Okonomi Japanese Food    隨您鍾意   (Closed)

頭先去食完，7:00打去訂台，8:00準時先比台我。阿收銀姐姐好好，叫親都會先應"黎，好呀"。跟住留意下d服務，不停手咁做，又平又好食，梗係旺d架啦，之後專登撩呀金毛斟茶，叫左兩次都未斟，不過第2次叫時，佢發覺無人斟就即刻話得，你比20秒我等我送埋個餐即刻斟比你，之後我話:"謂你比人在網上唱你態度差播!" 金毛即刻話"我公事公辦，盡左力都無辦法，好似d人要咖哩汁，要加錢就鬧，我都無計架!" 我話" 啊，你知邊個唱你。" 金毛話:"知唔知都好啦，我做我o既野，不合理要求做唔到都無辦法，如果有問題咪同老闆講囉，如果投訴完老闆都留我o係到做，咪證明我無問題囉。我都認得你地間中有來幫襯，清者自清，我都唔理得咁多。"

我的忠實評語: 繁忙時間人手不夠，但可以體諒，至於話D伙計黑口黑面，一D都唔同意。咁都話差就真係唔知點先算好，當然同酒店無得比啦，你要睇下你去D咩GRADE的食肆先得架，忙到手都唔停，重想點呢？