Read full review
2009-12-30
14 views
為慶祝朋友生辰, 決定黎ruby tuesday 食返餐好. 其實我都係第一次黎試. 早上打去訂左位.5人8時多入坐. 一卡位再加一張椅. 9時先開始點野食. 大家都肚餓了首先我必點既係crabcake. 本人去美國餐廳必點. 上次食完hardrock真材實料crabcake一試難忘此處crabcake 約$120. 來到見到只係一塊開4件, 比較有點失色, 還說什麼"jumbo", 可能係講緊隻蟹, 唔係講緊個crabcake冇咩蟹味. 質感亦唔似蟹肉. 肉比較散碎. 整體黎講唔好食. 完全唔係我想要既結果菜加個醬好味. 我平時唔食沙律都覺得唔錯.來一個chicken quesadillas $172, 貌似一片片pizza. 但quesadillas係墨西哥既菜色, 食taco既地方都有入面夾住既係cheese 同埋少少一粒粒既雞胸肉, 講真d 雞胸肉少到有=冇咁.旁邊仲有點墨西哥o個d 三角脆脆既sauce 同cream cheese.片quesadillas 烤得乾身, 有點脆, 咬落散發好香既cheddar cheese.但因為入面只有芝士同雞胸既關係, 略嫌味道有點寡, o
5人8時多入坐. 一卡位再加一張椅. 9時先開始點野食. 大家都肚餓了
首先我必點既係crabcake. 本人去美國餐廳必點. 上次食完hardrock真材實料crabcake一試難忘
此處crabcake 約$120. 來到見到只係一塊開4件, 比較有點失色, 還說什麼"jumbo", 可能係講緊隻蟹, 唔係講緊個crabcake
冇咩蟹味. 質感亦唔似蟹肉. 肉比較散碎. 整體黎講唔好食. 完全唔係我想要既結果
菜加個醬好味. 我平時唔食沙律都覺得唔錯.
來一個chicken quesadillas $172, 貌似一片片pizza. 但quesadillas係墨西哥既菜色, 食taco既地方都有
入面夾住既係cheese 同埋少少一粒粒既雞胸肉, 講真d 雞胸肉少到有=冇咁.
旁邊仲有點墨西哥o個d 三角脆脆既sauce 同cream cheese.
片quesadillas 烤得乾身, 有點脆, 咬落散發好香既cheddar cheese.
但因為入面只有芝士同雞胸既關係, 略嫌味道有點寡, o係外國食過quesadillas更多咸料味道更豐富, 但不竟這裡是香港. 就像o係外地食中國野還是比下去.
o係美國餐廳一定要點既rib. 今次要左最大個size既honey ribs $258
真係幾大條幾長. 大約有十件左右.
honey ribs真係比較甜. 當然只有外面有蜜味, 所以叫waiter 拎左d sauce過黎.
一比之下就食得出d sauce 係佢地classic o個隻sauce. 又即係最原先bbq ribs既sauce, 度度都係咁上下味, 所以一食就知.
還是classic既燒汁好味過honey sauce.
朋友們都話哩度既ribs比較乾身難咬同冇咁滑. 當然. 哩個唔係baby ribs呀嘛, 冇咁滑係正常, 但menu入面並冇他算, 所以將就下吧. 我自己而言亦唔係話太差. 但outback既baby back ribs的確係首選
侍應早前比左d 濕紙巾, 真係周到. 知道有人食rib係用手 (唔通仲同你慢慢切咩)
黎到steakhouse 點可以唔叫返個steak. 但我地當中有人唔食牛, 所以叫左個shrimp + steak $268
size 就要左個mashed potatoes
再一次又係非常之香既薯蓉, 好香cheddar cheese味, 味道均勻, 每啖都有芝士味. 但入面就冇其他既材料了. 又係味道寡左d
蝦望落都幾大隻, 原來會拼埋意大利飯. d 飯又幾好食, 煙煙韌韌咁.
旁邊既薯蓉上既sauce 幸好係cream cheese. 而唔係快餐廳既沙律醬.
steak要左medium rare. 比想像中薄. 味道還可以. 幸好唔韌, 非常易咬亦冇肥膏, 砌開中間還紅卜卜, 幾juicy.
最好食係steak 上面既醬, 牛油再加香草味的確非常配合, 如果怕牛肉既味或者哩隻醬可以幫手掩蓋一點.
最後叫一個chocolate tallcake黎做全晚總結
個杯好大, 亦都非常的大杯. 一件朱古力蛋糕在底, 加一球雲呢拿雪糕, 再加點cream 同餅碎在上.
朋友話佢上次食o個杯大好多. 但哩個份量都足以令我大開眼界了.
其實成杯野都只係幾樣唔會難食既野加埋一齊, 再改一個勁d 既名就賣到$96
主要講一講個朱古力蛋糕, 質感比較粗糙, 並不是海綿蛋糕. 朱古力味香濃.
食到最底仲有d 朱古力餅, 淋中帶點脆, 真係照顧周到.
但不竟食個咁既野要$96, 抵唔抵就見人見至.
隔離台有人生日, 侍應們都去唱生日歌, 拍晒手咁. 估唔到香港都有d 咁既野, 不過香港人好似唔係好受哩套.
AIG 信用咭有6折, 最後請埋朋友$170. 但又未至於太飽. 我當日已經唔算係肚餓. 味道方面亦未見太突出.
Post
