Made in HK Restaurant (Closed)

呀q成日話想試，無奈次次經過都好多人，今日咁岩我地兩個都得閒，又見唔多人，我地一於拎張飛仔等下啦。其實都唔係等左好耐，我地就有得入去坐。下午茶時間又未到，見到身邊大多食常餐（66），我地叫左一個午餐（芝士牛舌意粉，98）同常餐。餐廳採光唔錯，但d凳唔係張張椅背都有得埃，男朋友想埃下都唔得，牆果邊放左好多茄汁，可樂，淡奶，想扮地道香港feel，但同裝潢燈光唔係好夾，但整體田園feel都幾舒服。佢轉頭馬上俾左個包仔我，又好快上常餐個雞扒羅宋湯通，食落唔錯架，呀q話唔似罐頭湯，不過我成日煮飯食一飲就知係啦。好快又上個意粉，我真係有d期待架，話哂都成舊水個餐，睇落細細份，原來入面收左好多意粉，牛舌唔會太淋，但係都非常軟身有牛味。芝士就同出面茶記既無味芝士一樣，整體份量足加牛舌有d水準搭夠，我俾個合格啦！我地個湯轉左酥皮湯（+20），但個waiter竟然俾左個紅湯加酥皮俾我地，一開個湯真係o哂嘴，只怪我地無問清楚啦。講真邊有人想飲紅湯加酥皮咁異架！上餐又上錯兩次，未食完就想收走我d野食，d待應做野唔多上心，大家小心d。