吉田舍料理

Open Now

Now Closed

這個月二訪吉田社就知道多好吃😋😋😋完全是衝這鰻魚炒飯來吃的，我本身不敢吃鰻魚的人，如果不敢吃鰻魚的人，一般是吃得出鰻魚有股特殊的腥味所以才不敢吃，但出乎意料他們家的鰻魚沒什麼腥味，已經把大骨挑出來，醬汁把魚醃到入味至極，炒飯也不會過吃過乾，醬油味道香醇，是目前我最愛的鰻魚炒飯雖然炸豬排飯，卻不感覺油膩，醬汁十分入味但又清爽這道也是必點，雖然中式料理也會有苦瓜、豬肉、蛋、豆腐但就很少有他們的結合體！苦瓜有些許苦味但不會過苦，用豬肉的甜味帶出成到菜色的重點，非常清爽但又難忘

一次很不好的經驗。訂6:30位置， 6:27來到，所有人擠在電梯外狹小的空間， 好吧，你要做準備功夫，冇所謂，逼就逼一陣啦。 點菜時中斷三次才完成，OK，fine，終於點完，出品還可以，但是，D服務態度真係惡劣到一個點。 我點左明太子燒飯團，上左明太子玉子燒， 我唔想再食玉子燒，因為已經叫左有兩碟玉子燒了，唔知係咪比上司話佢落錯單，個侍應衝出來大聲鬧我話我自己點，佢冇錯，真係讓人大開眼界。 好吧你冇錯， 我6:30落單的鰻魚炒飯，7:30追一次，話來緊，8:30再問， 另一位女侍應查單話根本冇落單囉⋯⋯咩依家D侍應惡夾大聲因為老闆唔憂做咩？Open Rice 食評幾多人話服務態度惡劣， 我今次真係體會到！ （有個日本人侍應很有禮貌，可惜也被港人同事當著客人噴到一面屁） 很少寫食評，今次的「奇遇」 真係必須給大家一個心理準備。

真·日本人主理居酒屋，一入到去，無豪華浮誇落地大玻璃，亦無精緻裝潢，而係超地道日式風格，主要以布廉同木條屏風作隔格，主要分為榻榻米既區域及吧台與普通台座位區域。台與台之間尚算闊落，坐得十分舒適。餐廳9成員工都係日本人，服務很也很殷勤及有禮貌，主要係令我呢個AKA日本鄉民有種置身日本嘅感覺。食飯途中，侍應係換碟過程中不小心打瀉友人既酒，連聲gomenasai之餘，隨即送上一杯新的sake，有咩gur得過以酒賠酒呢。食物選擇地道而豐富，有好多係出面居酒屋食吾到嘅地道野，汁煮、刺身、串燒、天婦羅、窩物，樣樣都想試，唯有請店員幫我地recommend。辣味明太子，菜如其名，再以青瓜鋪底，再佐以蘿蔔泥，好適合做前菜小小刺激味蕾。汁煮茄子，不得不贊事前處理茄子既功夫一流，厚身既茄子小小𠝹花，經汁煮後，爽滑稔甜，last order想encore, 已sold out。鹽昆布椰菜，4個字，爽·脆·清·甜。平目魚（左口魚）刺身簿切，有兩個部位，一邊為較厚身的裙邊部位，入口爽脆而有筋；另一邊為魚肉簿切；可佐以辣蘿蔔泥或葱花及wasabi 免治雞肉棒，佢係軟骨部份再加免治雞肉做串燒，香口得嚟有口感，比食雞

同朋友去咗位於尖沙咀，感覺好地道既居酒屋🎏坐附近嘅客人都唔少係日本人，環境係幾有氣氛嘅🍻但回頭率就偏低喇。🦀吉列忌廉蟹肉薯餅 $120炸得好脆，唔會好厚粉，熱辣辣又唔會好油膩，餡料忌廉好滑好好食，蟹味就唔係好覺，不過都算好食嘅🙌明太子玉子燒本身超級鍾意食明太子，好厚嘅玉子再加上份量唔少嘅明太子，鹹鹹香香，好食嘅。最後仲叫咗個壽司拼盤 冇特別出色，嚟居酒屋可以唔叫。個人覺得食居酒屋不嬲都係有少少貴，細細碟，性價比唔會特別高，但就係食環境同食氣氛🍻依間地鐵站出口1分鐘就到，相當就腳，約朋友係唔錯嘅👌性價比就真係唔高咁啦😗

今次已經係第二次嚟食上次係食天婦羅我覺得好好味連啲配菜 茄子嗰啲都好好味仲聞到隔離啲咖哩好香我同自己講一定要再嚟試咖哩啱啱睇一睇啲食評見到好多人話服務唔好我自己又唔太覺Service 我哋嘅係一個日本女人有笑容又有禮貌呢個都係我再嚟食嘅原因今次我叫咗咖哩烏冬我個人覺得好好味但可惜我冇茄子而嗰兩粒飯團我覺得唔特別如果佢比玉子壽司我🍣我或者會開心啲最後我係食淨咗啲飯團嘅只係每件咬咗一啖下次都仲會想嚟試其他

最近好懶，好少寫食評，除咗真係食得好差不得不投訴先會寫，不過今次唔係投訴，係推介，去唔到日本🇯🇵都真係可以去呢間吉田舍料理食個飯，完全日本感覺，大量日本人係度食飯，侍應都係日本人，好有日本feel,入返正題，食物味道係有驚喜，老實刺身就不外乎係新鮮架姐，當然唔會好特別，但d熟食，味道真係出色，特別係個窩物，個湯底味道好濃好正，落d菜落去滾下，簡直係一百分，燒銀鱈魚同天婦羅都係好正值得推介俾大家！

公司午餐選了這家餐廳，聽說很多日本人喜歡這裡，很有日本風情，有不少新式卡座需要脫鞋子，但不用跪坐，很舒適。這次點了刺身定食，刺身有三文魚，吞拿魚等等，非常新鮮甜美，值得一試。

-今日去到尖沙咀食lunch, 突然滂沱大雨。好彩間餐廳好近地鐵店，唔係一定成身濕哂。呢個餐廳位於尖沙咀Tom Lee 對出的商場，以前成日行Tom Lee 都冇咩在呢度食過野，只記得呢度有三哥同妹記，原來仲有間日本餐廳。-食物：午餐有set，選擇花多眼亂，有啲似去到茶餐廳唔知食咩好的感覺。餐牌上有牛肉烏冬，吉列豬，燒牛肉，壽司定食，等等。因為天氣太熱，想食啲生冷野，最後叫左個壽司定食。壽司有十件加一個玉子，仲有一碗烏冬同麵味噌湯，同一杯咖啡或茶。全部中規中矩，冇驚喜。我認為位於亞士釐道的京笹或者遠少少的襌八會更出色，同平一些。 環境：座位寬闊，檯同檯之間都有空間，所以都舒服。服務都算好的。 總結：埋單計大約$180左右，應該都冇下次。吉田舍料理地址: 尖沙咀金馬倫道5號太興廣場6樓電話: 23680000中規中矩的日本餐廳

呢日同朋友出咗尖沙咀醫肚朋友介紹呢間吉田舍好食要encor喎平時朋友對食冇咩講究所以一定要試吓十二點左右去到唔係太多客安排咗我哋坐比較入嘅位置好多set都好吸引心大心細最後我叫咗天婦羅小食有我好鐘意嘅豆腐同茄子OMG點解可以整到咁好味天婦羅啲炸粉都好好味真係唔係間間做到朋友叫嘅銀雪魚都好好味其間我哋仲聞到隔離枱嘅咖哩🍛超香下次一定要試吓食完仲有生果或咖啡茶職員都好留意客人枱上啲茶洗唔洗refill食物洗唔洗收又唔會好似趕客咁走嗰陣差唔多全場滿坐值得推介嘅餐廳

假日約了友人到尖沙咀行街，晚餐想搵個地方坐下把酒談歡同時又可以醫肚，友人係IG見到有間日本料理好似不俗，即慶之下冇Book位膽粗粗去睇下有冇位。餐廳裝潢甚有和風之感，晚上8點到，唔算太多人，有數枱日本客人，感覺幾有氣氛。有前菜漬物，要收費的，$20。餐牌，揀了飯類及玉子。梅酒加冰，$70，爽!桃酒梳打，$70，友人的。芝士玉子燒，$75，玉子燒嫩滑軟身，芝士味濃厚，味道不俗。滑蛋吉列豬扒碗飯付味噌湯。滑蛋吉列豬扒碗飯，$140，份量適中，吉列豬扒同滑蛋混合，食落有蛋香口感豐富，口感鬆軟juicy，米飯粒粒分明伴上甜鹹醬汁更美味。日式咖喱豬扒飯(有牛肉粒)，$160，友人的，份量適中，，好大件吉列豬扒口感鬆脆，甜甜地唔太辣的咖喱，內有牛肉粒，十分豐富。食物味道不俗，坐得舒適，服務態度幾好，價格少貴。

早排收工即興約左兩位朋友食飯閒談，其中一位朋友推薦呢間餐廳話成日去，OK有提議就可以去😂餐廳好多外國人同日本人黎食，餐廳待應識講日文/英文，亦都有個別待應係識廣東話，好有係日本既感覺haha .牛肉煮薯仔🥔$50薯仔煮得好林，牛肉入味.豚肉炒苦瓜 $65我唔食苦瓜，朋友話日本苦瓜唔苦，我試左一塊覺得好苦😂可能係我食唔慣。入面有豚肉，豆腐同蛋，整體味道唔錯.鰻魚炒飯 $240炒飯佈滿鰻魚汁好食，鰻魚皮焦脆魚肉唔會腥.吉列豬扒 $忘記價錢豬扒肉質有啲實，整體普通

每次同2-3個朋友夜晚想搵個地方傾計聚會，都成日會walk in呢間餐廳，因為可以食下小食又飲下酒，平時都見好多日本客人嚟食嘢。餐廳侍應有d只識日文、英文，如需要廣東話溝通都會有員工幫到。每次嚟到一定會叫返杯生啤飲再叫d小菜 ★必點菜式★ 薯仔燉牛肉 肉じゃが好有日式家庭味道，薯仔燉得好淋，牛肉同洋蔥入哂味★必點菜式★ 豚肉炒苦瓜苦瓜爽脆微甘，配埋豚肉、豆腐、蛋炒埋一齊夠哂香鰻魚炒飯鰻魚唔腥，食落都幾香吉列豬扒相對比較遜色，炸粉做得一般而且肉質較實

一年前第一次食已經覺得好好食😋，半間客都係日本人，亦都有日本侍應。事隔一年，終於再有機會食到啦🤩🤩🤩不過今次朋友唔食牛，冇得叫牛腸鍋😭😭😭😭吉列蠔 - 好好味😍外脆內juicy 😋😋😋刺身不錯！韭菜炒雞肝，略嫌雞肝硬了一點豚肉炒苦瓜 - 好味！一啲都唔苦☺️壽司拼盤 - 正常燒鯖魚 - 好味😋燒雞翼 - 我鍾意食 😋😝hahaha基本上哩間野係冇伏！🤩每樣都叫就可以了！！！朋友同我都好滿意，期待下次再來食牛腸🥹🥹🥹😋

六天前電話訂枱時，我說明是五位及不坐疊蓆/塌塌米。接線員是個女待應(香港人)，語氣差，當我再三強調不坐塌塌米時，她更惡巴巴說：「即係坐枱櫈嗰D、唔坐Tatami呀嘛。幫你mark咗request啦！」食飯當日(昨天)，男待應(香港人)帶我們坐塌塌米。因為同行有七十歲長者，腳關節和腰也不靈活，需坐靠背椅子，所以我訂座時強調不坐塌塌米。該男待應反而說我訂座時並無request不坐塌塌米，最後只安排我們五人到四座位枱。這間餐廳我早在十多年前已時常光顧，當時日籍老闆娘坐鎮，後來還有一位叫年輕的日籍女待應，以及其他待應(香港人)都很友善，服務一流。現在的日籍女待應也很有禮，但那兩位男女待應的態度，就使我不會再踏足此店了。他倆由始至終也沒有承認過失或向我們表示歉意。另外，現在此餐廳的食物質素也越來越差，將貨就價，lunch set分量少了，前菜也不再吸引。昨天吃完，整個下午口乾至極，要不斷飲水解渴！

1)金毛店員，醬汁滴在客人衣䄂，座位上；只拿紙巾來(濕毛巾都不提供)。清潔費之事一口不提2)點菜都要叫两三次才會有人來3)除了日本人店員，其他人的服務態度是「愛理不理，不可一世，傲慢無理。。。。。」刺身⇒可否擺放漂亮一些；整堆放在一起😓😓😓牛肚炒野菜⇒牛肚好硬，要硬吞或吐出