安平小鎮  

很不錯的台灣餐廳
環境令人感覺悠閒
老闆態度又親切
重點係野食好味
值得再去

今日去行夜街前諗住填飽個肚先
打算附附近近是但搵間野食下
但又唔想食mcdonalds
見到住個度對面有間台灣餐廳
睇下個menu覺得d野幾岩食就入左去
本來唔抱太大期望
諗住粗粗地食d野快d去行街

間野細細地 但環境唔錯
門口係露天茶座 有4-5張檯
入面有5-6張檯
同媽媽揀左入面既檯黎坐
牆上掛左d台灣既相
又播住鄧麗君d歌 感覺幾舒服
打開個menu都發覺老闆幾有心思
有個小故事介紹店名由來

點左
安平三杯雞
培根高麗菜
炸豆腐
白飯

雖然叫左野食之後都幾耐都未黎
不過我地都未催佢
但係老闆都笑笑口咁行埋黎同我地講唔好意思
因為有個師傅休息 所以遲左上菜

首先黎左培根高麗菜
雖然唔係真係高麗菜只係椰菜
但係非常香口 仲要熱辣辣咁
D煙肉又唔會太多肥肉 不油不膩 岩岩好

之後黎三杯雞
係用個鍋仔裝住既
個waiter拎黎既時候幫我地揭開個蓋 之後撈d九層塔
d香味即刻出哂黎 又係非常之熱辣辣
雞肉好夠"淋"好夠味 又係岩岩好
建議撈"勻循"d汁會更加好味

最後黎炸豆腐
又係驚喜之作
外層個皮夠哂脆
入面既豆腐夠滑同熱
不過記得叫佢比碟淮鹽/椒鹽

上左菜之後叫左兩個白飯
飯好"軟熟" 好好味
d野食又好岩送飯

最後兩個人都係食唔哂
打包左d三杯雞
已經食左一半仲裝滿大半個外賣盒
碟碟野食都好夠份量 抵食又好食
下次想試下茶葉蝦

臨走前老闆都有問我地好唔好食
之後又再講多次唔好意思
知道我地香港黎既仲特登講廣東話 好鬼有禮貌

唯一美中不足係交通唔太方便
可以由火車站搭2號巴士羅嶺落之後過對面
或者83號羅湖區委落之後行300米左右都得
茶座同馬路有d近 不過有凹落去
整體環境好清靜 同埋我地點個3個菜都好好味
好東西不應被埋沒 值得一試