AJ's Sri Lankan Cuisine    AJ's 斯里蘭卡菜館  

上次食甜品, 見到有呢間斯里蘭卡餐廳, 本港真係少有, 門面裝修好特別, 仲有支旗在上面fig fig 吓, 已決定要一試, 今日有時間, 拉左大豬女友和媽來!

晚上的西貢, 全部的餐廳都全力拉客, 尤其係d 海鮮檔,
但此餐廳又要在呢排海鮮檔的後面; 要行到過來真係有d過關斬將咁~

來到門外的時候, 秉承西貢的傳統, 馬上有個職員哥哥出來招呼, 熱烈推介下, 我們也進內坐下了.
內的裝修幾特別, 有個噴水池仔但內的光管係青色; 左右兩邊掛左好多斯里蘭卡的相.
有個吧仔, 仲有特別既就係 - 三角型的天花, 向著中間擴張上去, 好夠空間感.

都餓了. 睇menu 喇;
其實真係唔太識點叫, 只係睇左openrice, 而全港原來係只得一間斯里蘭卡菜館的;
好多都想試~ 叫哥哥介紹, 佢推介斯里蘭卡入口的蟹, 但大豬女友皮膚發作緊敏感,
今餐都係同呢味菜無緣~

揀了又揀, 最後叫左:
乜都有的大拼盤 (fish roti 必食嘛!),
人人讚又有特色的pittu,
門口的牌推介的devilled chicken,
怕辣的阿媽要pork black curry少辣;

另見有d斯里蘭卡入口的汽水, 有橙, 屁廉, 薑味等;
橙同忌廉由細飲到大, 所以我叫了比較少飲的薑味. 又幾冰凍, 少許辣又幾開胃~

拼盤先上喇, 當然. 一籃仔的小食, 馬上攞個三角型的魚roti 先~
有所不知, roti 係"煎魚雜菜三角包" 咁解. 係d魚加入洋蔥, 辣椒等再煎, 才放上包上,
再摺成三角型的包.
好熱. 切開出煙, 似似地個三文治咁, 但d魚睇得出係一絲絲的; 唔太辣,
但如果可以多少少魚就仲好;

炸豆蓉餅"dhal vade", 好似一塊曲奇餅咁, 但係劣到深啡色;
少許硬, 少許脆的, 食落有d香料味, 又唔算太油.

另仲有炸魚薯球, 雞肉薯仔咖哩角; 都係炸的, 明顯係深受印度飲食文化影響;
味同印度的也是差不多, 只係冇咁濃烈.

食完個拼盤已半飽, 其他的菜繼續上~ 當然食個pittu 先. 即椰蓉蒸飯+咖哩豆;
用竹筒蒸出o黎的圓柱型, 真係幾特別; 加上有椰香, 聞倒有d 甜味咁.
想用個匙羹分開三人食, 才發覺d 飯係痴住一舊, 好似係一條過咁!
最後用刀切~ 好似切腸仔咁. 估佢唔倒~
和聞倒的一樣, 食落有椰香, 幾甜; 跟的咖哩係豆咖哩; 樣係深黃色, 但係幾濃, 幾杰; 唔係水注注的咖哩.
筆一羹, 放上飯, 嘩幾辣~ 香料味也幾濃烈. 呢味係今晚最似印度咖哩/印度菜的味道呢.
點薄餅也好合適.

個devilled 雞, 其實唔係魔鬼, 係"斯式甜酸炒" ~ 加入了蔥, 辣椒, 糖等, d 甜酸汁同中式的咕嚕汁真係異曲同工. d 汁幾甜, 點包我個人唔係咁鐘意; 但d 雞真係幾入味, 就咁食已好好, 肉夠嫩唔韌, 少少燒雞的味道.

pork black curry, 其實一d 都唔似咖哩, 其實係d啡黑色的濃湯o黎.
d豬肉已好淋, 切到好薄, 唔肥的; d 濃湯散發出濃烈的香料味, 飲一口,
味道卻冇個樣咁濃咁香, 只係少許咸喇. 係比較遜色的一味.
由於係湯咁, 也不合適點薄餅食...

最後仲有個甜品, 哥哥落力推介"watalappam", 係椰子奶, 棕櫚樹糖, 及加了香料的蛋,
(cinnamon及蜜糖等), 蒸熟再雪凍的一個pudding.
味有d 似燉蛋, 但食到下面有d 蜜糖, 開始有d 甜, 繼而才食出d 香料味, 好特別,
媽問可否像燉蛋咁熱食, 廚師親自出o黎回答, 係唔得架, d蛋會唔"瓊". 所以要雪凍.
真係未食過, 推介~
食完d咖哩有呢個清新的甜品, 真係一流.

服務一流, 全體職員都好落力, 好友善.
下次哥哥說可試lamprais ,即蕉葉飯, 聽落都幾吸引, 係薄餅切條再加入肉碎,蛋, 蔥等炒~

真係想不到全港只此一家斯里蘭卡餐館. 愛濃味辣咖哩的我, 都係覺得印度式o岩我d. 但愛mild d, 清d 味的朋友可能會係個驚喜.