Saboten Japanese Cutlet    勝博殿日式炸豬排  

同朋友係CWB行街行到咁上下,
緊係要上下openrice搵下附近有咩美食啦~
咦~吉烈豬扒, 岩晒心意喎
日本炸物一向係小妹最愛,
由其係吉烈豬扒, 配埋沙律醬真係一絕,

上到去, 環境好好呀, 坐得好舒服
食野緊係要坐得舒服做大前提啦,
唔係食都食得唔安落啦

D套餐有大中細揀,
岩晒女士們啦, 而且椰菜,漬物,飯,湯都無限添加,
好貼心呢~最後叫左2個小既特上級炸豬柳套餐
一人一份先滋味架麻,

椰菜絲有得配柚子汁同沙律汁, 好好味丫,
食炸物一定要配埋椰菜絲清清熱氣呢,
主菜黎到喇,
咦~唔見沙律醬既? 問問侍應, 佢好快手就拎左2碟仔他他醬俾我,
好好既服務態度
豬柳炸得岩岩好, 好鬆軟唔鞋口,
而且肥瘦又係岩岩好,食落去一D都唔肥膩
呀! 好幸福呢,

反而......白飯就一碗都食唔晒, 浪費左呢

總結黎講, 今餐真係十分滿意
同埋多謝朋友請客 XD