慶祝元旦去食buffet, 見佢200幾蚊,平平地就試下。

佢個時間係 6-930pm, 我地去到已經8pm, waiter提醒我地要盡快食。

點知去拎食物時, 個廚師已經停哂手唔燒野食, 只係將之前燒好的放在箱內暖住, 我對呢方面有d 不滿law!

食物款式超少呀, 海鮮只有 藍青口同海蝦, 沙律是最最最普通貨色, 亦係得幾樣。熱盤只有炒粉麵, 中西式湯, 一兩樣餸, 根本無選擇可言! 甜品亦只有大路ge cream cake, 黑森林果類, 連我至愛的cheesecake都無! 雖然話係bbq buffet je, 其他菜式都唔駛少成咁呀

bbq : 有雞翼, 牛舌,牛肉, 羊肉, 豬肉, 都是大路野, 我fd 話雞翼幾好, 其他都是一般, 本來有蝦架, 但廚師竟然話燒哂, 所以無得試, 當時才8pm, 搞錯!

冷盤海鮮: 藍青口 + 海蝦都幾鮮甜, 係我成晚惟一比較滿意的, 所以我主要都係食佢地 ~.~

湯: 中湯好咸, 西湯是普通牛尾湯 =.=

熱盤: 飯粉麵我都費事掂, 只試左芝士煮南瓜, 好香芝士味, 不錯

甜品: 普通到爆的cake我無試, 只試左bread pudding, 麻麻, 唔香又唔夠軟熟, 另可以自製格仔餅, 全場最好玩的了, 雖然配料選擇又係超少, 但有得玩,有得食熱辣辣的餅, 所以都ok, 另有杏仁糊, 超行貨, 稀lung lung, 一試就知用果d 粉開的

環境: 間bar ge 環境就抵讚ge, 特別室外果度, 暗暗的有情調, 亦有sofa 位, 同一班fd來飲下cocktail, 傾下計應該不錯 ^^

服務: 有禮, 不過waiter數目好似少左d, 不過都算有效率

總體來說, 太少野食喇! d 食物亦麻麻, 又行貨, 俾200幾蚊食個lunch buffet都好野食好多la!!!