中環皇后大道中118號這大廈其實很有趣。它沒有名字，它的入口隱蔽，它開了很多cafe。特別在，這裡的cafe 多數都很用心經營，今天去的 la casa 就是其中的俵俵者。
開業應該沒多久，但已經非常受歡。小小的cafe 擠滿了人，雖然是有點逼狹，談不上舒適但感覺卻是熱鬧有趣。可能是因為店家殷勤的服務和滿瀉的笑容，令我非常受落的緣故吧! La Casa 的 lunch menu 每個星期都會轉新菜式，若果想知道這個星期有甚麼好東西，可以打電話向他們要email 餐單；不過daily soup salad dessert 的資料就得當天再打電話查詢了。

我覺得La Casa 的午餐也算得上是選擇多的。餐湯/沙律+主菜 索價HK$76-$118 不等，外加HK$15還有個小甜點。餐湯/沙律可選：磨菇忌廉湯/蕃茄忌廉湯/雜菜湯 Minestrone Soup /吞拿魚車厘茄沙律。甜點則有Rich chocolate cake / lemon tart。習慣了小店 每天只有一種湯一個沙律一款甜點的我，對La Casa 有2-3款選擇感到驚訝及開心。給客人多一個選擇，其實店方要作的準備工夫會多好多。非常欣賞La Casa 的心思!

而且 磨菇忌廉湯/蕃茄忌廉湯 都非常足料濃郁，很好喝呢！若果蕃茄忌廉湯改做蕃茄凍湯可能更有特色吧, 反正它的質感和濃稠度和蕃茄凍湯無異呢!友人說煎魚有點腥, 討了一口, 倒是覺得沒甚麼大問題~ 配菜的蘑菇蛋餅則是很受歡迎!兩份牛扒一份有點過熟, 嗯, 其實他們也忘了問一下我們想要多熟的牛.. 要扣分噢...配菜薯蓉是奶味較重的一類這裝牛扒的豬扒卻是很好吃!! 一點都不柴, 推薦!!
RISOTTO 則有點膩~牛(月利)意粉沒有試到, 不過有點"羶羶的" 不是每個人都可以接受到吧!餐飲可以選凍朱古力!!! 雖不是令人驚艷, 很算是香濃~lemon tart 偏酸, 配朱古力剛好來中和一下, 讚
rich chocolate cake 果真很rich!! 倒應該配上lemon tea 來消消膩~

最後提提大家, 如果有興趣來試試的話, 記得先打個電話book位啊!!!

約了朋友到中環午膳，選了這家樓上鋪。我們進入餐廳，當時一個食客都沒有，女店員讓我們隨意挑選座位，於是我們選了玻璃窗邊的一個四人座位。店員隨即給我們熱水和餐牌，午餐只有數款，我們亦很快決定好食物。餐廳牆身雪白，牆上掛了一些畫作，有藝術氣息。我們可透過玻璃窗看到中環繁華的衙景，窗邊放了一些酒樽和擺設，不單具特色，而且有一種家的感覺。先來一客餐湯和蒜蓉飽，餐湯是意大利雜菜湯，輕煙不停向上升，湯的溫度極高，近乎有點燙咀，但這亦顯得它是即製翻熱的。材料豐富，包括紅蘿蔔、青瓜、洋蔥和露筍等，菜粒鮮甜爽口，而湯煮得很清澈，不太酸不太鹹，適合追求健康的人士。蒜蓉飽的表面可清楚見到一粒粒白色的蒜蓉，但蒜蓉的味道不太濃，吃了不會出現口氣。過了大約10分鐘，兩道主菜同時送上。

香草忌廉海鮮扁意粉

各類海鮮鋪滿在意粉上，用料豐富，賣相吸引，令我精神為之一振，食慾大開。海鮮包括3隻蝦仁、4隻青口、一大堆帶子粒和魷魚圈，可見廚師完全不會吝嗇食材。蝦仁新鮮，肉質結實兼爽口彈牙，蝦肉的腸臟清理得十分潔淨。青口鮮甜腍身，沖洗得乾淨，沒有沙粒。帶子粒軟腍入味，而魷魚圈不太堅韌。扁意粉烹煮的時間適中，令意粉的質地不會過硬亦不會太軟。意粉汁充滿海鮮味但不會有太濃烈、太飽滯的感覺。質素喜出望外，如能夠加入少許車厘茄或磨菇等蔬菜點綴一下，將會更一流。香煎牛脷配野菌意大利飯

3件巨型的牛脷蓋住意大利飯，份量十足。牛脷用少許黑椒醃製，顯得香口，但黑椒味不會蓋過牛脷的味道，調味恰到好處。牛脷煎至約8成熟，肉質軟腍，用刀子輕輕一已可切開，入口咀嚼容易，牛肉味香濃。意大利飯用磨菇汁烹調，茨汁的味道夠濃郁，但不會太濃烈。意大利飯外軟內硬，煮法正宗，每一粒都沾了磨菇汁的味道。完成主菜後，我們喝喝熱茶、談談天，服務員亦不會趕忙地似在催促我們結帳。整個下午連同我們在內只有4個客人，環境寧靜，遠離繁囂。

我們感到這家餐廳用誠意對待客人，食物的份量絕不欺場，味道亦佳。店員親切有禮，言談間如招呼朋友一樣。

坐了個多小時，最後由我搶著請客。

又係 118 Queen's Road Central (pccw building) 今次係9/F，8月新開睇個門面似好高檔(比樓下幾層)，餐種唔算平宜。坐位似曾相識，可能沿用番上家資源。
order 左食物上菜賣相真有別於其他rest，感覺高檔d 同賣相好有大餐廳feel。order 3個不同款set lunch 味道唔錯而且個樣真係幾得。選餐湯有麵包跟唔係間間有，d 包又好好味。
由於之前食忘記影底menu 所以寫唔番d 食物名，首先寫(1)雞/廚師(forget)沙律，味道雖然standard 但很易入口醬汁醒胃，啱我口味。(2) 海鮮意粉，賣相鮮美色彩豐富，味道都不錯(同事說)。(3) 牛脷配薯菜，賣相可以 但牛脷肉質偏"un"，所以一般但配搭的配菜幾豐富。加分的是餐湯有麵包加配，而且麵很軟屬配上湯更可口。
價錢方面略高對於我地唔可以week 都黎惠顧，偶往一吃也是不錯選擇。

十月十五日 (星期一)

上一回的燒雞扒之好印象，也再吸引到與同事再來尋味的衝動
又再來到Café Tower(是我們對此大廈的匿稱)新開的La Casa Bistro
今次也沒訂位，勝在早出來，快人一步，不消十五分鐘，位已滿!

星期一，Blue Monday，吃點特別的鼓舞一下
餐牌與上一次來的不同，不過不肯定是不是每日都轉款
沒有了上一回的香草燒雞扒，取而代之的是更有睇頭的燒春雞
四位同事同來，就有三個選了這道作主菜前菜選了雜菜沙律，水準不錯，今次倒想一試餐湯
是椰菜花忌廉湯，湯頗濃稠，但入口湯味不夠濃香
湯中也吃到細細粒的棷菜花，不過其實沒甚特別，可有可無
湯加入了不少忌廉，是頗滑的三碟燒春雞(半隻)一起送到，實有點氣勢的
說好了是春雞，當然不會太大隻，但以春雞來說，身型還算不俗了
廚功不錯的，春雞燒得皮香，油脂也不太多，印象不錯
不過口感要扣點分，有一點點嚡口
配以燒汁，味道頗為香口的
以這個價錢來說，算是不錯了最後來一杯最愛的熱奶茶
茶味不算太濃，質感算是頗滑的
這裡的飲品，確實可以做好一點~

聽聞這裡越來越受歡迎，建議有興趣來的朋友，不如先打個電話來訂位較穏陣

小弟不好名牌食肆, 亦抗拒一D所謂食家品評為優質的食肆...(講到底...咪又係一個比錢, 一個收錢咁幫人賣廣告, 真係只有一D冇實力嘅食店先會咁做...), 好啦...食店出咗名之後, 食物水準下降之餘, 服務亦會下降...但價錢就會不斷提高, 你睇下梳打埠D食肆...經過D食家"推薦"之後, 就係一個活生生嘅例子...
閒話短說, 上個星期五, 小弟去咗中環街市附近, 一間叫-La Casa 嘅樓上餐廳渡過咗一個歡愉嘅晚上...
訂咗位, 一去到已經可以安排到枱比我哋, 朋友帶咗D酒上去飲, 可能小弟生得比較chok嘅關係...老闆兼大廚就免咗我哋開瓶費...
一眾朋輩食飯個日其實係糧尾嚟GA, 所以我哋一行三人為咗慳錢(酒係好耐之前買嘅), 就叫咗一個2人餐同一客炸魷魚, share 嚟食,
首先, D包好好食...焗咗一陣加埋D黑醋欖油好得... 總共叫咗兩輪 (但我深信D包係出面買...絕對唔係自己整)
-炸魷魚- 有丁點林, 但味道不俗(6/10分)
-蜜瓜火腿- 火腿都係D超市貨, 就一般般, 但蜜瓜就OK, 好甜同爽脆 (7/10分)
-蕃茄吞魚沙律-賣相同味道一絕, 配合度高...(8/10)
-帶子意大利飯- 飯, 有一D軟, 有一D硬, 應該係用唔同嘅米溝出嚟, 飯係口入面嘅層次感好突出, 而且, 最重要一樣嘢, 係好有飯味(大家千其咪小9我, 因為依家起食肆不論快餐店或茶記, D飯係冇飯香嘅, 大家有冇留意到?) 再加上濃郁但又唔"溜" 嘅cream, 個飯...如果唔使錢嘅話, 小弟絕對係想混食10碗...(9/10分)
-四色芝士薄餅- 如果你哋好芝士嘅話, 呢個係不容錯過嘅食物, 芝士嘅咸香, 加上新鮮出爐...邊有得輸? 而且個餅底有D脆...又軟又脆嘅感覺同一時間出現...完美 (10/10分)
-豬頸肉配天使麵- 烤得唔錯 (可能一向對呢隻肉唔太喜歡), 但D姑就好好食...天使麵絕對意大利 style-Al dente (即有D硬硬地, 而唔係街出面個D軟奶奶咁) (8/10分)
-肉眼扒- 7成, 真係比足7成熟比你, 肉有肉味, 絕對唔係一般嘅餐廳比一D梳打粉肉你, 但收$188 個隻, 加上個汁, 又唔會蓋過D肉味... (8/10分)
甜品- 朱古力同檸檬蛋糕, 個陣, 其實都有D飽, 但一食入口... 弊, 停唔到口, 朱古力味好濃郁, 帶點甜, 但一D都唔會"溜", 相較之下, 檸檬味個件就削咗D (朱古力: 10/10分, 檸檬: 7/10分)
事頭婆之後比咗幾件意大利雲吞我哋食(點解? 可能小弟個fd 似王祖X啩, 冇深入研究過), 但有D咸...同大多菜向隻雲吞入面...最後大多水溜咗出嚟.... 感覺一般....(4/10分)

整晚感覺良好, 除咗食物嘅味道, 賣相係用心去做之外, 你可以發現老闆同伙計都係用心去為每一個客人服務的...

十月九日 (星期二)

繁忙的十月初終於過去，架架仔也終於可鬆一口氣
午飯時間也總算有點閒情吃一餐較好的，就和同事來到Café Tower(是我們對此大廈的匿稱)新開的La Casa Bistro
聽聞此Café的大廚來頭不少(實際上來自何方暫未查清)
沒有訂位，可能是早來到，也順利取得了一張四人枱
不過，不消十五分鐘，全店已滿，所以下次來的話還是要先訂枱為上算看看餐牌，價錢略比樓下數家Café 貴了一點，可能是廚功，也可能是食材的緣故
架架仔一向愛吃雞，就選了燒雞扒配香草包糠午市套餐包沙律/餐湯及飲品
選了哈密瓜嫩菜沙律，味道頗清新的
黑醋略嫌不夠，酸度可調高一點
菜真的頗鮮嫩，哈密瓜也十分爽口，帶點甜，感覺頗清新的吃過沙律沒多久，主菜也送到
雞扒不算太塊，味挺香的
皮煎得十分香脆，面鋪了包糠
雞肉十分嫩滑，不太油膩，頗滿意的
只嫌份量略少，男士們未必夠飽肚茶味不算很濃，但也有點醇香
整體來說，收貨了

同事點了薄餅，等的時間較長
可幸她覺得味道不錯，足以彌補~

據知這裡的餐單每日不同，也要找另一天來試試其他菜式~

約了一位可愛漂亮的小姐共晉晚餐，見到這間開業不久的小館位置不錯，而且食物好像不錯，於是就決定到這間店試試

店子四四方方，只夠放7-8張桌子，但店內裝潢十分像樓上cafe, 而且燈光柔和，擺設很有格調，不失小館之名，而且氣氛有點浪漫，感覺很是安寧舒適

我們拿到餐牌，決定點份二人套餐

先上來一個前菜，是西班牙火腿蟹肉牛油果卷, 火腿味道香濃，配搭新鮮的牛油果簡直一絕，再加上蟹肉沙律的一絲絲的質感，十分有驚喜

接著便是蟹肉帶子天使麵，帶子雖然不太大，但一口一口吃剛剛好，而且煎得外邊有點香脆，十分可口。 加上醬汁雖濃但不膩，配合幼細的天使麵，令人一試難忘。

其實中間仲有個磨姑意大利飯，不過沒有影相，很有磨姑味，飯亦煮得稠稠的很吁入味，尚算不錯

主菜方面燒魚不過不失，不過仍保持外脆內嫩的感覺，而家配菜亦有煎茄子等，是健康清淡之選

另外一道主菜是肉眼扒，我們要了medium rare, 肉質很鮮嫩多汁，而且牛肉味豐富，留在口內久久揮之不去。

最後是甜品，芒果tart 和朱古力蛋糕，芒果很酸，而且個tart好像檸檬餅味XD
至於朱古力蛋糕很香甜，而且很有質感，算是一個不俗的甜品

下次有機會，會再來幫趁~

幫襯0左三次. 當周圍都係連鎖式餐廳, 特別喜愛呢一類小館, 無華麗0既裝修, 只有cozy0既感覺, 四圍仲擺0左藝術品, 好舒服!!
仲有老闆娘好親切0既招呼, 耐唔時介紹下, 傾下計, 所以係我近日0既心水

食物方面呢,........因為只有我同男友,只點0左三個dishes:
1) Pama Ham 及火箭菜=> 因為愛食火箭菜, 所以一定點, Ham 都幾香... ... 但唔係專家, 唔識評係咪靚料
2) 蕃茄芝士pizza=> 芝士好香, 個皮好脆, 上0既時候熱辣辣, 所以特別好味
3) 白酒蜆肉意粉=>0的蜆肉好大粒, 好鮮甜, 仲"索" 0左好多白酒入去, 味道好夾, 我食0左80%蜆肉
但0的意粉略硬 (男友話正宗意菜0的意粉係較硬身, 只可惜我喜歡軟一點)

無為意有dinner set, 所以散叫, 相信叫餐會更為抵食

今晚同女朋友仔去左中環shopping, 本來諗住去我上次個客介紹既Le Coin Cafe, 不過佢地今日有party, 所以無法招呼外來賓客, 結果去左另一間都係食意法菜既cafe, La Casa Bistro, 返到屋企查返字典先知 Bistro係家既意思...

出電梯口, 即刻見到一棵樹, 入門口亦大大隻字寫Cash Only, 我明, 要比cash...fine, 我唔mind的^^

環境幾好, 少少既燈光, 得一個菲藉外傭做waitress, 問佢識唔識聽廣東話...結果話, i dont know... 所以我都係要係我女朋友面前表演下我d唔喊唔淡既英文

餐單晚餐只可散叫, 點左 香蒜白酒大蜆扁意粉 同埋 黑松露雜菌意大利飯, 冇叫飲品, 諗住咁近7-11, 轉頭買都可以

先黎麵包, 可點意大利黑醋或者欖油, 抵讚, 食完後都有好似其他意大利餐廳咁問要唔要refill...當然要啦, 因為包真係唔錯

好啦, 等左15分鐘左右啦, 香蒜白酒大蜆扁意粉先黎, 我地已經好餓, 馬上開動, 但份量...好似少左d...賣相ok的, 食落去, 扁意粉質感我覺得幾好的, 但我女朋友即刻吐出黎, 原來大蜆(不過一d都唔大隻)有好多沙, 同埋, 我同佢都有一個反應...好口渴, 究竟落左幾多雞粉/味精呢?

食完後, 5分鐘左右, 黑松露雜菌意大利飯亦都到左, 賣相非常棒, 好多菌粒, 唔太多cream既感覺, 因為我其實都幾怕多cream既...食落去, 啖啖菌粒, 好味, 不過飯粒既咬感就真係好奇怪, 有d硬有d散, 我問我女友, 佢話, 呢d係溝飯既結果, 不過唔知佢地係點溝呢? 我就唔係咁中意呢種咬感啦

口渴問題, 仍然好犀利, 我都係忍唔到落去買野飲, 結果係度叫左杯Grapefruit Juice, $38, 點知, 只係得半杯, 仲要係用矮身酒杯裝, 我即刻呆左...

雖然味道唔差, 不過我諗冇下次啦

兩星期前，我經過中環皇后大道中永隆銀行附近，順道看看皇后大道中118號這座商業大廈有什麼新餐廳？ 發現有間新開的餐廳 <La Casa>， 當然急不及待要試試！

首兩個星期是試業 Soft Opening! 5月19日 (星期六) 是 Grand Opening!

店名 <La Casa>， 原來這個名字在意大利文的意思是解作「家」！既然樓上餐廳給人舒服溫馨，好像家的感覺，店主索性將店名改成 La Casa，名字自然適合及貼切！第一次幫襯，我有幸見到老闆娘帶她的媽媽及眼大精靈的 BB 女，三代同堂的畫面！幸福滿瀉！

這裡環保地用上一手 <Season Cafe> 的木餐桌椅，牆身以黃色為主調，洋溢一室暖意！ 更以小植物點綴，倍添朝氣！起初，以為老闆娘在意大利買回來的圖畫，原來這些圖畫得來不易！竟是她朋友的畫作； 看完電影後，把電影情節以圖畫畫出來，意景非凡！ 另外，窗前的酒樽，同樣是她朋友的自家設計傑作；那位朋友喜歡飲酒，於是在酒樽上畫上有趣的圖案！不知道，還以為購自哪個國家呢？不但環境開揚雅致，而且可看到一大群鴿子圍繞中環鬧市飛過，場面壯觀！老闆與老闆娘開設這意大利餐廳，是因為他們喜愛煮食！實行把樂趣演變成生意！可樂在其中！ 主要供應意式私房菜！

午餐選擇是大路意式及西餐，各款午餐是貴精不貴多！價錢全為 $100以下；每星期轉款一次！為食客帶來新鮮感！ 另設加一服務費！

不得不提的是，唯一一位菲籍女店員親切又主動！第二次幫襯，我還了朋友來！她好像認得我似的！

不論週末抑或平日午市，食客不多，無須等位！

Lunch set : 包括餐湯、主菜、飲品

帶子蟹肉車厘茄意大利飯 $76
意大利飯 Risotto 帶嚼勁的硬！可能很多人未必食得慣！ 難得這裡的車厘茄是高質素，多汁、又鮮甜兼帶天然酸香味的口感，很是討好的！兩者配合之下，入口甘香油潤！香味濃郁！配料所用的蟹肉來自意大利，只是比新鮮蟹肉差一點！已是不錯的貨色！鮮帶子煎至金黃，依然保持嫩滑多汁！整體豐富口感層次！千層蟹肉牛油果蕃茄沙律 $68
別出心裁之作！牛油果本身食起來好溜！蟹肉帶出鮮甜味，正好起了中和作用！很軟滑！ 兩者出奇地夾配！蕃茄切片上可減輕酸度；她卻向師傅反映，蕃茄不夠凍！師傅稱有位意大利籍廚師告訴他，蕃茄在室溫底下，最能發揮其本身甜味！ 伴上色澤深綠的火箭菜，顏色鮮明！8 吋 Pizza ： 車厘茄水牛芝士Pizza $68
即叫即做，保證新鮮！ 就算等上 10 分鐘都值得！
這是Napolitan style (拿波里口味) Pizza！Pizza 薄得來帶一點煙韌口感，富有麥香！Pizza 底夠香脆，成 8 吋長！一人份量剛剛好！加上車厘茄、菠菜、茄膏及水牛芝士烘焗，芝味香濃帶菠菜的清新！真惹人垂涎！ 同時，菜可吸收油份，減少油膩感！發覺簡單配搭也很美味！ 拿著來食，別有一番味道！
蒜茸包
剛剛送上時，外脆內軟！口感十足！真是滋味無窮！ 蒜茸味卻不夠突出！

雜菌湯
平時在其他餐廳喝到的雜菌湯/磨菇湯，磨菇切成片狀；這裡做法則打成蓉，混合湯上面的橄欖油，質感濃稠。雖然缺乏一點口感， 但是味道更為濃郁取勝！而且溫度理想，充滿菌香！ 加入黑椒粒碎，增添惹味！Cappuccino
用上輕巧細小家庭裝的咖啡機，Cappuccino 看來似模似樣！自己忙於拍照之際，輕盈的奶泡迅速爆破！ 對我來說是不及格的！ 表面灑上朱古力粉，奶泡入口增添朱古力的香甜味！沖調咖啡的溫度滿意程度，讓咖啡香發揮得淋漓盡致！一試之下頗香醇且帶點甘，咖啡味道尚算突出！入口順喉！甘筍湯
天然橙黃色的湯，非常亮眼！ 以濃甜細滑形容最為貼切！ 個人很欣賞的是甘筍蓉打得如此幼滑，味道天然！濃郁甜美！令人喜出望外！烤雞南瓜沙律配香草醬 $78
喝了大碗湯已半飽，這時沙律來得正好！ 以平碟盛載，看來幾大堆頭！ 各種沙律菜及南瓜，顏色奪目！令人胃口大開！
配料主要為車打芝士、南瓜、沙律菜、烤雞，相當豐富！ 用上天然香草醬，沒有常吃的沙律醬那麼油，酸香醒胃！與新鮮爽脆的沙律菜十分匹配！ 烤南瓜伴以黑椒粒烤焗，清甜又刺激味蕾！ 烤雞帶微溫，並非嫩滑又不算嚡口！西冷牛扒配香辣蕃茄意大利飯 $98
即煎即吃，那有不好吃的理由？上枱時一陣陣香氣四溢，實在令人垂涎三尺！ 半成熟的西冷牛扒中間帶著嫩紅；但入口感覺郤有點兒失望，食起來有點韌！而且肉香較淡，味道只屬普通！未見突出！
凍奶茶
冰涼透心！這個茶味與奶味平均，可惜好像飲糖水，有進步空間。

此店子確有實力！讓我們細味住家 feel 心機意菜！