍，燒得香口。白飯軟熟，熱飯算是不錯。⋯環境不太美觀，家庭式經營的感覺，食物水準一般。

一個人放工，來到觀塘區工廈附近，二拉架介紹一間韓國菜，新開業今晚一於試試。辛辣麵炒年糕。韓國公仔麵，加上大量辣醬，對於不太愛辣的我覺得味道非常辣，年糕過硬不夠軟腍，蔬菜吸盡辣醬味道，每一口都辛辣過癮。喜歡吃辣的朋友應該非常喜歡。拉麵軟腍掛汁力高，味道調味算是不錯，普通的家常韓菜。

星期日晚上，一家大細又去了觀塘駱駝漆，隨機地找家餐廳。結果，見到路口好像很吸引的介紹牌，選了家韓式餐廳：金羅道。難得星期日晚，只得4-5枱客，所以不用等位。看了餐牌，沒看到甚麼特別推介，於是選了：1. 牛肉石頭鍋飯($68)：普遍水準，牛肉偏少2. 燒牛柳肉飯($78)：不錯！牛肉夠多，質素亦高！3. 紫菜包壽司飯($55)：極普通4. 柚子茶(附送)：唔睇餐牌真係唔知原來係柚子茶，只覺得係有甜味的水埋單計，$211！還送了我$30現金劵下次光顧！

觀塘已經成為不少食肆嘅落腳地，大大小小餐廳進駐，上星期經過駱駝漆大厦，發現連韓國餐廳都有，呢間就叫“金羅道”，我同D friend就最崇韓，特別係韓式人參雞湯，燒牛肋骨同石頭鍋飯，聽見已經流晒口水，所以就馬上入去一試。餐廳佈置地道，有韓式嘅復古味道，但又播上Kpop，可謂宜古宜今。睇完Menu後，我地點左個:韓式人參雞湯…………參味好濃郁，雞肉好鮮甜，最緊要係完全唔油腻，幾有水準，啖湯相當清甜回甘燒牛肋骨………………非常軟稔，燒到七成熟剛好，牛味相當濃郁，配以特製醬汁，再配以蒜頭、生菜，口感爽脆嫩滑甜米漿…………呢度的飲品好抵飲，韓國梨汁、甜米漿等都係十蚊就有交易，餐廳奉送的自家製棗茶更是清潤可口石頭鍋飯…………自製醬汁好味，廚師有水準，食得出係用心之作！無稔過係觀塘都可以食到咁地道嘅韓菜，而且價錢相宜，下次會再黎幫襯。

第一次同個女出街，同公公婆婆一齊去韓燒！地方幾大，觀塘方便又就腳，於是揀呢間試下！先試醬油蟹，生食的，非常滋味，本來以為係辣的，但原來唔係，蟹好有鮮味，蟹膏多，非常飽滿！雖然小弟覺得食蟹比較麻煩，但打開蟹蓋見到咁多蟹膏，蟹肉又鮮甜又好味，麻煩啲都抵！燒肉方面，首先叫左牛肋骨同黑毛豬扒，Service又幾好，Waiter幫我地剪埋！牛肋骨有雪花肥牛feel，紋理好明顯，只有一條骨，好好肉地。黑毛豬扒雷聲大，雨點小，我覺得同普通豬扒分別不大，但肉質唔un，Waiter有建議我地燒既時間，唔可以燒太耐，同埋要放係爐既外圍燒，如果中心燒會太大火，好易燶！韓式炒粉絲咸咸地，好好味，炒得好夠鑊氣。炒年糕夠煙un，個汁唔太辣。海鮮盤我覺得唔抵食，得咁多但成$188，青口比較un，痴牙的。蝦肉有啲霉，唔新鮮，下次唔好Order了。

“太陽”熱潮横掃香港，韓風繼續成為香港主流。韓食當然唔少得，所以上個星期就去到觀塘駱駝漆大厦嘅“金羅道”，品嚐一下正宗地道嘅韓菜。餐廳裝飾平實，實木傢具，予人一種舒服，有如家的感覺。睇過餐牌，我地點左個人參雞湯。參味好重，湯底夠濃，不油不膩，有水準。之後我地再叫左碟燒牛肋骨，非常軟腍，一D都唔韌，且牛肉味好濃，幾好食。另外仲有韓式部隊鍋，配料多樣化，有腸，午餐肉，即食麵，青口，鱿魚等，味道配合得幾好，食完後確實非常滿足。“金羅道”無論係食物質量，價錢都非常有水準及大眾化，所以值得推介俾各位

越來越多優質食肆進駐觀塘，當中包括有中菜，西菜等，而上星期我就同左幾個好友去到開源道嘅“金羅道”，店面不大，但陳設簡潔舒適，再加上播放K-Pop MV,頓時韓風味濃。經店員介紹，我地點左幾款必食韓菜！前菜，款式唔多，但好食，特別係蜜糖薯仔，好好食，我地都添左幾次😊第一道係人參雞湯，人參味幾濃，雞肉仲好鲜味軟腍，唔會韌，而雞湯滲有人参味，非常清甜且唔會太油，確實有水準。第二道係韓式部隊鍋，鍋料有蝦，魷魚，豬肉，腸仔，豆腐，午餐肉，韓式年糕，多種蔬菜及即食麵等，每一款都放得層次分明，款式多樣而且份量好足。一滾返我地就開始食，蝦鮮甜魷魚唔韌，韓國午餐肉比較淡口，即食麵、金菇索左D湯就最好食。最難得湯面唔會一層油，味道又唔會太辣，非常適合香港人口味。第三道係燒牛肋骨，牛味濃郁，非常軟腍，好多肉汁，非常Juicy第四道係阿之媽炸雞，表面炸漿薄，碟上乾爽不見油，醮上秘製醬汁非常好食，雞肉仲保留嫩滑多汁，食到停唔到口👍餐廳雖然位於工業區，但食材質量，味道，服務都不下於市區嘅大型韓式餐廳，有咁好質素，且價錢大眾化，值得大家一試

今日約左個朋友食晚飯，我就帶佢去公司附近間韓國餐廳“金羅道”！呢間餐廳是我同成班同事最愛的飯堂，雖然偏僻左D，勝在食物質素有水準，而且間餐廳標榜唔用味精調味，感覺比較健康！ 坐底後店員奉上棗茶及三款前菜，芽菜、泡菜、甜薯仔，每款皆好味。有美容養顏功效的自家制棗茶，少少甜，味道可口，而且無限添飲😄！燒牛肋骨， 一上枱香氣撲鼻，燒完切定一件件的牛肉，醮上秘製醬汁，放生菜裡，再加蒜片、尖椒包住食，生菜爽脆牛肉香甜，滋味無窮😉！部隊鍋，(落單時向店員說明要最小辣)， 好足料 ，有蝦、青口、八爪鱼仔，韓國午餐肉、年糕等！其他餐廳的部隊鍋好少有海鮮。擺設精緻，食落微辣，湯底好正👍 韓國 原裝直送醬油蟹經秘製醬汁生醃的醬油蟹，蟹肉鮮味黏糯，蟹蓋好多膏，但就咁食味道有些少鹹，配上白飯紫菜撈埋一齊食就更好味，因為白飯可以襯托出蟹膏的鮮香，令人回味無窮，唔錯😀每次黎食，無論食物喺質素或味道上皆有保證，服務方面也周到，金羅道不愧為我地班同事最愛的食堂！

我對食都好有要求，我去得幫襯嘅質素絕對有番咁上下！今次就黎到觀塘工業區嘅隱世餐廳，“金羅道韓國餐廳”，雖然間餐廳裝修平實，木枱木櫈，但D食物就好有水準炆牛肋骨，牛味重，炆得好腍好入味，再配埋湯，飯同兩款前菜，正😊 人參雞湯，味道比較清淡，噢，原來冇加味精，保持原汁原味，讚👍 海鮮純豆腐湯，鮮味濃郁，內配多款海鲜，如蜆，蝦等，非常鮮甜，適合鍾意食海鮮嘅朋友。總括而言，餐廳標榜無味精而代用水果調味，非常配合現代香港人追求健康飲食嘅概念，值得鼓勵😊

今日做野晏左小小放lunch，攰攰地無咩胃口， 同朋友就食韓國野， 開開胃。先叫左泡菜豆腐湯開胃泡菜湯酸酸辣辣， 清爽既質地，唔會傑tat tat.,加埋豆腐，豆腐又好滑， 一舊舊，唔會碎，清新又開胃。之後食炸雞開頭以為擺左好耐但食落都脆既， 肉都彈彈地牙， 有肉汁味，唔會乾身。呢間店Okok, 可以再黎多次。