合興火鍋  

(有相)好唔好食又睇落去 262 回: 白色情人節哈哈大笑蝦丸@佐敦合興火鍋!

http://hk.myblog.yahoo.com/goodboy_philip/article?mid=32774

呢兩日天氣突然轉涷, 要暖笠笠自然要去 "十下十下" 打個邊爐啦!

好喇好喇! 大家肚餓架喇! 講番食啦! 今次去左佐敦既合興火鍋!

地址: 佐敦吳松街62號地下

招牌湯底: 問阿姐有咩湯底推介, 呢位 "阿姐一號" 推介呢個招牌湯底, 夠哂清! 齋飲都得呀! WAKAKA...

豬腰: 平時打邊爐既豬腰多數係一小塊, 呢度開邊長切, 雖然我係一啖都無食, 不過睇黎友人食得津津有味, 相信都新鮮好味!

四寶丸: 墨魚丸, 鯪魚丸, 牛丸, 蝦丸, 墨魚丸打得實好好咬; 牛丸牛味特濃; 鯪魚丸無食到唔知味道如何呢?

蝦丸不得了! 用幾隻蝦混少少蝦膠打出黎, 可能我孤陋寡聞, 我第一次食到咁好味咁原整既蝦肉丸啦! 一於推介呢間既四寶丸!

鱔片: 友人 S 既 FAVORITE! 膽粗粗試一口! AH...打邊爐熟魚同鱔都係唔0岩我, 結果要用啤酒郎口! 鍾意食鱔既朋友都覺得用料新鮮!

特級手切肥牛: 肥牛分三級: 超頂級, 頂級同特級, 價錢分 $278, $208 同$178, 呢個係 $178, 果然係一分錢一分貨...

好孩子食肥牛依舊拖兩拖見粉紅就 TICK 起食, 呢款肥牛肥脂唔多, 比平時食肥牛濃味得多, 肉質無咁嫩滑, 睇下個人口味係鍾意食肥脂一或肉味啦? 正如食大拖羅同中拖羅咁! HAHA...

招牌牛柳粒: $138 一碟, 友人 B 係牛肉愛好者, 指明要食牛柳粒! 友人 B 拎起個 "理" 放粒牛柳粒去 "十"! 說時遲那時快, 阿姐二號勁好 SERVICE 一手拎起隻碟, 掃左半碟落去 。

友人 B 問: "咁 D 牛柳粒咪游走哂?!

阿姐二號: "實 LAU 到 WOH! 你估係西湖呀?" WAKAKA...阿姐二號真係風趣!

生蠔: 新鮮! 相信呢間火鍋既買手入貨眼光幾好!

"油墨"菜: 打邊爐用料新鮮真係好重要! D 菜想搵枯位都無!

"枝竹": 打完風先黎既 G JOKE!

出前一丁同烏冬: HA...好似無食過野落肚, 真係要整個麵...

撈丁, 三啖五秒, 食完...

小小烏冬幫下手頂頂個胃好無...

第一次連打邊爐個湯裡面所有野清哂...因為真係好肚餓...頂......唔住! 無法啦...我真係頂唔順, 提議過隔離街食 D D 野, 好啦! 留番下回: 好唔好食又睇落去, 再分解!

睇下個洗手間入口? 三呎幾, 睇頭啊! 睇表演, 六呎長人點樣屈身出番黎? WAKAKA...

埋單四人八百。

環境: 2.5 (分兩層, 我地0係上層食, 爐枱同環境夠哂簡單。)
衛生: 2.5 (碗筷枱凳算清潔, 地板無濕都算係咁。)
服務: 3.5 (阿姐一號同二號真係可以用 PROACTIVE 黎形容, 主動 SELL 你, 又風趣, 我 BUY 你呀。)
設計: 2 (Menu 簡單幾幅相, 張張過膠無起角。咦! 有押韻 WOH! HAHA...)
味道: 3 (除左個特級牛之外, 其他野食好新鮮, 四寶丸頂瓜瓜 (WA!!! 好 LEUNG 既形容詞啊! 夠哂 YO! 夠哂爆! 超勁 LOH! HAHAHA...)
價錢: 2 ($178 $208, $278一碟肥牛, 無試超頂級肥牛唔敢講話價錢同味道成唔成正比, 不過$178既特級肥牛就...)

最終評分: 3 整體野食值三星半, 不過個人打邊爐比較睇重肥牛關係......所以比少半粒星仔啦!

合興火鍋,火鍋,合興四朵火鍋,木村拓哉,木村,上野樹里,宮崎葵,蛯原友里,anecan,more,non no,押切萌,綾瀨遙,好孩子,日本