前排大阿姨生日...我地呢個蝗蟲家庭又出去擦返餐,
廣東菜食得多, 今次我提議試下京菜...
上年同一班朋友初嘗泰豊廔...覺得都頗具風味, 而且價錢相宜, 但最重要係碟頭較哂份量, 絕對合哂我地蝗蟲家庭"何車"~
點了個8人套餐, 另外再加了部長介紹的幾道菜~
重點介紹一下:
In套餐
醋溜鮮黃- 黃魚king size... 自己應該買唔到咁大條~ 皮本身炸得脆卜卜,但加上甜酸汁,半脆半軟,又不會太乾, 非常醒胃~!本人夾不停~
叉子燒餅+炸菜肉末 - 叉子燒餅本身雖然味道唔算有乜特別, 但勝在將炸菜肉末塞呀塞塞入個"燒餅袋"0既食法幾有趣~但可惜當晚0既炸菜肉末略嫌淡左d唔夠味,扣左d分~
片皮鴨 - 鴨片偏肥&多肉,而麵皮就稍較為厚身粗糙~味道ok~
部長推介
山東手撕雞- 雞肉唔"鞋",再加上即席淋上去0既甜醬油&蒜蓉, 非常招惹味~又夾唔停~!
鍋塌豆腐 - 被部長形容為"平,靚,正"的菜色, 果然都冇介紹錯, 炸左皮0既豆腐, 裡面好滑溜~個茨汁味濃得0黎又不至搶哂豆腐0既味, 而且d汁"掛"住件豆腐, 好味~!
小籠包- 肉汁爆滿, 老媽一咬口落去,結果坐0係隔離0既我中哂招

總括0黎講, 如果閣下係鍾意食"精緻"野, 講賣相, 講陳設0既人, 泰豊廔應該唔會係你杯茶, 因為無論係食店0既環境,以至食物本身, 都帶住一種"平實粗獷"0既味道~本人幾喜歡呢種風味,或者呢種就正正係老店0既可愛之處喇~