煮場中日放題料理 (Closed)

走入工廠區食放題，一入去唔同世界裝修不錯，一向三文魚麻麻的我，比較特別著重熟食，先黎一個 一口牛，牛肉彈牙有肉汁，蒜香十足，螺肉有驚喜，以為通常最馬虎，竟然好好食追加再追加，炸物新鮮炸起脆口大部份餡料已經入味唔洗加汁，燒物菠蘿多汁唔乾身，羊架軟綿綿唔蘇，食落多汁。壽司方面，飯質偏軟，但唔黐口，用料新鮮，仲有雪糕任食，價錢吸引抵食。

壽司款色好多，海膽手卷 - 飯小小，海膽就有幾片，好回本！唔同既灸燒壽司，味道都唔錯，同d醬汁好夾！羊架口感有腍又軟，仲要唔蘇得黎有羊味，食多幾件先夠呀！少有既台灣一口腸，當然要食下啦！燒波蘿勁香勁甜，食完喉嚨都冇痕！一定要講唔覺眼既麻吉燒，入面有年糕煙煙Unun，外面魚旦又好彈牙！仲有越南庶蝦，好彈牙，好甜！

尋晚放左工 即興係觀塘搵間日式放題食年幾前食過煮場 就去試下1830 去食 Walkin 唔駛等位一開始就叫左刺身黎食 都算新鮮d 壽司都唔錯跟住叫料理 蒜香牛肉粒 炒雜菇 炒魷魚鬍 等等野食好快到 但碟碟都有勁多椰菜墊底成碟魷魚鬍大半碟都係菜黎個陣我仲以為係炒雜菜羊鞍切得太厚 燒得唔香其實份量少d 放少d 菜 浪費會少d之後叫既天婦羅都尚算炸得唔錯 炸粉唔算太厚整體而言 天婦羅 燒物尚算 ok

Family day 食飯就最頭痛因為要就哂所有人既喜好今次舅父就介紹左依間放題火灸壽司 整體都唔錯鰻魚壽司都唔錯，味道夠濃。最右既係辣味三文魚手卷食到底部冇辣味做反襯不錯串燒系列整體幾好食有常見既雞腎同雞軟骨等等但台灣腸同燒腩仔真係好特別台灣腸皮好脆出面有少少蜜糖好有燒野食feel燒腩仔係十級邪惡但好好食因為真係超肥美！一咬落去就feel 到燒腩仔肥肥軟軟既口感，加上醬汁既配合真係好正玉子燒係超巨型暖暖地上臺味道不錯，有蛋香，口感軟軟的，易入口餃子雞翼好好食外層烤得香脆，入面就有滿滿既餡料！第一次食好surprise 七味魷魚 雖然菜比魷魚多，不是魷魚一d都唔遜色魷魚好香辣而且口感QQ好易一條接一條咁食哂鐘意食辣既人應該會岩食！飛天通菜本身對通菜冇咩期待但佢又炒得幾好食通菜唔老，仲好嫩滑，而且香辣味十足，好似食緊泰菜咁！右邊既芝士三文魚壽司好正入面仲有蘆筍同蛋，增加左壽司既口感樽仔奶茶好好飲！勁香滑而且有茶香好想帶支走

可能人流問題，都幾多人去食，對於觀塘算係咁！唉！不過真的好難食，我信朋友水準先相信佢可能佢無出去旺角或者其他地方食過放題魚生不太新鮮！羊架冇羊味，似牛味多D下次都係去返大瀛喜

今晚去左煮場食放題。已經好耐冇食放題，好期待煮場既放題究竟係點既呢。好彩黎得早，唔洗排隊，坐低即刻叫左碗刺身黎食。刺身都幾厚切wor。三文魚味道好甜。鐘意食佢個鮑片，好甜呀。螺肉都好彈牙。同埋發現好少放題係呢個價錢但係可以任食吞拿魚刺身，所以食左好多吞拿魚，好開心。之後叫左個羊架試下。羊架比我預期中仲大。但個羊架有d肥，如果冇咁多脂肪會好d。每次食放題都食刺身同炸物。今日想試下其他野，叫左個鰻魚汁海鮮炒飯。哇，好大碗呀，仲要係石頭鍋飯，可以見到炒飯既飯係珍珠米，珍珠米既飯焦特別好味，好脆同埋有d黏性，好鐘意呢種質感。之後再叫個魚翅羹，細細碗，幾好味，仲有蟹柳係入邊，飲完成個人好暖。食完呢d，反而覺得放題除左食刺身炸物，其實仲有好多選擇可以揀，而且餐廳既熟食係真係多樣化。食日本野之餘可以食到好多其他唔同既熟食。餐廳熟食係比其他放題多選擇。今日食到好多唔同既野，好滿足既放題。下次再黎。

呢日同朋友黎食，地方比較寬敞，唔算擠迫，環境幾好。 當然馬上點野食， 款式都ok多，先點刺身類！食物好新鮮，特別係甜蝦！食物唔會漏單，又快！熟食方面推介下"黃金焗蠔" ,賣相吸引唔再講，食落去重芝士味，必食！飲品同其他放題差唔多，主要係樂天牌子，但黎呢到，一定要飲呢到既冰鎮奶茶，愛奶茶人士一定要飲，真係無得頂！ 整體有驚喜！

一般放題都會經常性出現上菜慢、漏單、同刺身俾唔足呢D問題。放題但求食得開心，有時食物俾唔夠，下一round就叫返double,餐廳又覺得你點得太多，扣返起少少，惡性循環就開始發生啦！食到好飽呀，因爲食到一肚氣今次呢間我係平日晚巿去，就冇以上問題！上菜速度可以話係極速！非常抵讚 放題應有既三文魚，吞拿魚，八爪魚，螺片，希靈魚，通通都好新鮮無雪味！ 刺身切得有一定厚度，食落口會好滿足！意外既係甜蝦係有頭原隻甜蝦，唔細條，味道鮮甜，亦爽口，唔會梅梅地咁，食得痛快！更意外既係有帶子！通常較貴價既放題先有帶子食，平價少少既最多都係得珍珠帶子，里度竟然咁落本！ 有大大隻帶子，雖然未到megasize,不過鮮甜味搭夠，值得叫！仲有不得不提海膽手卷，雖然唔好預海膽份量有好多，但味道好好，唔腥唔臭！(好多人都以為海膽係應該咁既味)淨係呢樣已經值回票價！焗蠔都係呢度放題既回本之選，焗到金黃既表面令人食指大動蠔味同芝士沙律醬好夾，蠔亦做到剛熟，唔會做到乾哂，忍唔住食左幾轉！呢度叫得中日放題除左日式食品，仲有中式小炒。食左豉椒炒蜆都幾惹味！ 平時兩個人去大排檔叫一碟已經半飽，依家少少地一人食d,少食多滋味！

來到觀塘這間環境闊敞的煮場，食了不少東西，以下是食過而覺得值得推薦的:第一款:不同款類刺身各樣刺身大大份，尤其是三大魚切得厚厚的，食上去足夠滿足感。甜蝦也是，足夠鮮味，甜甜的。第二款:燒鮮金菠蘿這個是我去食放題必食的，這間的燒菠蘿真的夠果香味，而且咬上去多汁，也不會染上其他燒物的味道，不錯!這間的食物可以外，價格也公道，可以一試。

呢日我地黎食$198時段，入座時已經坐滿9成，好旺場！好欣賞呢度既飲品竟然有冰鎮奶茶，簡直係放題中既驚喜！刺身既種類都幾多，每樣都好新鮮，必食既三文魚好肥美，帶子鮮甜，希靈魚籽脆卜卜，尤其鐘意爽口既馬刀貝，encore左幾次！刺身數量真係寫幾多俾幾多，唔會亂咁俾多或者俾少火炙芝士三文魚卷用火鎗燒過既三文魚入口即溶，加埋芝士係絕配黃金焗蠔既蠔唔算大隻，但沙律醬同芝士落得岩岩好，唔會蓋過蠔味，又食到濃香芝士味繼續係芝士因為我真係好鍾意食芝士…芝士年糕係每次放題必叫！芝士加上炸到香脆既年糕皮…真係好邪惡因為店內冷氣都幾大…坐到凍凍地叫左個蟹粥暖下身蟹粥真係有蟹係入面架，但略嫌薑味太重…蓋過了蟹味小食同燒物都不過不失~最後真係要讚下成餐飯完全冇漏單，食放題呢樣好重要！同埋雖然差不多滿座，但係上菜非常有效率！所以呢餐飯食得非常盡興！

小弟琴日去左同女朋友食放題 係觀塘地鐵站一出7-8分鐘就到左 夠哂就腳 啱哂我呢d死懶鬼 一入到去 個感覺同外面工廠大廈既感覺完全唔似 有種日本居酒屋既感覺 我地好早去到 所以人唔太多 一去到就有位 由於小弟就唔係好食魚生 得女朋友食 就只係叫左一小碟刺身俾女朋友食🙈 我就最鐘意食放題入面既熟食 當中最鐘意食係佢既餃子雞翼 甜甜地既醬汁 加埋雞翼包住餃子材料 有種好特別既感覺 玉子燒都幾有水準 不夠個醬汁咸左小小 豆腐夠滑 醬汁亦都毫不客氣咁淋上去 抵讚 最特別既就係個朱古力脆脆波 外脆內軟既質感好新鮮 仲要加埋流心朱古力 真係流哂口水 飲品選擇都好多 連冰鎮奶茶都有埋 美中不足既係 甜品選擇好少 得雪糕簡 最後一提 服務太態好好 唔該前唔該後 如果有埋甜品 真係完美

呢日放工同男朋友到觀塘，行行下發現呢間放題，外表唔太討好，但見平就姑且一試平日夜晚唔算多人，比起其他大型放題嘅優點係唔使等入去，walkin就有得食嘢食款式幾多，最令我驚喜嘅係刺身因為男朋友唔食生嘢嘅原故，我淨係叫咗自己份量，賣相亦不太討好但食落竟然樣樣都勁新鮮！三文魚超鬆化，甜蝦，帶子，象拔蚌好清新，鮮甜原來係禾稈蓋珍珠！其他食物嘅質素繼續唔錯，食到我地好開心呢個價錢呢個質素，絕對會再嚟

近年黎，放題越黎越受廣大食客的歡迎，特别係成班人，任點任食無疑係一種最好的選擇。前幾日約左班老友打波，跟著就黎到公司附近的～“煮场”中日料理開餐。我哋都好肚，所以急不及待地點左好多野食，刺身、壽司、揚物、燒物、煮物、鍋物等一應俱全！而師傅似乎都知我地肚餓咁，樣樣都俾到足，成晚都無漏單！我地點的首輪刺身拼盤好快送上黎，有甜蝦、北寄貝、三文魚、希靈魚、八爪魚、響螺片、吞拿魚等，我個人最愛係甜蝦，質軟味甜！刺身非常之新鮮，我地order左幾轉燒物從賣相睇落已經相當吸引，味道和口感也很不錯，最受歡迎的反而係菠蘿 我最鍾意佢嘅手作壽司，味道鲜美，口感柔軟而不鬆散。豉椒炒蜆，蜆肉柔軟可口，香味逼人，豉汁惹味。讓人驚喜的仲有冰鎮奶茶，非常香滑。餐廳環境都幾舒適，食物質素好，抵食！

最近終於忙完一輪工作，又有一段時間沒有與朋友碰面，咁啱朋友打黎，我自然二話不說就便答應了!朋友說想吃放題，但即興一般較出名的放題都難以有位，所以朋友便提議到他公司附近的“煮場”食中日放題料理。餐廳位於工廠區，觀塘站行過黎，路程不遠，都唔會太過難揾，入到餐廳，地方寛敞，食物種類不少！首先我地就點左好多刺身，有三文魚，顔色鮮艷有光澤，味道新鮮。 象拔蚌，非常新鮮，爽口彈牙。 冰鎮奶茶，好香滑，又唔會太甜 壽司亦有虎蝦壽司，蝦肉晶瑩通透，十分新鮮。 北寄貝壽司，亦都十分爽口，好有口感。 燒炸物亦都唔錯，有汁燒羊鞍，肉味不騷不膩 燒難軟骨串，非常香口，好有口感。 汁燒翠玉瓜，好爽甜，但都幾爽口。 惹味嘅炒蜆蒜香一口牛，汁好味，又唔會搶左牛肉的味道 餐廳整體相當有水準，食物種類亦多選擇，價錢亦大眾化，值得一試。

滿心歡喜諗住食下日本野..尼間野都五算多人食...所以去到即卡有位....去到一坐低...點完野食都幾快上菜...刺身望落個樣都ok...但五係特別新鮮。話說我從來都未打過食評..今次係第一次...！原因係...雖然兩百幾蚊放題都無預到佢食物質數會好好架啦，但係真係無諗到會差成咁！.翠玉瓜...無味...沙律...五凍既...軟殻蟹手卷...得隻蟹腳...仲要好似放左好耐咁...海膽手卷先經典...一放入口...嘩！正！即卡吐返出尼！臭既！..以後都五會幫襯！