快船廊

Open Now

Now Closed

時段分別有6:00-8:00 以及8:30-10:30，我是選了8:30的一場 可能因為我是優惠期第一天去，就算我尾場也覺得環境很不錯 不會人頭湧湧還在等上一場的人離開 整體用餐體驗不錯，食物選擇雖不算多，但海鮮和甜品都挺好，其他品類中規中距 食品refill 很快，食品也很整齊滿滿的擺放 服務及其他食客都挺好，食品區以及用餐區域普遍都很寧靜有序 海鮮和甜品是重點!!如果不吃這兩類就真的別去，其他都一般般龍蝦好大只好多籽和膏，肉質緊實有彈性，不乾 龍蝦鉗超好吃！！可惜一大缺點是只有提供剪刀沒有鉗蟹腳也算多肉，多汁不乾，但不算很鮮甜 這個場的品類不多，但甜品卻反比例地好多! 而且有不少款式都是平日afternoon tea的甜品車中出現過 每款味道都不錯，簡直好似食左一次 afternoon tea嘿嘿

今次去左老牌酒店 食自動餐👍🏻 質素 環境都好好 -海鮮類好多都有 龍蝦都有生蠔幾有誠意 有3款種類 蠔大細適中👍🏻👍🏻-日本壽司位做得幾精緻 好新鮮 -熟食 唔算好多 傳統菜式 加熟食粉麵檔 好大驚喜係有原隻海南雞飯 😀-而佢地既甜品🍮 係出名好食當然試試佢佢既芝士蛋糕 好軟綿 雪糕款幾得意 有海鹽味 wasabi green tea 味都有-值得一讚係佢地既存放甜點既方式好靚 環境 好優雅 好有以前上海廳既感覺環境好清靜傾計一流❤️😚-Ps: hsbc card可有8折 以上絕對唔係廣告 人頭費$600一位（折左）原價有約750幾-

之前到訪過，正價，全時段，食物ok，不過無海南雞，食物供應正常。今次見網上平台有優惠，再來試試，首先是限時2小時，分兩個時段，選了首輪18:00-20:00。凍海鮮類，龍蝦🦞長期要排，排咗都未必攞到，因為refill 得好慢同每次補得唔多，鮑魚，未開始攞食物時，見過一次，之後未見過實物😅。甜品區，雪糕區域，聽到有客人要求安排職員𢳂雪糕，職員竟然回答，遲啲先開始有雪糕，要耐心等候，五星級酒店自助餐，竟然個雪糕枱係無職員，就算有客人問，都唔會安排職員去雪糕枱，限時兩小時，食物refill得慢，連雪糕都唔係一開始就供應😡好多酒店，見到有顧客企喺雪糕枱前，都會主動搵職員去服務，呢度就會話俾你聽，晏啲先提供🤨不過啲雪糕，都幾好食😆有開心果味🍨😋要讚吓嘅，佢個海南雞、豉油雞 & 印度咖喱雞都幾好食👍抵唔抵就見仁見智啦🤓

唔知係唔係做緊優惠，所以食物種類少左咁多我是因為landmark bespoke 啲分到期諗住用左佢（上年都係為左用啲分所以同家人來食)，所以叫做比正價，二千幾蚊兩大一小。上年啲食物種類比較多，熱食都多款，而海鮮係不停refill，今次竟然連龍蝦都不停被清倉，出去幾次都攞唔到🥹。呢度係文華喎，唔係cheap cheap buffet 嘛?連熱食打開都好多empty (暈) 最後大家都食得好少，失望而回 。下年啲分真係唔好咁晒😅因為二千幾蚊係真係當現金洗，趁Harvey Nicholes 未執笠用黎買下野好過！Service 方面，明顯唔夠人手，我地已經食得少，慢慢食，都冇人收碟😅😅😅

這間酒店的自助餐算是甚有歷史，裝修雅典但畧嫌老舊。甜品種類頗多且水準不俗。冷盤海鮮種類符合基本要求，但未見特出，擺放位置亦畧嫌擠迫。焗蠔尚算泡製得宜，但熱度不足。其他大路食品，質素中規中矩。整體而言，自助餐的平均水準中規中矩，但未見很特出。冷熱盤種類及質素祗屬一般，比較特出的是甜品，種類多且質素高。取食物的地方亦畧嫌擠迫，人客多時容易碰撞，部份座位頗算舒適但部份座位寬敞度不足，枱與枱距離畧嫌太近。

網上平台有優惠買一送一，所以最近有慶祝活動就簡左呢間黎食Dinner Buffet以前食過覺得唔錯，所以就算無生蠔都選擇左呢間黎翻兜!食之前睇過食評話好多人，位好窄， 同埋拎野食都好易撞到其他食客食評就比較參差，有好有唔好，所以無抱太大期望。由於我地係食平日既6點鐘時段，無預期咁多人，亦有早幾分鐘就比我地份座坐下先。用餐時段2小時，一開始個個都會搶海鮮，👉🏾海鮮款式有: 龍蝦、蝦、麵包蟹、蟹鉗、長腳蟹、青口、鮑魚、螺；質素整體黎講正常發揮，不過就無膏唔算超級肥美，但我覺得都好睇季節時期，所以無失望；但普遍較鹹。第一Round見到咁多人排絕對唔需要人排你又排，因為員工Fill得好快，而且Ｄ人拎完第一輪都要D時間拆殼食，可以拎下其他野先。👉🏾冷盤另外仲有魚生，壽司，沙律。我覺得就唔算好新鮮，所以唔多提熱食就令我失望，比我想像中少好多，亦都無咩邊款令我覺得好好食。Counter位置有👉🏾海南雞飯、豉油雞，因為我只食雞髀，所以幾滑口，但佢地主打既海南雞反而唔夠豉油雞入味；另外我最欣賞佢髀同胸分開，可以按自己喜好夾，唔駛係個碟到撩黎撩去。👉🏾龍蝦粥比佢既殼呃左， 以為兜粥有好多殼會好鮮，但食落只

在某一優惠網站上發現文華東方酒店自助餐做特價，只係需要$42x一人，價錢十分相宜，一於去一探究竟🤭芝士麵包區芝士種類好多，有八種，質素非常高，麵包種類，亦都非常之好食，有個小焗爐可以翻熱海鮮區有龍蝦、麵包蟹、螺、蝦、長腳蟹，龍蝦及麵包蟹質素十分不錯☺️龍蝦肉質彈牙有鮮味，麵包蟹亦好多膏，但係長腳蟹肉質好鬆散及味道都不太好，沒有鮮味😟沙律及凍肉區選擇不太多，質素平平甜品區只影到一部份，現場係十分多甜品種類雪糕區全部是自家製雪糕，試咗檸檬🍋雪葩十分清新，雲呢拿雪糕🍦亦非常香，士多啤梨🍓略嫌普通不過因為可能係特價關係，所以分咗兩場，每場只有1.5小時，所以比較趕😅但是食物質素1十分不錯，性價比好高😌

網站有優惠，買一送一，所以立即買。 呢間酒店嘅自助餐想食好耐，畢竟佢算係老牌及出名的酒店。 今次優惠分兩段時段 (6pm -8pm or 8:30pm - 10:30pm)，我揀咗第二段。裝修較舊式，但服務員好有禮貌，不論係酒店前台或餐廳侍應 👍🏻👍🏻👍🏻👍🏻食後感： 平心而論，食物一般，冇驚喜，少選擇，熱葷、沙律、冷盤全部少選擇，如果正價嚟食，我唔會考慮； 反而甜品有好大驚喜，多選擇、好味，最有印象係橙朱古力條，好好味，曲奇都好食，仲有好多朱古力製成甜品，唔太甜，正 😋😋😋😋

情人節想食大餐慶祝諗左好耐食乜見其他餐廳都好貴咁岩見到KKday文華快船廊有做緊66折優惠人均都只係600幾 仲平過出面食二人套餐於是決定試下佢我地食第二輪8點30未夠鐘8點15去到 樓下已經好多人坐係大堂/排緊隊等上去個個一開波都衝去影相🤣🤣海鮮有蠔蝦蟹鮑魚螺青口 都好新鮮魚生都勁多種類同refill都得好快熟食有羊鞍 牛扒 燒雞 澱粉類太飽都無點食湯有中湯西湯都好好飲 好夠響螺味甜品勁多選擇 又有雪糕堅係飽 但一開頭見唔到有龍蝦臨食到尾 見到有 即刻衝去拎黎食大滿足 服務幾好 侍應都常清碟包每位一杯餐飲驚喜是有送cupcake及一枝花今年男朋友送禮物無買花所以收到果下都好warm 貼心 滿意👍臨近新年 酒店樓下都佈置左好多靚裝飾食完野都有周圍拎住枝花影相今個情人節很滿足

焗蠔上碟是凍的，海鮮應該無洗無整理就蒸熟上碟，連內臟屎都有一大堆（如鮑魚及蟹），見到都❌唔想食，食物款式又超少🙄，又無新鮮水果供應，只有一盤糖水浸的果粒😵‍💫⋯唯有甜品幾好雪糕都好食，但雪糕筒受潮唔脆唔好食⋯令到我家人極為不滿，我阿爸非常激氣，評價為未食過咁差的自助餐😡…另外，門口截的士員工也無理客人，一直無的士駛入，但他也只顧跟同事傾談，直至傾完才街到路邊幫我們截的士

之前銀聯卡有優惠，簽夠數就可以平D享受呢個high tea。呢個tea set食物種類同份量都不多，但每件食物都有質素，最欣賞係蛋糕真係唔會太甜，可以慢慢享受。fruit tart同芒果cake好味道，mousse同cream好滑，口感好好。出去high tea好少會覺得scone 好食，呢度的scone我竟然食曬，比較濕潤不會乾身，可能本身因爲成個set都不多食物。整個體驗美中不足係份量較少，如果多D食物就更好。題外話，餐廳比較細，窗又細望吾到咩景，不太適合喜歡打卡的人。但追求食物質素的話可以一試。

個時間就有好多自助餐廳推出左半價優惠基本上四百幾五百就可以食到五星級既自助晚餐食完argo之後其實都停左一陣無食buffet但係就因為慶祝生日去左文華東方既快船廊餐廳之前係klook長期隔一陣就會做個優惠出黎咁klook聲稱個73折平日自助餐價錢就係550蚊一位再連埋果期做緊citi信用卡優惠可以減200蚊即係每人450就可以食到六星級酒店既自助晚餐同半價無咩分別雖然alfred都話呢間自助餐差左好多而我食過早餐都知餐廳格局本身就麻麻地全部野都係搭出黎但係老婆話未試過就順下佢意啦其實當時仲有garden lounge可以選擇又係長期做緊5折不過唔知係咪暑假關係就停左個折扣所以最後都係去左文華東方食飯快船廊自助晚餐時間係由六點半食到十點三個半鐘小時而我地差唔多七點先到所以係得番三個鐘時間我地次次都係商場果邊過黎因為電梯都係果邊方向但原來正門其實係樓梯果邊有個櫃位係度以前都認識過餐廳格局當時武肺年代都仲有屏風隔開張檯而家無左武肺之後就無晒屏風位同位之間既距離就變成伸手可觸左右位講既野都全部聽到晒而且二人檯都差細張好似擺少少野都會無位咁更加唔會有空間可以放籃擺袋不過六星酒店都仲會有植物擺檯做

見有買一送一加上個女生日即刻買左入到酒店感覺好舒服係好老派果種貴氣環境好寧靜雖然嘢食款式唔多但都算高質拎野食既區域都乾乾淨淨服務態度又好侍應好親切成個體驗我覺得好舒服

又到聖誕，都想同朋友食個聖誕下午茶傾下計👍🏻雖然賣相唔係好誇張華麗，但食物水準真不錯👍🏻聽講文華既鬆餅好出名，所以就第一時間食佢，果然好鬆化，又香又唔乾，岩岩好，加上果醬味道好特別，好香！好鐘意！三文治每件都係好食，而且味道款式都幾特別三層架上既甜品每一件都好大件😆而且係好好味😋係酒店既水準，最鐘意中間既朱古力慕絲撻，中間係流心既，又唔會好甜👍🏻叫左伯爵紅茶同果香薑茶，兩款都好有茶香👍🏻再叫多個牛肉三文治配薯條，正常高水準發揮👍🏻薯條香脆，三文治麵包都好香同好脆，餡料都好新鮮好夾。有多款茶選擇👍🏻總括而言，文華既下午茶食物水準好高，每樣野都好食😋不論鹹點甜點都各有特色，茶亦好飲。環境坐得都幾舒服，雖然全場滿座但都唔覺得迫。服務態度亦唔錯，會滿足你需要。下午茶官方價錢$848兩位再加一，亦可係其他平台book 就$6xx兩位，同朋友舒服傾下計，食個好食既下午茶都幾開心🥳仲可以係酒店同聖誕樹打卡影下相，文華東方酒店都係唔錯既選擇👍🏻

其實我真係好少寫食評，不過聖誕節想試吓文華high tea⋯⋯星期六，book 左位，原來冇乜客，order 左 festive afternoon tea, 可惜D三文治唔合我口味，蛋糕is ok，杯茶就暖嘅，唔夠熱！$848 for two 感覺有D貴，可能我唔識得欣賞