Ma's Restaurant    馬家莊清真館  

今日,我一家三口,約了老友兩公婆出來吃飯,本來想去九龍城食牛肉餅,

但...假期人太多,等車位又耐,最後,我建議帶他們來馬家莊,因為,以前來食過,

印象良好.

今次我們叫了四人套餐,再散叫了一份蔥油醮點咖哩食,另叫了三杯凍豆漿~

套餐有酸辣湯--->>醋落得太重手,好酸啊,盲人飲了也會開眼)

咖哩羊肉 -->>咖哩唔夠香濃,但..肉夠焾身

回窩肉 -->>又係必食之選,味道及肉質一流~

糖醋魚塊 -->>好食,必食之選,魚肉滑溜,酸甜度適中,強力推介

清炒時蔬 -->>小白菜,沒有菜既鮮甜,但...這是意料中事,但..入口沒渣的.

牛肉餅 --->>樣衰衰的牛肉餅,肉汁豐富,有龍城既清真牛肉館的八成半至九成的功力,
唯一唔好既,只係肉汁唔夠濃,再濃D就Perfect了.
(據另一朋友看雜誌介紹,這店是九龍城清真牛肉館的外嫁女開的,不知是否屬實呢??)

蔥油餅 -->> 新鮮出爐,口感唔錯,只是蔥味唔夠香.

凍豆漿-->>都唔錯,不會太甜,豆味夠香,如果再濃D就...一流了~
(朋友本來想叫枝啤酒飲,可是,店主直頭跟他說,這店不能飲酒的,
當然囉,人家擺明係"清真食肆",在店飲酒,不是違反教條嗎??罪過罪過)

椰香雙米糖水 --->>黑糯米加西米,好味又唔會過甜,又健康,正~

今次來唔見了上次來時,坐櫃檯好有Heart問食物好唔好食的那位先生,

不知是否去了新店呢?做食肆的,必須要接受多些食客既意見,才會有進步.

一湯六餸,有飲品,又有甜品,雖然未致於樣樣好食,但..當中都有3至4樣係好食既,都算唔錯架喇~

埋單才$346蚊,價錢經濟實惠.