與火相聚在火船陳真 's Review Steamers Bar & Restaurant - Hong Kong Restaurants Guide HK Restaurant

老食友阿火從加拿大回來了, 由於我既工作的關係, 週日又要逗BB, 所有由他而衍生的飯局, 通通冇去. 好不容易, 才能私下約到老友, 連同一位英國老友, 先到我家探望BB. 再來到西貢, 找算請三位外國華僑, 食英式既pub dinner.

太耐冇來了, 首先去到 Duke of York, 原來那兒沒有做食物. 再想多一想, 有pub dinner食的, 是 Steamers. 於是拉大隊, 行多一個街口, 前來呢一間係西貢幾出名下既pub.

耐冇見, 大家閒談的, 已經不只是食物, 外國的生活點滴, 大家的近況. 幾時生仔等等. 發現大家, 也開始各至行入人生既新階段, 感覺有苦有樂.

大大只顧談, 差一點忘了叫食物. 這是英式的酒吧, 吃的, 當然是英國式的食物. 有英國肉腸, 有burger, 有lasagna, 有pizza, 仲有咖喱. 係英國油吧內食到既野, 係度, 一一見到.

先介紹我自己個份. 我點下的叫 Banger and Mash. 中文就是肉腸配薯蓉. 是一個非常傳統的英國食物. 肉腸, 是肥肥大大的生肉腸, 下面是綿綿的薯仔蓉. 肉腸香口好食, 的確不錯. 但薯蓉就感覺普通, 欠缺了牛油香之餘仲帶點水味. 相信是用薯蓉粉開出來的, 失了點意思.

火嫂就點下一個Titanic Burger. 他們係加拿大食Burger食到成為了達人. 她一咬就知龍與鳳. 漢堡看似不錯, 但可惜的是扒. 肉汁唔夠, 燒得過熟, 乾曾曾. 味道口感一般般.

Vegetarian Lasagna, 素食的Lasagna, 算是一個做得比較好的食物. 不過, 切批的劊子手, 手工一般, 因為出到來, 成pat野咁, 賣相好一點會令人覺得更加開心. 而味道上, 芝士夠重, 口感好cream.

朋友Antz叫的是一個12寸Pizza. 真羨慕有些人, 可以好大食, 又可以唔肥. 老Antz就是一個好例子. 他叫的, 名叫Spicy 12". Pizza是薄批, 除了基本的茄醬與芝士外. 配料只有辣香腸. 出來的薄批, 批脆, 批邊更脆, 芝士味重. 是純正歐陸式既薄餅.

阿火(Dragon Fire), 食我推介的印度咖喱. 我在幾年前的前文提及過, 這兒的大廚是一位印度人. 煮出來的咖喱非常之地道. 而咖喱, 也是在英國酒吧中常見之名物, 所以完全沒有違反Pub Food既傳統. 他點了Lamb Curry. 在我的感覺上, 食印巴咖喱, 配上羊肉, 才叫美味. 這咖喱, 香氣十足, 香料也十足. 可能只是酒吧式既敷衍原固, 咖喱既種類只有一個. 那些, Masala, Korma....等等. 就冇啦. 不過不緊要, 要真正食咖喱, 的確係要去正宗的咖喱館子. 這咖喱, 味道夠香, 食落辣味不重, 而且帶少少甜口. 香口咖喱, 我試了一下, 水準沒變, 不知珍饈百味的火兄, 感覺又如何呢.

音樂不響, 電視上播著我看了十幾年也看不懂的Test Cricket. 地方清靜. 聊聊天, 喝喝酒. 食下野, 撩下賓妹, 睇波, 睇Rugby, 睇Cricket, 睇F1. 英式酒吧, 叫做Public House. 的確是一個公眾的娛樂場所.

我們沒有在此飲野了, 埋單後, 行去碼頭的Cafe仔. 再聊下去.

Spending per head: Approximately HKD82(Dinner)

Other Ratings:

Taste

3 |

Environment

4 |

Service

3 |

Hygiene

3 |

Value for Money