因為有$20coupon所以幫襯﹐之前食crumbs係係九龍灣個邊﹐覺得D乳酪無咩味﹐死甜﹐所以一直無在幫襯過。但係九龍灣食個陣已覺得好大杯﹐料好足。今次係尖嘴店﹐有數位人在我之前排隊﹐望住店員大更大更甘放D芒果呀mochi呀落去﹐再將乳酪堆到高一高﹐真係再次感受到抵食夾帶件既感覺﹗比起有好多同類非自助形式的點﹐實在有天淵之別﹗(詳情請參考本人較早的食評)

因為下午茶時份已食過另一間自助式乳酪﹐所以是次只點了細杯1 topping。原來逢星期六﹐大杯或2 toppings以上就會免費送house crumbs的﹐各位要注意了。(house crumbs係玉桂味碎﹐原來唔係個個人鐘意呢隻味的﹐但本人超鐘意~)topping 要了brownie﹐因為男友係朱古力掌門人...我自己就唔係甘鐘意brownie個種軟林林且非常甜﹐比人覺得好肥好膩的感覺(我意思係﹐我本來就唔鐘意食brownie﹐同crumbs無關﹗﹗唔好誤會)但我都試左舊﹐呢種令減肥中的人內疚之感立即返晒黎...所以其余個D我比晒男友食了拒話非常好味。果然係朱古力掌們人。下次再食的話brownie 仍係拒topping之首選甘話WOR...(真羨慕有D人食極都係條藤甘...)講翻乳酪﹐可能之前食過覺得麻麻﹐今次我覺得有驚喜﹗微酸﹐唔算死甜﹐唔錯﹐幾滑的﹗雖然個杯入面其實係空心﹐但都幾大杯下﹗如果無coupon的話﹐經過我都會幫襯的。

快餐形式服務無咩好講。環境呢﹐頗差。店外有張長檯(四個位)可以坐下﹐但甘多人其實邊可能坐得到丫。個環境差﹐唔係講緊有無得坐﹐係檯面勁多垃圾....我想話呢﹐其實呢D甘既外帶形小食﹐希望各食客可以比少少公德心﹐食完自己執返個位啦﹗見到D人個個食完成檯係杯呀紙巾就拍拍羅友就閃﹐真係好嬲﹗就算食麥記其實都應該自己執啦﹐更何況一個少少膠杯呢D舉手之勞﹖﹖﹖