魚心日本料理 (Closed)

蜜桃吉列蝦卷餐估唔到咁平但份量都唔少，蝦卷有成6件！入面嘅炸蝦好香脆，加埋好甜又多汁嘅蜜桃，真係好好食！食完蝦卷唔夠飽，套餐仲有碗拉麵～雖然拉麵個樣好似好普通，但麵條都好彈牙！套餐仲包埋汽水，而佢d汽水係玻璃樽裝，超夠氣～

係旺角，有一間超抵食嘅日本餐廳🍣🍥🥢價錢好抵，冇諗過味道還可以😬😬出面食一個吉列豬扒烏冬至少都要$60🤓但係呢一間餐廳個價錢都比較親民，而且選擇嘅類型都比較多😌吉列豬扒烏冬 $45加錢換讚岐烏冬🫶🏻香濃嘅豬骨湯，烏冬嘅配料有粟米、昆布同埋生菜😍其實食落去都有家嘅味道，佢哋嘅吉列炸豬扒配鏡唔係美乃滋😂而係出面好少食到嘅梅子醬🍋🍋酸酸地甜甜地，都幾開胃🫶🏻壽司咖喱飯套餐（雜錦壽司） $45啱晒食量比較大嘅人😂 先來一碗咖喱飯，然後再嚟多個八件唔同款嘅雜錦壽司🍣🍱份量超級足夠🫶🏻

$50有找的日式午餐，想好食? 笑大人個口。午餐有一碗拉麵，五件火炙三文魚加州卷。這個價錢，吃得夠飽坐得OK都好啦。加州卷，面頭有小塊火炙三文魚，不太大，夠蓋過飯，微微暖的溫度。少許魚籽加少許脆粒，至少夠大件夠飽肚。$50套餐還包括罐裝可樂，不划算也難稱貴吧拉麵像即食那種，沒特別的，麵條腍，沒有咬口，湯底偏淡，要加些七味粉；也沒有甚麽配料，只有些粟米粉、紫菜等。你說要質素，一生懸麵應當高一些，不過要抵食夾大件，呢度又唔會輸。

呢間已經食過好幾次～同Friends係旺角經常都諗唔到食咩好，又唔想食得太heavy（想飽而輕食)同唔想太貴…………又想慢慢坐低食下嘢傾下計……………真心係鬧市真係唔多～如果你又想過下口癮食日本嘢呢間個人認為非常符合條件～～～呢間令我好懷念另一間香港人開係大埔既平民日本餐廳，又有人情味食物價格又合理又平，可以話好有為街坊客既感覺今次叫左支清酒餸下下酒菜：雞軟骨-呢個直程前後叫左兩碟，炸得唔會好乾好juicy,食住餸酒同朋友吹水簡直冇得輸！木魚絲豆腐-正常菜式，外脆內軟而保留清淡感，覺得唔夠濃既都可以點下佢啲醬汁點綴下～炒野菜-夠鑊氣～唔會太太太油又唔會不味濃，食到蔬菜自身既甜味魚-個人就唔太高要求，都係正常水準，秋刀魚咀嚼都慢啲，其實係可以連骨食～簡單嚟講，好鍾意咁家庭式既菜式，有時唔洗太取巧,簡單啲亦可以～講真，一分錢一分貨，若果要食真•日本菜既話咁閣下可以稍移玉步，係香港地已經咩都貴…何苦要再對呢類平民價既餐廳諸多要求呢？大家都係搵食啫，唔啱食咪最多下次唔去，任何情況下先認請自己想要啲咩先～當然，衛生上每間餐廳都一定有所進步既空間，明白冇邊餐廳係100%有衛生問題，始終係食落肚既

今日同朋友嚟到位於旺角食肆聚腳點 女人街嘅 魚心日本料理。一行四個人想平平地食多啲，於是叫咗三個set同兩份小食。要知道佢嘅一份set係包咗一碗咖喱飯/拉麵/烏冬同埋6件壽司！咁嗌法，上菜嘅排場已經十足十放題一樣，張檯都差唔多擺唔落。😂在評價之先，魚心嘅價錢已經同大家講定，呢度係重量多於重質，要用番適合嘅一套標準品評。我地三個餐分別叫咗三款壽司：火灸三文魚加州卷、鰻魚玉子加州卷同埋水蜜桃炸蝦卷。擺盤係靚的，食落正正常常就足夠有餘，唯獨想說水蜜桃沒有水蜜桃的味道，但是是有平衡炸蝦的清爽的（對本人而言其實正好🤣），而鰻魚就零期望零失望吧。小食方面，點了凍豆腐同埋鹽燒鯖魚，兩個字總括：大份。而其實大份之餘，味道也不差，至少鯖魚係食唔出腥味。火灸三文魚加州卷賣相：⭐️⭐️⭐️⭐️味道：⭐️⭐️⭐️價錢：⭐️⭐️⭐️⭐️⭐️鰻魚玉子加州卷賣相：⭐️⭐️⭐️⭐️味道：⭐️⭐️價錢：⭐️⭐️⭐️⭐️⭐️水蜜桃炸蝦卷賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️⭐️埋單每人$70食咁多款食到飽，啱晒我地呢啲平民🫶🏽

Throwback to the last time l ate,according to my camera roll, was on 15 May 2021……..It was around 12 pm……..a lot of people queuing at the door.The owner disorganised the seats for customers,the waiting time was quite long……..😐“Sushi+Ramen Set’’The sushi was very bland.Salmon was rancid!Ramen was plain.Opps!The owner reheated the ramen in the microwave oven.😨The price and the quality of food were proportional.🙂

$35一碗炸雞拉麵，份量充足，麵質都不錯，仲有點彈牙。炸雞是雞件，不是細細粒，口感較油，外皮少少脆，但不鬆發。問心，三十幾蚊超值啦！另外叫了吉列豬扒定食，豬扒肉質就硬一點，皮脆。還叫了天婦羅定食，有兩隻炸🦐、蕃薯、茄子和金菇。粉皮很快淋，汁偏鹹。以上的餐價錢都相當便宜，所以食物要求不高的絕對讚。座位就不寬鬆，初初入店還有一陣氣味，不過坐久了就適應，不覺一回事。我們還叫了手卷，三文魚手卷，三文魚不算少，飯也多，但紫菜真的漏氣淋的，食了一個飽了。

今日自己去左旺角個邊食晚餐，咁就揀咗間日韓餐廳嚟試吓，晚餐都係$63仲要加埋一，幾抵又幾好食～-1.泡菜豬肉鍋 $58首先飲落去個湯底係清甜嘅豬骨濃湯，唔會覺得啲湯有味精，而且佢個泡菜同埋蔬菜嘅份量都好夠，而且個泡菜好夠味，亦都有啲金菇白菜仔，即刻健康咗，烏冬個份量都幾充足，而且烏冬好煙韌，豚肉嘅份量都好夠，食落去唔會好鞋。而且仲可以任飲綠茶🍵，啲綠茶都幾香，暖暖地好啱冬天飲。-員工嘅服務都ok不錯，環境都幾大，如果燈光更大會更好。

今日去到旺角呢間平民廉價日本食店，點左個七色當，$88！幾豐富，材料同質量一般，不過不失。由於我地係二人同行，我同朋友共消費超過$100，可以享有五折至七折既優惠點多4份小食，我地點左雞軟骨、軟殼蟹壽司、芝士炙燒三文魚，好平，埋單人均消費都係$120，服務幾好，但冇收服務費，呢啲先好！唔會濫收服務費，依家好多食店都收得好過份，咩服務都冇都照收！

With this price, the food provided were really outstanding. They offer $1 for 1 shrimp sashimi, quality was fine, and $55 salmon sashimi which was more delicious than expected! Lots of different promotions, with more than$50/$100 purchase of normal price product, you can enjoy many discounts. Food was fresh, but urchin was sold out that day. Staff response was bit slow and environment not very grand and fancy. But the price vs quality proportion is really high overall.

魚心去過好多次，每次都係唔知揀咩果陣，最後去左食😆 每次感覺都好唔同。。見好抵食，而且味道都唔錯😀好鍾意食日式餃子，入面的簡單，再配餃子醬油。。👍🏻👍🏻🥟🥟🥟😍呢個煎得好香脆。。所以咬落個皮相當脆口🥟👍🏻饅魚炒飯👍🏻.有三款pizza 選擇。。。最後揀了三文魚菠蘿pizza..另外兩款係海鮮pizza 同 炸雞pizza...最吸引之處係。。個pizza底係穌皮來～好味😋😋😋👍🏻唔會好膩，又香口。。再配合沙律醬+ 芝士。。天衣無縫😁😆

以前讀書會成日離食，因為好抵食😆 普通壽司大多10幾蚊就有2件～三文魚壽司厚切肥美，新鮮鮮甜🤤🤤🤤 壽司飯略嫌有d散三文魚芒果卷不過不失😗正價食物叫滿$100就可以以一蚊叫一隻甜蝦，不限數量

正當周圍都好多人排隊嘅時候 呢間日本料理餐廳 因為仲有位所以就入左去食 📍成日經過都見到佢門口貼滿晒餐牌同擺咗好多食物模型 的確呢度真係有好多食物比我選擇 壽司🍣 軍艦 卷物 火鍋🍲 烏冬 拉麵🍜 每款都有10幾樣 真係睇到眼花撩亂 🧡最後簡左 - 金菇牛肉卷定食講真冇咩特別 而且份量都比想像中少 偏咸 真係要餸飯 不過我幾鍾意佢哋嘅麵豉湯 有好多昆布同豆腐 另外碗珍珠米飯都好味 💙秋天的童話本身對呢個卷物都冇咩期望 反而黎到有少少驚喜 三文魚腩好厚好多油脂 而且都燒得啱啱好 另外中間仲有牛油果同天婦羅蕃茄 上邊仲加咗蟹子 食落口感好得意 而且都幾飽肚 火炙芝士軟殼蟹卷滿$100就可以用$29換4件 就試埋佢 不過都冇咩特別 略嫌啲芝士燒得唔夠溶 而且太多沙津醬 完全遮蓋左軟殼蟹嘅味 但呢個價錢都唔要求太多了 💜值得一提嘅就係店員 見到我哋太凍 都肯幫我哋較細啲個冷氣 而且態度都好好 總結：3.5/10

平價日本野食，性價比高👍👍👍三色魚生飯 我淨係試咗少少青瓜沙律，俾唔到comment😅不過個大碟好有feel, 上枱同影相都好靚，等我仲期待咗一下我個#角切魚生飯 ，結果用咗個碗仔上🤣好彩都唔錯🤭雜錦角切魚生飯 先不論味道，角切魚生飯都係$50，仲要從2018到宜家都無加價，魚生又唔腥 (連吞拿魚都唔腥呀!)，無雪味，希靈魚仲好甜添，分量又夠多，食得超飽，都唔錯架😌海帶湯 都好多海帶，仲有少少豆腐，都ok啦，不過超多味精🤨一飲啖就即口渴! 我見附近啲人好多都後加野飲🤭味道: 7/10味精: 8/10價錢: 7/10環境: 6/10服務: 5/10

🌎魚心日本料理 (旺角)超抵食日本料理 一個套餐有壽司 飯/拉麵 同汽水 我由番學時期到出黎做野都食佢 雖然飯/拉麵不過不失 但佢d壽司都唔錯 每次都叫蜜桃吉列蝦卷 即叫即整 新鮮好味！▫️蜜桃吉列蝦卷（推介）吉列蝦新鮮炸起，食落好脆口 加埋鮮甜蜜桃肉好夾，壽司頂部仲有蟹籽，外表又睇得又食得！仲有送咖哩飯 醬汁香濃 鹹味適中 撈飯一流 有少少棘好開胃 ▫️雜錦壽司手卷拉麵套餐套餐份量十分多 有拉麵 汽水同一大碟壽司 手卷有三文魚、蟹籽、蝦天婦羅 壽司食材足夠同新鮮，食埋一碗熱辣辣拉麵真係好飽肚人均消費：$48環境衛生：7/10推介指數：8/10📍旺角通菜街29號地下