Read full review
2011-03-11
77 views
位於尖沙咀赫德道The Hart嘅和幸吧，正是以愛情豚肉賣到街知巷聞嘅和幸分店。呢個場最特別係有個可以容納8張木檯嘅露台，俾客人感受一下炭爐燒嘅風味。講真，炭爐燒對我來講興趣一般，加上當晚有點涼意，所以我都係選擇入面舒舒服服嘅梳化位，享用至愛嘅日式燒肉...餐廳內中間係一個大型吧檯，檯上有二人一爐設計，最啱兩個人對住熊熊烈火拍下拖(睇清楚，唔係乾柴烈火呀！)。不過就算唔黎食野，呢度都有生啤清酒可以俾大家傾計飲個痛快！餐廳其實有個份量夠二人食得飽飽嘅$268套餐，但睇完餐牌後覺得想試嘅野太多，所以決定逐樣散叫。不過無論叫咩都好，食日式燒肉又點可以唔飲返杯冰凍啤酒，朝日生啤($45)雖然比起其他品牌較貴，但飲落感覺就係冰凍順喉，爽呀！第一份肉到來，大家忍唔住開動了！先來係至愛嘅鹽燒厚切上等牛舌($79)，我一向都中意厚切嘅牛舌，尤其係呢種長條型狀特別啱我心水。爐火好猛，正好用黎將牛舌每邊燒得爽脆，而且呢份牛舌油脂分佈平均，咬落肥美軟熟，肉質豐腴，水準絕對及得上伊呂波。跟住送上檯嘅係清酒牛油帆立貝($76)，可能店方擔心食客燒帆立貝時會將牛油四濺，所以特意安排侍應在旁，細心地為我地燒烤。帆立
餐廳內中間係一個大型吧檯，檯上有二人一爐設計，最啱兩個人對住熊熊烈火拍下拖(睇清楚，唔係乾柴烈火呀！)。不過就算唔黎食野，呢度都有生啤清酒可以俾大家傾計飲個痛快！
餐廳其實有個份量夠二人食得飽飽嘅$268套餐，但睇完餐牌後覺得想試嘅野太多，所以決定逐樣散叫。不過無論叫咩都好，食日式燒肉又點可以唔飲返杯冰凍啤酒，朝日生啤($45)雖然比起其他品牌較貴，但飲落感覺就係冰凍順喉，爽呀！
第一份肉到來，大家忍唔住開動了！先來係至愛嘅鹽燒厚切上等牛舌($79)，我一向都中意厚切嘅牛舌，尤其係呢種長條型狀特別啱我心水。爐火好猛，正好用黎將牛舌每邊燒得爽脆，而且呢份牛舌油脂分佈平均，咬落肥美軟熟，肉質豐腴，水準絕對及得上伊呂波。
跟住送上檯嘅係清酒牛油帆立貝($76)，可能店方擔心食客燒帆立貝時會將牛油四濺，所以特意安排侍應在旁，細心地為我地燒烤。帆立貝不單吸收晒清酒牛油精華，於燈光下有如浮在黃金海上，迷人至極，而且食落鮮甜味美，彈牙爽口，味道確實唔錯！
一間日式燒肉店能否令我留下深刻印象，燒汁牛肋骨肉($79)應該會係我心目中嘅一條考試題目，而滲入牛肋肉嘅燒汁更加係關鍵所在。牛肋骨經秘製燒汁醃透之後，肉味更見濃郁，細細片嘅牛肋骨肉，先燒約廿秒，即時反轉再燒十秒上碟，肉汁就可以緊緊煎封在內，食落惹味無比，所以呢份牛肋肉何止合格，直頭係勁滿意添啦！
接住上嘅係呢度嘅名物山葵豚Toro($42)，呈粉紅色嘅豚肉肥瘦均勻，望落無令女士們驚惶失措嘅肥脂。山葵味在豚肉燒熟後慢慢滲出，陣陣清香，而咬落肉質嫩滑鬆化，非常好味。所以下次再黎，要試埋另一款柚子胡椒豚Toro先得！
餐牌上令我注目嘅其中一款食品就係岩鹽雞腎($38)，雞腎燒乾身後，帶有光澤嘅外皮咬落微脆，內裡爽而不韌，上面份量剛好嘅岩鹽只係令雞腎錦上添花，用來佐酒，感覺一流。飲得高興再叫多一客味噌牛肚($38)送酒，味噌牛肚盡吸醬汁精華，而且用味噌醃肉散發出黎果種鹹香，誘惑迷人，燒起上黎點都唔會差，不過...都係博多一丁目果份味噌牛肚更合我心水！
意猶未盡下再叫多一份燒牛，今次選取嘅係較刺激味蕾嘅激辣牛小排($79)。牛小排本身肉質較結實，而且油脂亦較為高，所以用黎燒烤就最好不過。呢份牛小排辣度只係輕量級，跟果啲味真香辣味牛肉乾同級，所以嗜辣如狂嘅朋友必定失望。不過呢度醬汁醃得非常好，燒起上黎香味四溢，食落油花散佈甘醇於口腔中，讓人回味無窮。
和幸吧跟銅鑼灣總店相比，基本上除左和幸兩個字外，感覺截然不同，而質素上更有青出於藍嘅感覺，愛和幸的朋友，定必愛上和幸吧，唯一美中不足嘅係呢度無左和幸果份燒芝士蛋糕吧！Post
