Tonbe    豚兵衛  

平時搭車經過灣仔道見到呢間野已經想試好耐. 就o係1230呢個特別日子同d同事黎食lunch. 雖則要搭車過黎, 但結果係值得既~!!!叫左以下幾款:

1) 麵豉吉列豬排飯定食 ($68) - 包前菜, 生菜沙律, 麵豉湯 同埋烏冬. 前菜係黃蘿蔔乾. 飯雖然睇落好大碗, 不過其實個碗好淺. 好在仲有烏冬同大量菜絲, 任加既麻醬味道超濃, 好鐘意~!! 主角都好好味, 豬排脆得黎又唔會乾, 入面仲好嫩~!配埋2行麵豉, 甜甜的, 好好味~! 至於烏冬, 可以選冷or熱, 我揀左熱野, 好煙韌, 唔係普通o個d cheap烏冬. 呢個價錢絕對係抵~!2) 滑蛋吉列豬排飯定食 ($75) - 包前菜同烏冬. 同事要左冷烏冬. 同事話滑蛋豬排好好食, 上檯都仲係脆. 而冷烏冬d汁又好味, 比熱烏冬更彈牙~3) 吉列雞掛飯定食 ($65) - 又係包前菜, 生菜沙律, 麵豉湯 同埋烏冬. 雞肉好嫩滑. 其餘全部同1)一樣. 唯一唔同係配燒汁, 一樣咁好味. ^^4) 博多風味噌鍋烏冬 ($75) - 豚肉帶肥, 煮左唔會好"鞋". 個湯好有味噌既味道. 個個同事一行5人個個都話好味. 唯一要改善既係上菜比較慢. 有時間一定返兜~!