Guangzhou Dim Sum Wong    廣州點心皇   (Under Renovation)

食完個米pizza唔夠喉，就過左黎食點心！黎到大概9點半～點心三揀一，本身米妮係揀焗叉燒餐包、脆皮鮮蝦腸同埋南瓜滑雞飯！點知……店員話焗叉燒餐包同埋脆皮鮮蝦腸都賣晒……真係奇怪，佢營業到凌晨四點，如果d野咁快賣晒，唔係應該再整咩？

咁最尾米妮就唯有揀芋絲炸春卷、淡水鮮蝦餃皇同埋南瓜滑雞飯～

芋絲炸春卷外表就係一個普通的春卷，但係食入口就有香濃ge芋頭味，仲有一粒粒ge芋頭，但係佢又唔係話成個春卷都係芉頭咁單調，入面仲有加左d冬菇、肉碎等，令個春卷唔會咁dry！但係都真係幾熱氣><淡水鮮蝦餃皇個皮好黏，一夾起，個皮就痴住左個筷子><！但係入面有成3隻蝦 ～d蝦肉都仲係好爽，唔會係霉左果d～入面仲唔會有果d肥豬油～好鮮啖啖肉咁，正！南瓜滑雞飯係一個砵咁，其實都幾大碗下ga～當然冇剩係食一個飯咁大碗，但絕對夠食！d雞好滑，好嫩，南瓜又夠冧～都真係幾好！24蚊團購有咁多樣野，仲要咁好食～真係值得推介！