薩莉亞意式餐廳 (石蔭商場)

Open Now

Now Closed

今日去咗尖沙咀,喺嗰邊冇位泊車然後就同女朋友去佢樓下呢個石蔭商場食薩利亞！平價義式餐廳之稱！周打海鮮湯👍9/10 分14元，性價比高未到正常，分量亦都比較多明太子海鮮意粉：9/10分👍38元，呢個意粉有驚喜汁水，濃郁唔會太乾，而且海鮮嘅分量都還可以，推薦甜蝦沙律半份7/10 20元甜蝦沙律分量唔算太多,係比較少，但係蝦嘅分量多！每次食都叫咗一份水牛芝士薄餅6/10 呢個薄餅，淨係得芝士薄餅冇其它配料，比較單調太推薦原味雞翼8隻：10/10每次過嚟食都必食嘅雞翼，調味非常好，大家都必須叫一份！！總括而言薩莉亞係一間平民唔錯嘅餐廳！

見咁耐冇食，就問男朋友好唔好試吓～ 可能呢度人流少啲，多數食客都係街坊，一家大細咁，相對冇旺區咁多客。(⁎⁍̴̛ᴗ⁍̴̛⁎)冇食好多年，原來而家薩莉亞已經係用QR code自助落單，冇左之前既㩒鐘仔不停叮咚叮咚叮咚，感覺真係好好多～(*ˉ︶ˉ*)都係叫返啲例牌：卡邦尼意粉🍝 周打海鮮湯 甜蝦沙律 （一人份）雞翼（4隻）黑椒蜆肉鐵板煮 白汁黃金粟米薄餅 都唔係真係咁差姐，衛生情況亦都唔係傳聞中嘅咁得人驚，雞翼同意粉都幾唔差，平平地幾好食吖～ 黑椒蜆肉鐵板煮都抵食，只係20幾蚊，蜆亦唔係好霉有沙果種，反而有少少甜味，有啲意外驚喜。

糧尾之選❗️學生平價之選❗️30蚊左右可以食到pasta20蚊可以食到芝士薯角，而且啲芝士好溶好正🤤🤤🤤但Drink bar可以選擇嘅飲品唔多，自從熱飲機壞左之後每次都沒有美祿….這項有啲失望

任何一件餐具都好好好污糟，平就可以咁架嗱，唔通要自己帶。以後都唔去喱間分店。任何一件餐具都好好好污糟，平就可以咁架嗱，唔通要自己帶。以後都唔去喱間分店。任何一件餐具都好好好污糟，平就可以咁架嗱，唔通要自己帶。以後都唔去喱間分店。

又到月尾，荷包扁扁又係黎呢度食嘢嘅時候喇我叫咗個焗雞肉長通粉，佢啲芝士忌廉多到呢，可以當湯飲，加左錢要湯同埋沙律，白開水任飲湯係粟米湯，似係開粉嘅，幾飽肚嘅，都有幾粒粟米🌽沙律啲沙律醬真係太多啦，唔記得佢少啲，啲沙律菜都有洗過，幾乾淨，食落都爽甜而個長通粉個碟好似好污糟，味道幾濃郁嘅，雞肉粒都好多，長通粉幾有咬口，還好啦！呢個價錢食到咁多野都算係咁啦，一大班人嚟食更加開心，相信可以食勻所有菜式😜

第一次黎安蔭嘅呢間薩莉亞食野，餐廳鋪門唔算細，走入去原來都仲有唔少枱。難得搵到張卡位坐低，不過d卡位好迫...餐廳嘅人手唔多夠，不過職員見到我地想落單都好快手過黎幫我地落單...三個人食野，叫左唔少野食，份量都唔差呀。其中幾樣幾好食，值得推介！忌廉湯好飲！香辣雞翼$19肉醬焗飯好食！埋單價$200有找抵食！

相信好多人都食過薩莉亞，分店愈開愈多，雖然未稱得上好好食，但絕對係經濟之選，價格便宜，每樣野都細細碟，可以食多幾款，呢幾次過黎發現餐牌多左D新產品，份量比之前多，上菜速度依然係錦快！我毎次黎必叫之選🌽粟米忌廉湯 粟米味超超超濃郁又creamy🍗辣味雞翼肉質嫰滑加上微微的辣味超惹味除左呢兩樣係必叫，其餘次次都會叫不同款，有時叫意粉有時叫意大利飯有時食pizza。額外加錢更可以喺飲品自助吧無限添飲，但我就從來無加過石蔭商場分店不會好似其他分店咁勁多人排隊，好多時都即刻有位，不知幾好！

覓 覓 \_凸_/餐廳定位： 白領，親子，學生，情侶，街坊賣點：性價比高，味道，地域優勢價錢：大眾化食用方式：外賣，堂食Wifi：使用商場內wifi，無需密碼上菜速度：中等，等待時間長奉送：自去水，餐具，調味料，芝士粉裝修：意式餐廳燈光：明亮噪音：一般，可以接受，有背景音樂溫度：適中服務質素：服務員不足，耐心，忙碌點菜: 按鐘等待服務員前來下單菜式：性價比高過敏原：洋蔥，海鮮優惠：無備註: 西餐具齊全

我同fd一齊坐低食飯，同樣都係12點半落既單，我既單就等到1點先至上，仲要係因為我催左幾次先記得要上，而同台食飯既，叫既同樣都係雞扒，但人地早就食完，真係好差咯！

Saizerya差不多是我至愛之一。記得第一次食，見到個餐牌時，心諗甘偏？！@@ 抱著中伏的心情，薩莉亞卻給了我一個莫大的驚喜。講真，一定食得出係叮叮黎架啦，但算係叮叮入面相當高水準之作！先唔講份量足夠，調味亦算係甘（雖然相當大的好味係來自d醬，而且意粉煮過熟😂😂😂），但甘重本足料誠意真係相當夠。我最鍾意個服務鈴既設計，既方便客人又方便服務員。難得既係，常客如我覺得佢多年來都算保持到水準，實屬難得！

第一篇食評, 獻給我和老公最愛的餐廳, 這裡也是我和老公第一次約會的餐廳呢! 很多回憶!! 其實這是我們第N次來了, 每天都會叫好多好多食物, 7-8樣, 因為我和老公都好大食, HEHEHE必點的包括中華海草(出面日本餐廳都無薩莉亞的好食), 肉醬多利亞(多多的肉醬和芝士, 好餸飯) 而家仲有新的加多隻流心蛋, 都好食, 但我覺得唔需要加已經好好味!仲有漢堡都是好好食, 唯一缺點是少汁, 但裡面既粟米都是好好食!今次新發現係甜蝦沙律好好味, 第一次叫, 甜蝦多, 沙律醬又多, 唔會食到一半就無晒餸同汁, 會係我地新加既必點之選!其他叫既都幾好食! 唯一差少少係第一次叫既焦糖布甸, 實在太甜太甜.......... 甜到頂唔順.......食到飽晒, 都係$200多, 好平呀! 又好食!!同老公食左餐好既同過左浪漫既一晚~

墨魚汁意粉（$32）有d失望，墨魚同墨汁唔算多亦無咩味，要自己落好多cheese powder 同tabasco 先得。辣味雞翼 （$17/4隻）里個返而有驚喜，雖然細細隻，但好入味，有小小辣好開胃，早知叫8隻 （8隻又再平d)。歐陸風烤香腸 （$34/4條）唔知咩係歐陸風，都食唔出。就4條無咩特別嘅腸仔加幾舊薯角。俾起其他主菜，有d唔抵，又唔夠食！最正係無10% service charge， total $83 埋單。

餐廳環境比較寬闊，具空間感，服務良好，送餐時間夠快，服務員動作快捷按一按點菜鐘不久就有人來。今次我同fd食左野菌忌廉意大意飯,菠菜煙肉香蒜辣汁意大利粉同意式香蔥蒜蓉燒雞呢個野菌忌廉意大利飯含有濃厚嘅忌廉味，加上一些芝士粉，成碟飯變成金黃色。不過忌廉過於濃厚覆蓋了菌菇嘅味道，而且份量較少而碟菠菜煙肉香蒜辣汁意大利意粉，麵身較硬，配上煙肉令麵身油膩意式香蔥蒜蓉燒雞燒汁較少，雞扒脂肪比例較多，所以較為油膩，肉質一般。薯角乾身而無味，值得一讚的係粟米，香甜又多汁。

8隻雞翼: 薩利亞間間分店啲雞翼辣度都有所不同，而今次食就覺得比較辣雜菌忌廉意粉: 個意粉OK，中規中矩，冇咩特別，不過不失呀!中華沙律: 黎到係凍既，唔似放左喺室溫好耐! 味道同平時食既中華沙律冇咩大分別，咁中華沙律係咁架啦! 芝士雞肉Pizza: 今次食依個Pizza覺得麻麻地，因為個薄餅好多雞皮，要係咁揀返啲雞皮出黎! 味道好食既，其實依個價錢有雞皮係絕對可以接受!飲品: 每人加12蚊，無限添飲! 佢個道地檸檬茶OK呀，唔太甜!

同女朋友去食薩莉亞, 雖然價錢平, 但其實我地兩個都好鍾意食首先點左一個墨魚汁意大利粉, 女朋友表示超好味, 不過就食到我地兩個嘴都黑哂, 哈哈 呢碟意式菠菜伴煙肉純粹係為左我地想食少少菜再叫一個蘑菇pizza, 女朋友指定要加雙重芝士($6), 加左真係好食d, 加呢6蚊超值另外再叫一個女朋友至愛的甜蝦多利亞飯, 每次食都會覺得太多汁太肥, 但又會覺得真係幾好食最後叫左一個女朋友最愛的Dreyer's芒果雪糕, Menu寫住今期做緊特價($16->$10), 不過其實咁細杯, 賣$10會唔會都仍然貴過出邊7仔? 算了, 望住女朋友一雙期待的眼神, 為搏紅顏一笑, 難道你夠膽唔叫?