大家去呢間之前，真係唔好太大期望。
老實講，$200之內可以食到放題，以前我會覺得都唔會好得去邊
但自從我試左吉壽之後，我就覺得原來係正野架波
所以之後都禁不住會拎吉壽同其他放題比，有時我請願俾多$30都去吉壽食...
因為今次我真係燥左，差到呢，真係唔知點形容

先唔講食物，就講等位，
唔明白點解佢啲時段會有overlap，所以轉場極混亂，
就算我book左位都等左15分鐘不止，
前面仲有2pair顧客嘈緊，
可見有幾亂，管理上已係問題。

食物方面，我真心啞左...
刺身得6款，我未見過放題得甘少款，
都算，新鮮就真係唔稱得上，
都算，大佬丫，可否換一把利少少既刀，
唔係拖晒尾囉
都算，我地叫左30件三文魚，佢黎左10幾件，都見怪不怪，
好少有餐廳會叫幾多黎幾多，
重點係等左成30分鍾以上，
原因係人手唔夠，多單，
友人a說：玩restaurant city都知唔夠人要請人，即係係我地顧客既錯=口=

壽司叫多款少少甘啦，真係少少，
個飯就真係精粹啦
實到呢，友人b由高處掟下，掟左幾次都唔散，你話係咪經典
仲要酸到冇朋友.....

串燒，不過不失，
最好味既係牛油粟米，有粟米味又有牛油味甘囉

超級經典之最係，
即係佢啲炸物又係少架喇，甘我諗住炸蠔都唔會差太多既
佢一黎我無言，係我錯，佢的確冇寫係咩蠔
但都唔係整兩隻蠔仔煎個啲蠔仔俾我丫，大老
炸漿厚算，但我真係容忍唔到放題既炸蠔係用兩隻蠔仔炸囉

唯一好既係蝦天婦羅，夠熱，完
其他蔬菜類可以睇得出師傅刀工既精細，片到薄薄的，好丫

飲品冇味囉
全場最好食既一定係雪糕，不過雪到有冰，仲要係雀巢or維記
唉，埋單仲要計錯數，
都真係灰到盡架喇，都算喇，改單用左半個鐘改，
埋單$160
我真係好想加多$20去吉壽T_T
真係完喇今次。

P.S. 我未試過為一間餐廳影甘多相，平時食都食唔切，今次我真係零胃口兼大把時間影相。