Cheung Lung Restaurant    翔龍拉麵小籠包  

其實原本就唔洗等既~~~ 但係個門口話要過半數人先入得~ 所以就等夠人就入去坐住等~~~
入面都幾乾淨~ 可能仲係新啦間野~~~ 哈哈~~ D侍應係好快~ 做野快到好緊要...
唔係一個半個係咁...係個個都好急咁.~ 幾攪笑~ 不過都好既... 至少唔洗叫人加茶佢先加囉~ 入面都OK大的~~ 環境不錯... 同埋都幾好坐~
最重要係~~ 無限時你食幾耐~~ 因為而家出面的店~ 都有限時的~ 餐牌和單~ 呢間野都幾多野食... 同埋價錢都ok的~ 我又唔覺得話好貴啦~ 因為都ok大碟~
當然多d人就可以食多d野啦~
張單就係落左單之後會比返D客睇返...睇下有冇入錯單同入少左野...都幾窩心的~
PS: 張單上面D野未齊架~ 因為我加左2次單~XD

好~ 又係食物時間!(中間個格)當然食左皇牌先~試左小籠包~~ 一籠有4隻架... 但係家人快手食左一隻我先記得影相~ 所以得返3隻XD
$26 / 4隻~ 個小籠包幾好的~ 個皮好薄~ 唔係有D地方咁~ 厚到死-0-
仲有~ 個小籠包都幾JUICY架... D肉的味岩岩好.... 所以...正呀.!!!!!!!!!!!!!!

(左邊個格)
韭菜水餃(HK$32/6隻)
呢個都唔錯... 隻餃同小籠包一樣~ 都係皮薄餡靚~ 都係juicy的

(右邊個格)
加單的~~~ 所以唔記得幾錢了XD (好似都係26蚊的是吧~~~)
呢個豬肉鍋貼~~ 都OKLA~ ~ 都係同之前的咁上下~~ 呢個無咩特別!~ 酸辣湯~ (例牌) (HK$52)
都夠6碗份量的~~ 味道OK~ 但是本人覺得不太夠辣~ 再點兒淡口~ 左蒸右炸銀絲卷XD (各$13/1條)
都係同普通的一樣啦~~ 當然唔係實的的~ 鬆軟的~ 不錯.... 其實佢地呢度的包點都真的OK~ 大家可以試下第2D~ 例如牛肉包~ (左邊個格) -> 三絲冷面(HK$42)
幾爽口的~~ 同埋呢度的面全部都係即叫即拉~ 個味道都幾夠..唔錯的~~~
值得一試~~~

(右邊個格) -> 加單的~ 雪菜肉絲湯拉面...
其實佢地呢度的湯拉面有2隻湯選擇~ 一係魚湯~ 另外一個好似都係雞湯來的~ (但係我唔記得左佢係咪指定的面食先有...)
呢個湯拉面同頭先的冷面唔同...個面身唔會係爽口架~~~但係呢個就麻麻地~~ 普通囉~~~ (左邊個格) 雪菜肉絲炒年糕~ (HK$58)
幾好味的~ 味道剛剛好~~ 唔會太咸~~ 但係今次我無食上海炒年糕~ 下次再試下先~~

(右邊個格) 回鍋肉~ (HK$58)
都係唔夠辣~ 比較淡口~ 不過呢度的炒野都OK的~ 同埋食咁咸對身邊唔係太好啦XDD高力香蕉豆沙 ~
唔記得幾多錢~~ 好似都成10蚊粒~
都幾好味~~ 唔係太甜~ 都OKLA~

呢間野我會再黎架~
因為我覺得幾好味架真係