Heichinrou    聘珍樓  

去東京/ 箱根玩了一個星期﹐東京我住近池袋﹐見到商場有廣告說有家聘珍樓在池袋﹐但卻沒有地址﹐無緣光顧。

回港後﹐本來想去時代廣場滬江﹐但佢竟然粒聲唔出裝修緊﹐結果轉落兩層﹐首次幫親聘珍樓。

看食評才知聘珍樓原來是日資﹐真係睇唔出。

裡面的裝修幾豪華﹐檯很闊落﹐兩個人坐一張四人大圓檯﹐非常舒服﹐暗暗的燈光﹐中間有兩大棵樹作為點綴。

完全是高級酒樓的格局的價錢﹐叫了﹕火腿響鈴夾(每塊$22﹐要了兩塊)、海蜇燻蹄($45)、貴妃雞($70)、清炒峴菜($75)、碧綠海鮮羹($90)﹐連白飯茶介每人200元。

各樣食物都精緻小巧﹐貴妃雞和峴菜都在水準之上﹐唯獨個湯雖然很多料﹐但實在太淡了。

晚上來到時都只有兩檯人客﹐走之前來多幾檯﹐平均三個侍應招呼我地一檯。加茶(從茶壺倒茶落茶杯)、加湯﹐完全不須自己動手。我吃火腿響鈴夾時剛講電話﹐侍應將蜜汁收了﹐到我食時便沒有﹐我輕聲說點解冇蜜汁﹐個女侍應聽到連忙說對不起。

聘珍樓旁邊便是日日大排長龍的金滿庭﹐看到那些人擠擠擁擁的在等位﹐等叫號碼﹐迫迫夾夾的坐﹐甚至可能要搭檯﹐我真的受不了﹗

有時﹐錢的確可以買些舒服﹐買些幸福的感覺。

< Previous Review   |   Next Review >