村爺爺車仔麵 (Moved) New Location

今日星期日八點幾同老公去油麻地諗住去村爺爺泡飯，不過好多人等位，見到隔離村爺爺車仔麵唔使等位,就入去試下,我叫咗三個餸（雞翼,牛腩,韮菜)同油麵（龍蝦湯底）,雞翼比一隻鹵水,一隻炸嘅比我,牛腩得3粒仲係細細粒,韮菜就得5,6條,味道超難食,我老公叫咗三個餸（牛根,貢丸,豬皮）同河粉（龍蝦湯底）,老公話個龍蝦湯底超級腥,啲豬皮唔知點解會酸嘅,啲河粉好似餿水咁樣,勁垃圾囉,以後都唔會嚟幫襯.....

難得收早，同朋友出去搵好野食，食到唔知有咩好食嘅我，就叫朋友拍板，帶我去食龍蝦湯麵🍜🍜四餸龍蝦湯車仔麵 ($62)龍蝦湯出色！出色！出色！估唔到車仔麵加入龍蝦湯，係可以咁fusion😋佢地嘅龍蝦湯唔係平時飲開嘅咁濃稠，不過都有好重嘅龍蝦味，食麵嘅時候配埋湯，令車仔麵都升左grade！沙爹汁又係正嘅，有以前車仔檔嘅濃度，水魷爽滑，魚蛋入味，整體係正嘅！價錢對比一般車仔麵會貴少少，不過味道好食好多wor~

村爺爺車仔麵分店，雖然鋪面不算大，但亦做足防疫措施，替客人量體溫亦有把餐桌分隔好。讓食客食得安心。主推車仔麵餸：牛毛肚、豬腸、魚片頭另有罕見的瀨粉配搭，推介麵餸分開上碟也令湯頭不會有油膩感，品嚐到豬骨湯的香味

今日同180先生經過呢間村爺爺車仔麵, 見到"龍蝦湯底的車仔麵, 就拉左180 先生去食下先門外貼滿大餐牌，可單點同叫套餐。都有好多配料選擇，主要以價錢$7-10區分.先在店外下單結帳，然後到店內入坐.但餐廳內的位比較少.麵同餸菜分開碟上，唔會浸到餸淋晒,我叫左豬皮,豬紅,魷魚,豬大腸+龍蝦湯底. 湯底普通,豬皮,豬紅 夠入味. 

開頭見到勁多報導見到老闆都係比較青年，一心諗住，會唔會未到略欠一啲呢😆😆後來一試之下，發現果然唔錯，豬皮豬紅魚蛋蘿蔔，呢四樣嘢，都非常之夠味，蘿蔔好甜，湯底亦都唔錯，同埋佢有個特色就係啲餸菜係另上，感覺幾好！其實我都係盲舂舂入去，經過油麻地，唔知食乜，見到咁多人排隊，所以就試吓囉，正確來講， 100分滿分，我會比85分，因為鋪頭太逼夾啦，所以扣左15分

旺角食車仔麵除咗好食仲要環境清潔 呢間店來清潔乾淨不過今次我就買咗外賣我就叫蘿蔔+蠔油冬菇+豬大腸你覺得冬菇好抵食真係有味 雖然冬菇厚身但係煮得夠淋 唔會太硬煮得好入味蘿蔔係甜蘿蔔又有汁 淋身豬大腸就洗得好乾淨 入口爽身3個餸都十分推薦外賣雖然有啲唔環保但店鋪有考慮到將麵同埋湯分開擺不過佢用咗咁多外賣盒下次都係堂食好了額外再買咗韭菜豬紅豬紅好滑身 又夠挺身 入口口感幾好不過油多咗少少 韭菜變得有啲油同唔爽都是值得一試

具創意的港式車仔麵店，門外貼滿大大塊餐牌，可單點，亦可叫套餐。共有四十多款配料，主要以價錢區分，$7-8的是常見的配料，$9-10是較為特別的，粉紅色則是村爺爺推介之選，粉麵種類也十分多樣，有伊麵、油麵、河粉、米粉、銀針粉、烏冬等十多款！ 先在店外下單結帳，然後到店內入坐。魚片頭、薑汁蘿蔔、午餐肉配豬骨湯底烏冬，店內訪問介紹豬骨湯底是用豬骨和秘方熬製22小時，不加味精；薑汁蘿蔔是比較少見的，薑汁味濃郁。價錢整體比一般車仔麵為貴，同區不遠處另有分店村爺爺龍蝦湯泡飯燉湯專家。

今日係人都油麻地食晚飯就上openrice睇下有邊啲係比較多好評嘅餐廳， 見到呢間評價幾好於是就入去試下啦，一入門口都覺得奇怪星，期日嘅八點零鐘都只係得兩個人喺入面， 但係呢度附近都冇其他餐廳要事都係入嚟試下啦。我就叫咗三送豬骨湯底朋友就叫咗四送龍蝦湯底。 送嘅份量十分之少亦都唔好食， 佢嘅通菜老到生根， 魚皮餃亦都有怪味， 兩個湯底都飲得出有明顯嘅味精。 龍蝦湯亦都好貴係畀豬骨湯貴咗20蚊，但係完全唔值。總之如果各位有幸見到呢個post係千祈唔好食呀。

前排食過呢間分享下少少感想:1,首先想講落單程序好奇怪，通常車仔麵都係用紙筆圈自己想要既麵同餸，但呢度係入坐前要喺舖外面直接叫，但有啲好普通既餸要留意係要另外加錢（e.g: 魚皮餃 ）同埋係四餸一麵先有飲品送，個牌唔夠清晰以為三餸一麵都有野飲2,食物質素方面，主打既龍蝦湯底比較失望，味道似湯粉溝出黎，冇乜鮮味，同平時西餐廳既龍蝦湯完全唔同風格，同埋因為龍蝦湯比豬骨湯貴，期望越大，失望越大3,服務方面，本身就預左唔會太好架喇，因為餐牌指示唔太清楚，所以比較多問題，例如問阿姐邊啲餸要額外加錢，就被唔耐煩既態度回應：「紫色碗啊」，然後其實一時三刻我根本分唔到紫色碗入面係咩餸，希望真心可以改善下呢種落單方式，起碼知道叫完碗麵自己要比幾錢。

通常叫車仔面只會叫一些普通的小菜例如，魚蛋蘿白豬紅，但依度就有得叫意龍蝦，價錢只係五十幾蚊一半龍蝦放上車仔麵度而且自己可以再叫其他送而且湯底龍蝦味濃完全岩曬龍蝦迷

睇完戲就夜晚9 點零鐘好肚餓， 行行下見到呢間村爺爺車仔麵仲未收檔， 所以同友人入去醫醫肚🤤係門口落order,款式算多， 最特別係有龍蝦湯底， 所以試左佢， 另外點左粗麵，牛柏葉， 腸仔， 豆卜 , 首先重點緊係試過湯底先， 未飲一聞就好重龍蝦味， 再飲埋個湯， 勁濃既濃蝦味， 可惜咸左d, 未試過既可以試下！另外配菜所係普通冇乜特別， 佢係會用多個碟裝住配菜， 第一次見😲環境黎講就一般， 細細地， 坐再十零個人，牆壁上仲有一d 明星幫襯既相， 想賣下名氣吧🤣

一個人上完瑜珈堂，想在附近填飽個肚，見到呢間村爺爺車仔麵，印象中有d名氣，而且之前試過龍蝦湯泡飯果間，咁岩黎到附近就試一試～首先要在店外點單，先再入座。$32有3餸1麵，但有d餸要+$3，我叫左油麵，餸就有魚腐、魚皮餃(+$3)、蘿蔔。餐廳內的位比較少，我兩點幾食就唔算多人，但食飯時間多人時應該會有少少迫，牆上有好多明星合照同報導，但食完就覺得呢間唔ok呀...一黎到麵同餸菜分開碟上，唔會浸到餸淋晒,但個油麵成陣鹼水味，十分差....豬骨湯底偏淡，魚腐普通，餸方面好一般...衛生情況算差，食緊嘅時候有蒼蠅飛黎飛去，最後食完之後好口渴，似乎落左好多味精！講真，一般車仔麵都係咁樣價錢...大把好食／抵食過佢！真係唔合格呀，唔會再幫襯！！

叫左牛肋肉韭菜龍蝦湯伊麵...牛肋肉要加3蚊..雖然伊麵量好多食吾哂...但就煮到好淋...間野主打龍蝦湯底...但個龍蝦湯底都係淡既...性價比低..好彩啲餸都叫正常貨色..

今晚又要一人晚餐，難得經過村爺爺車仔麵，就二話不說今晚決定食車仔麵，每次也必點龍蝦湯配米粉，今晚有點肚餓，所以貪心點了四個餸，咖喱魚蛋，冬菇， 牛肚和蘿蔔，可以叫沙嗲汁另外上，最愛用來點蘿蔔，贈送一盒紙盒烏龍茶，$60有找的一餐，抵食又滿足

為你著想希望你食之前睇到依篇食評村爺爺最出名一定係隔離啲花膠同龍蝦，但其實佢既車仔麵就係轉角唔使等，都正架你黎食野一定最多聽到一句說話「出面叫左先！」，因為個個都會好自然咁行入去坐低而佢係係出面叫完餸再入去坐，上麵後收錢慢慢食咁既裝修正常但位比較少，坐都會有少少迫，係速食既選擇，牆上有好多好多明星合照、訪問呀咁，亦可以參考下叫咩食好餐牌好多餸同麵低既選擇，貴平都有，粗身既字就係推介，都算均真同唔錯先係招牌龍蝦湯，叫左三餸，價錢真係算唔錯啦龍蝦湯入口好甜，鮮味濃，肯定無味精配伊麵一流，佢既伊麵都係推介，彈牙口感正餸分開裝非常好，唔會俾腩汁同其他餸味影響龍蝦湯既享受試下個頂級蠔油冬菇，超腍，好多汁，好入味果然頂級，口感同一般車仔麵好唔同腩汁豬皮，好腍超級入味，直情好似棉花吸左腩汁咁墨魚手指都好味但相對無咁驚喜，正常加少少gimmick既炸墨魚條，餸既份量都算多，成碗野挾埋晒係超班另一碗就試佢既豬骨湯，配拉麵，四餸都唔使四十蚊，去邊度搵一啖湯入口，咩料，完全無味好似食粥水，撈匀下原來精華係底，不過都係偏淡既湯，淨飲既都還好，夾麵實在無咩味拉麵係中式個隻，無味而幾粉下，一啲都唔好味，我將佢放左