好耐之前已經聽過朋友講過呢間野好出名
日日都係排長龍.. 坐無虛席..
想試好耐.. 想睇下究竟有咩咁吸引..

話就話六時開始晚市..
我六點到o左.. 裡面已經坐晒人..
出面仲有十幾個人等緊位等等等.. 等o左差不多半個中到我地
一入門口就warn 我地.. "用餐時間一小時"
well.. 其實我係「哦」完就算..
唔通我未食晒d 野你會唔俾我食咩?! 我唔信囉
不過幾bad feeling lor.
但唔理佢照慢慢睇有咩食..其實呢間餐廳坐位唔係少..
(即係呢.. 對比中環豚王.. 佢真係等於人地兩間舖.)
但係地兩個人已經係坐卡位..
其實係佢d 位整得差定d 人分配d 坐位差??
(我地坐ge卡位.. 二人會有鬆動.. 四個人又坐唔落囉)蟹肉青瓜
沒什麼特別的小食.. 其實可以唔試都得蟹肉野菜沙律
都還可以. 唔係好多沙律醬
其實沙律好難整到難食ge炸軟殼蟹
呢個要讚.. 因為佢唔係好乾身.. 又夠味照燒上級豚肉飯
呢個都要讚.. 我朋友話估唔到佢用腩肉..
即係有肥脂肪的..
本身我都唔鍾意食脂肪..
但呢個上級豚肉真係幾ok..
你唔好想像食完塊肉會出現係你肚腩度就無野..上級牛肉凍手打烏冬
呢個真係劣..
唔係d 牛肉劣..
係佢所謂ge 手打烏冬好劣
我真係未食過d 烏冬係咁易斷..
仲衰過福字麵..
好似食粉仔多過食烏冬..
點解會話烏冬出名?

總結黎講..
唔介意等半個鐘之後仲要受氣.. 食一般野ge..
呢度會o岩你.
但.. 唔係my favorite lor!