開心餐廳 (Closed)

是日手勢 Doremifaso 一行五人來到了開心餐廳食開心雞煲五人行便可以點一隻雞？餐牌一目了然，雖然不是很多選擇但質素還是很可以接受誠意推介魚皮 午餐肉 芝士腸 魚豆腐但比較不推薦是蘿蔔 冬瓜 等材料味道是不錯的 但因為實在是切得太厚太大了有點不方便進食吧 相信看到這裡您也會懂我的不知是否大埔這美地食碗麵都有魚皮跟然後這裡的魚皮也很香脆可口 值得一試最後每人$148 這價錢仍能雞煲實在是合理的性價比，過了很快樂的一夜 感謝開心雞煲為我們帶來了一處美地

三個人黎食，因為其中一個唔想食辣，揀左椰子雞，呢度兩個人半隻雞，3個人有一隻不過椰子雞煲得個香字，冇乜味，要加鼓油食，之前食晨嘅重慶雞煲勁好味，下次會叫返重慶每一round tick 十樣野，佢應該係跟人頭比野食，我地一共叫左兩round, 印象中應該冇漏野，佢仲會比返一開始tick野果張紙我地對，但我地冇理咁多，唔續樣對啦呢度drink選擇唔多，但正正常常，有汽水，檸檬茶果d, 又有清涼爽， 竹蔗茅根，兩款啤酒，水等等講返野食，好返上齊，d料幾好，肥牛， 魚皮餃，丸等等都唔錯，其實咁嘅價錢，味道正常已經ok, 起碼唔會比差嘅料你第二round仲叫左炸魚皮，佢唔算脆，但點湯食一樣好好味，同埋夠大件，唔會比d姀散嘅你今日星期五假期，都係收$148/人，冇加一我地食一個鐘已經夠晒，佢仲要有兩個鐘食，慢慢傾住計食都飽，最緊要冇漏單，上料速度又夠快

#LuBie大埔#LuBie火鍋🥘花雕醉雞鍋(🤤:7/10)天氣轉冷左 又係打邊爐既季節啦 緊係要約埋三五知已去打下爐 食下雞煲 聚一聚吹吹水。好多大埔人都有聽過呢間火爐店呢啦 因為一開頭果時 呢間野真係好平 一百蚊都唔洗就食到雞煲，雖然佢地已經慢慢地加左好幾次價 去到今日既 $148，但以呢個價位黎講任食任飲免加一 都仲係平通街既。🔽雖然係平，但佢地既食物都唔會話hea啲客人既，就如我地今次叫既呢個雞煲，材料都落到好足既，個鍋有好多既藥材，最誇係成個面都係杞子同紅棗，俾足一隻雞我地 好大隻好肥美下。火鍋配料都無咩漏單情況，配料質素就正常水準啦。任食既食品都有好幾樣選擇 最值得讚既係有枝裝水提供。🔽所以呢個價 都有咁既滿足感 性價平真心幾高。📍開心餐廳📍大埔懷仁街43號#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#大埔美食#食好西#開心雞煲#開心餐廳#花雕醉雞鍋

今日同朋友係大埔行完街想搵一間任食邊爐，就揀左呢間，價錢唔算貴158一人就入去試下，仲有得食兩個鐘。但啲食物黎得慢，每次落單都等好耐先黎。啲牛肉片仲要薄到唔知自己食緊乜，真係有少少太過份了。最後十五分鐘我地再落一張食物單，個工作人員啲態度唔太好話個煲仲有好多嘢食，話食唔哂要逐両計錢，寫到明。但明明個煲入面得返啲湯底，都冇嘢食。最後張單啲食物佢真係冇出俾我地，我地白白等左十五分鐘冇嘢食。我地夠鐘就拎袋走人，其實又冇人等位，唉，我都唔明點解要咁樣逼人走。第一次食任食邊爐係唔飽住走，仲要受工作人員啲壓力，我諗以後有人請我都唔會再去。

 某天行過，見到有間舊式裝修的餐廳係一個比較靜既街，就即管去試試～  任食任飲雞煲 ＄158 一個人。我覺得係值既。先說說個雞煲底，我選既係重慶雞煲中辣，辣得黎係帶少少甜味，幾好～每次可以點十款食物肥牛  甜，好味豬頸肉  一般，味道OK，但太細條，熟左好難夾。炸魚皮 ，OK 午餐肉，貢圓 必吃，好味 整體來說，我食過多間大埔雞煲，我認為這間是最好的。應該以後會常幫襯。

食得非常滿足嘅一餐雞煲！間餐廳係女友介紹，戈日我哋一行三人去食。如果你係求靚裝修、靚包裝、酒店式服務，你可以另覓他處。但如果你自問比較實際，講求味道同價錢為主，呢度絕對係星級選擇！我哋嗌咗個重慶雞煲，小辣，食落咸中帶甜仲夾雜少少辣，味道不錯。而且雞件好厚實，唔係得層皮包骨嘅雞件。食完個雞煲好開胃，叫左唔少火鍋料，最驚喜係有響鈴（唔洗加錢）！！而且質素唔錯！！肥牛都不過不失，同出面大舖提供戈啲比有過而無不及。而佢其他配料好高質，啲灸燒芝士丸好好食，魚皮餃都唔係用劣質野。落單後出料好快，姐姐們都好nice，而且出料非常準！無少無漏！無收加一！如果同一啲同價大型連鎖比，我覺得你係侮辱緊呢間野。因為佢真係比戈啲高一截水準！任飲任食，足足兩個鐘！仲有WI-FI用，呢個價真係好值！好滿足！

其實我係前幾個星期朋友帶我黎食，點解依加先評論，係因為琴日試完果間出名既八妹之後，覺得佢實在唔太掂，所以好想同大家推介呢間，［平］、［靚］、［正］既大埔雞煲小店。百4蚊任食任飲，又有舊式香港味道，呢d舖係香港買少見少，係比較舊係感覺無咁乾淨舒服仲有d窄，但係佢d食物真係好食！岩岩從澳洲番黎既我都不禁話好食好食，仲以為自己係因為食慣鬼佬野好耐無食好野先覺得佢好食添，但再食番其他就知道開心係幾好食！下次一定要帶男朋友黎試下！哈哈！只覺得香港人唔夠識食😤😤

早幾日因為有個朋友生日，咁岩行開大埔，就食呢間開心雞煲。其實之前已經食過兩次，但都已經係兩年前，今次諗住試返睇下有冇咩改變。 一入到去就叫左個小辣，其實呢度既雞煲同其他唔同，雖然相比其他雞煲冇咁辣，但反而比較香，而且個煲既汁都好濃，唔會咁快淡晒味。 我地一行４人，叫１個煲，雞既分量都有一隻，都算足料！相反，餐廳因為面績較細，所以覺得有少少迫。 食物方面，因為呢間餐廳都係任食，啤酒汽水任飲。不過點野食既種類個人覺得有Ｄ少，不過常見既食物都有，好似肥牛，魚皮，菜都有。但呢間雞煲個重點係可以叫白飯，比起其他雞煲比較少見，用白飯黎撈雞煲個汁，簡直一流！ 飲品方面都係Ｄ平價汽水，仲有冰紅茶，啤酒就有獅威，都算唔錯。 整體黎講，呢度食雞煲都抵，每人埋單都係＄１２８，有得任食任飲，算係唔錯，建議食得唔辣既朋友仔可以黎呢度試下個雞煲，因為個雞煲都係以香濃為主，而且價錢便宜，平時都唔洗等位。

因為電話張記憶卡壞了的關系 冇曬d相... 所以今篇未能post相俾大家睇,真的不好意思!!! 不過唔緊要我下次去的時候我再補影給大家睇(我估我好快會再去食的)!暫時俾住我女0係門口影果張Poster大家睇睇先…hehe!我在大埔食咁耐雞煲，小弟覺得這一間最好食、簡直係平、靚、正呀 ! ! !$98任食任飲(還有啤酒汽水無限任飲) 我淨係飲啤酒都為皮啦..hehe。我同女朋友一坐低就立即叫了個中辣雞煲，這裡的雞煲都是即叫即煮的，雞煲中辣都幾辣，有雞味一d都唔"鞋"d雞好滑、非常香，味道夠濃、唔咸、配合埋煲裡面的芫茜，洋蔥，青椒又夠香，真係Very Good!!!上菜速度都ok都算快! 兩個人的關系所以沒有點好多配料、d配料大致上都ok都好新鮮, 佢地d雪花肥牛都唔錯嫁!我見到都好多人叫個酸菜魚煲…下次等我試過再同大家分享哦。