1號同4個friend一齊去食韓燒.
呢個價錢, 無期待過有咩特別好嘅野食, 所以唔多講. 想講嘅係果度嘅某個長曲髮女部長.

5個人食2個鐘. 同一張梗枱嘅另一邊有3個人, 聽到個帶位同佢地講佢地食個半鐘.
一心諗住隔籬都未食完, 點都應該仲有半個鐘, 所以出得到去攞野食幾個就出去再攞野食.
呢個時候有個男部長走嚟同我地講夠鐘, 要埋單. 最初以為佢凈係同隔籬講, 點知原來2枱都係.
睇吓表, 又真係夠鐘, 咁都ok啦. 叫佢攞單過嚟, 我地咪埋單走人囉.
等等吓, 有個女部長好惡咁走過嚟:喂!你地呢枱坐到過晒鐘囉喎!

大姐!你都唔攞單嚟俾我埋, 我地點走呀? 係咪唔駛埋單就走得先?

又等咗排, 亞男部長卒之攞單過嚟, 但係就得隔籬果張. 原來佢地以為我地係一齊嘅(大佬你地唔係電腦入單嘅咩?)
當我地又喺度等埋單嘅時候, 果個惡死女部長竟然走嚟一手搶咗我個friend拎住喺手嘅信用卡!

咩事呀家陣?!

呢間野因為呢個亞姐即刻俾我地打入黑名單, 打死都唔會再去!!