長發麵家 (Moved) New Location

終於可以試一試, 係好味, 好有大排檔FEEL, 有懷舊感.魚蛋, 雲吞, 水餃, 墨魚丸都試過, 好味, 湯需要比較清, 但非常適合我.樣樣都可以, 但分量實在太小, 麵只有3-4啖便吃完, 魚蛋好細粒, 只有5粒. 我不太大食, 但一碗麵一定唔夠飽, 要叫兩碗才夠飽, 30X2的話, 要60元才吃飽實在有點貴, 比起麥X等貴價雲吞麵還要貴. 個人覺得可以用大些少的麵餅, 最起碼要食得飽. 

石硤尾鉄皮大排檔裝修，結果長發入左屋不试多時，質素保持到今時今日仲係用大地魚做湯底，湯好鮮味，味精不多，食完不太口喝 墨魚丸爽口彈牙，有鮮墨魚香，配湯浸入墨魚丸及河粉中，河粉亦煙靱有口感，保持水準。牛筋河亦好味，牛筋腍而有彈性，牛腩汁加濃湯底味，河粉吸左牛腩昩又另一種風味。

豉油皇撈麵 ($32) 呢碗豉油皇撈麵梗係唔止豉油咁簡單😏，撈勻佢既時候已經陣陣豬油香飄入鼻😍。正因為加左豬油，食落又香又滑，麵質彈牙，而且條條分明，絕無打結。豉油亦唔係死咸個種，帶少少甜味，而食落又咸香十足👍🏻。枱面仲有麵家自製辣椒油，加幾滴又變左另一層次😻，岩晒愛辣人士。不過份量就少左啲，不妨加份配料或者直接食多碗啦！

結婚之前住在石硤尾區大約十數年左右，慢慢的看著區內的變化：區內的大規模拆缷及重建，近年的石硤尾續漸被一幢幢新型屋邨覆蓋著⋯⋯⋯區內其實人口老化問題頗為嚴重⋯⋯（在此不多談政治⋯）婚後雖然搬離了這區，但閒時也常找藉口回來，再尋回昔日美好的回憶（之一當然時美食了！）耀東街—一條不足一百米的小街已經有著眾多能令人回味無窮的排檔及餐廳：萬發、鴻記、蘇記及長發等⋯⋯⋯今晚就我倆就刻意由荔枝角一直徒步到深水埗去覓食，但可惜七時多的福榮街已是人頭湧湧，所以只好決定再走多兩步到石硤尾耀東街的排檔解決晚餐。最後我倆屬意到街口的長發麵家，因為都對它的招牌—豉油王撈粗麵。長發有幾樣招牌貨：手打墨魚丸、豬手及豉油撈麵。近年物價上漲記得其中手打墨魚丸由不足一百元一斤，已經漲價至一百三十元一斤⋯一般麵食如牛腩麵，魚旦麵等，亦已經漲價至三十多元一碗⋯今晚我倆各點了豉油撈粗麵、炸醬麵及芥蘭「走油」配牛腩汁等作晚餐。 其中的豉油撈粗麵真的是百吃不厭~店家會在淥麵後加上罪惡但令人無法抗拒的豬油，簡直有畫龍點睛之妙~彈牙的粗麵再配以濃郁的醬油，及充滿大地魚香的湯，不用多久便將它吃光了~~ 而炸醬麵水準亦非常滿意，微

凌晨揸車經過深水埗， 心裏突然想起豉油撈麵，叫咗個豉油撈麵加底，豉油很香，麵好有蛋味，一碗淨墨魚丸，非常普通，同係屋企自己整差唔多，一罐可樂， 埋單80幾蚊，有點小貴！

評語：價錢略貴而量偏少深水埗的耀東街，離深水埗地鐵站稍遠，大概要走10分鐘左右吧，其實已接壌石硤尾範圍了。這條街短短卻有好幾家碩果僅存的鐵皮屋大牌檔，例如蘇記的豬扒麵豬潤麵，強記的小炒及烘發油器粥店 腸粉油炸鬼都頗出名。這裡畢竟是大排檔格局兼舊區，環境衛生絕對欠奉，純粹是去回味香港早年孩提時代的感覺藏身耀東街的長發麵家是香港傳統綠色鐵皮屋大排檔格局，廚房、雪櫃及用餐皆是在路邊上。埋邊近行人路放上幾張摺枱加幾張圓凳就是進餐的地方，地方比較污糟，亦無冷氣，所以大家對衛生的要求也不能太高，這叫做風味。綠色牆身掛上了手寫的菜單，而長發以豉油撈麵聞名，自家製的魚蛋及墨魚丸亦是必食推介，魚蛋堅持手打有鮮味，而墨魚丸加入墨魚碎貨真價實，炆豬手、牛腩也一樣出色。根腩河粉HK$32牛筋腩煮得夠稔兼好味，河粉也新鮮爽滑，只嫌唔大碗，食完算可以頂一頂個肚，飽就唔飽架啦..秘製豉油撈麵HK$32長發以豉油撈麵聞名，麵身爽而彈牙無鹼水味，而豉油鹹甜適中，加上豬油的濃香，混在一起就是絕頂的好滋味。多吃當然會膩,但久不久吃一次,真讓人回味無窮呢。沒有任何配料的協助，只是單單用甜醬油加一點點豬油去拌勻，更能好好品嚐麵

在圓方看完電影後，已晚上十時多。商場內的餐廳早已last order 或關門，餓著肚子的我倆只好轉戰其他戰區，尋覓我們的晚餐！經一輪討論後，我們選擇了能充分體現香港地道生活及味道的深水埗。長發是香港舊式大排檔，廚房、雪櫃及用餐皆是在路邊上。一張接枱加幾張圓凳，便成為了我們用餐的地方，不知道這種擁有香港特色的大排檔，還能維持多少年...門口豎立了一塊板，寫著：「自製魚蛋。墨魚丸」。就是「自製」這兩個字，我毫不猶豫的，便點了墨魚丸麵！自家製墨魚丸有馬蹄粒和墨魚粒在內，不但鮮味，而且爽口彈牙! 麵條煮的時間剛好，煙韌有咬口，配上清甜的韭黃湯底，一絕!男友想了半天，還是掙扎著，因為他本來不太喜歡豉油撈，但開飯大字典內很多人也推介，最後，他還是跟隨了大家的意見:「老闆，加一個豉油撈麵，另外要一份菜心腩汁！」一開始會想，為何一個齋麵會有如此多魔力，令食客如痴如醉! 但當嚐過一口後, 便會明中箇中原因! 由於沒有任何配料的協助，只是單單用甜醬油加一點點豬油去拌勻，更能好好品嚐麵的品質。麵條吃起來沒有鹼水味，鹹甜適中。另外由於加了豬油的原故，令麵條變得更香更吸引。昔日的我，只會簡單的點油菜，但由於咀刁

長發既魚旦唔係一般機造出黎一餅餅方形嗰啲, 係一粒粒圓形既, 彈牙有魚味, 令人成日心思思想黎食碗, 有時我會買半磅返屋企煮麵食, 真係好好味, 我見有啲食客一碗唔夠喉會另外再叫碗淨魚旦黎食。另外呢度既豉油撈麵都好出名好好味, 落左豬油落去撈, 超香超好味, 不過我今次一個人食唔哂所以無叫到。食唔到多個麵都掛住嗰陣豬油味, 所以都叫左個韮菜花食, 都有落到豬油上面, 韮菜花超嫩超甜, 一啲渣都無, 我眼見個個都會叫。環境就一般大排檔feel, 但我反而鐘意呢種地道既感覺。啲伙計好友善, 有時會同你傾幾句添, 有時食野就係想食到呢種人情味吧。

呢d大排檔，係香港都所剩無幾，環境衛生係無乜架啦，純粹都係想去食番細路仔果陣，去大排檔食麵果種感覺......同埋坦白講我對而家d潮式牛腩麵真係無乜好感，都係呢d大排檔果種柱侯牛腩至岩我~自問唔係食家，覺得味道是Ok的，好食過出邊d乜乜麵食好多倍啦~  我得閒會再去食!

依到D大排檔,露天檔,真係唔知幾時拆,趁食左又記得就寫返次依間野食左好多年.當年十幾蚊食到依家原來已經要三十蚊碗.當年幾十蚊斤魚蛋食到依家百幾蚊斤叉燒咁既價.墨丸河.墨魚好像少了以前綠色像蔥的味道,老公覺得仲係唔錯,我覺得好似差了.湯底有好香大地魚味,河粉晶瑩通透,粗幼是我最喜歡的,繼持到水準.不過份量大打折扣,我5點食下午茶都覺得唔夠.我同老公都覺得自己食到3,4碗.根腩河正正常常,不過感覺還是這裡的魚旦魚片墨丸炸醬辣椒油比較出色.牛腩是比較硬身,牛根焾但仲有個型係到.今次無叫魚旦魚片,因為經常買返去食,見住佢自家製剛炸好,買回去,感到特別好食.可能以前食得外賣多.自從之前買魚旦魚片或外賣發現無左細包自家製辣油拎走後,食返次堂食.感覺好多味道都只在回憶.不過我老公覺得佢水準仲OK.這類檔買少見少.有得食就好食啦.

下午到訪長發,同行二人。由於首次到訪，心大心細， 想試多幾款。由於旁邊有另一檔小菜為主的排檔,男朋友又是黑洞級。本想淺嘗長發,再戰旁邊的排檔。點知第一站已經失守咗。試咗以下幾様 淨墨丸餃子及淨魚旦雲呑餃子☁️耳爽脆，三口才食完一隻，淡淡麻油香,好好味。墨丸比較淋，無墨魚粒粒的𡁻囗。魚旦比較旦牙，白色潮洲果隻，雲舌大少剛好。撈麫好香，d麵好彈牙，韌力夠，無梘水味。另有一碗大地魚湯，好清正接，無其他地方庸姿俗粉的感覺。見到伙記勁有heart 咁招呼我吔,再追加咗牛腩, 好啉身，有根有腩，味道同我家的口味近似，d汁比較多，可以用來撈麪。全餐下午茶的亮點在辣椒油，令唔食辣的我哋都要咗兩次。用上野生辣椒，香味來得好細膩，有層次，提昇咗雲呑的鮮味。鋪面裝置好有電影感，是香港大排檔的代表，座位是圓枱，看到老師傅手起麫落的功架，難得伙記又唔做作，人又唔太多。好開心可以在一間傳統大排檔有些空間欣賞昔日的香港。

人在深水埗想吃東西, 跳入腦海之中的都是一些豬腸粉、豬潤麵、蛋牛治、豉油撈麵... 要多地道就有多地道。雖然心知這區也有不少拉麵店進駐, CAFE也是愈來愈多。但固執地, 還是認為港式小食最襯得起深水埗。是晚來到了耀東街的長發麵家, 就是為了吃碗麵。能來這裡吃東西, 自然不期望衛生會多好。但老實說我覺得它的枱面比一些茶餐廳要更加乾爽。來人多是叫碗麵, 快快吃完就走, 所以也不愁擁擠或沒有位坐。對我來說這碗麵是必吃的。麵身爽而彈牙又條條分明, 不會在碗內打結。豉油味香鮮甜, 加上豬油的濃香, 混在一起就是絕頂的好滋味。多吃當然會膩, 但久不久吃一次, 真讓人回味無窮呢。是次沒有點自家製的魚丸和墨魚丸, 而是點了水餃。有別於坊間大路的水餃, 餡料用的是木耳、蝦和少量豬肉。吃到口中就是特別的爽口! 料子用得多, 感覺就很豐富了。會是想吃得清淡一點, 這會是你的選擇。

呢晚我倆口子煩緊放工吃什麼的時候, 好在有神級Openrice app search 之下, 比我搵到呢間好評如潮的食店, 一直想試, 一於就帶老公專誠搭車來吃啦~蒲到上址以為都會幾多人, 點知完全唔多人, 得1, 2個客人罷了....雖然知道呢度最出名的是豉油撈麵, 但我地都是無點, 一向是魚旦控的我都無睇價錢就叫左一碗魚旦河, 一碟根腩撈麵, 一碗淨雲吞, 一碟菜芯同2支可樂, 唔洗2, 3 分鐘就全部來齊晒, 勁呀~魚旦河: 個湯好清我就麻麻地, 反而河粉就幾好, 唔會太滑身, 有少少鞋鞋地我鍾意, 魚旦同魚片的味道都ok, 質地同口感都ok, 但就唔係講到咁頂尖, 而且份量的確少, 細細粒魚旦, 薄薄的魚片, 各3粒3片, 河粉2, 3啖就吃完, 望吓價錢原來$30!!!  (咁的價錢早知吃九龍城德昌, 人地只是$28 仲正好多)根腩撈麵: 味道都ok, 根腩嚴格來講得果3舊仔, 其餘都很碎散, 而且都幾肥, 幾多肥膏, 唔太多肉吃得到, 而個麵質都ok, 只是個撈麵就真是好少, 以為撈麵的份量正常都會多過碗湯麵, 點知都是吃2, 3住就吃完, 吃完先知價錢嘩$43!!! 淨雲

本人相當鐘意會雲吞麵，元朗好到底，灣仔永華、佐敦麥文記、上環麥奀、紅磡大光燈、深水埗劉森記，我全部食均。但係就偏偏未食過長發呢間，於是又去朝聖。點知，超級失望，講真佢哋個麵真係好爽口彈牙，幾有水凖，但係個湯底就完全唔掂，啲師父多都我食完之後要飲2支水先解都渴。我對味精好敏感，所以真係冇下次！

長發麵家，位於長沙環的街邊檔，本人情有獨鍾喜歡坐那些露天呀街邊的，衛生什麼的對我來說反而不是很大影響，反正雜食多年對細菌免疫力已提煉到有一定程度，坐街邊反而感到輕鬆自在呢！長發必點的當然是他們的秘製豉油撈麵了！麵質爽口彈牙，加上豬油香和秘製豉油香，一碗份量其實不是很夠的😛價錢略貴，$28一碗隨送的湯就沒有特別了，通常都不會喝自製魚蛋質素可以喇，他們推介的豬手卻十分美味！！憫得入味而且夠淋！價錢也是感覺略貴，$6x一碟下次再食記得外賣一碗比Daddy試下先～