兩個人星期六晚黎食. 入去第一個感覺係幾逼同幾嘈下.但個境都算幾好啦.

叫左野後首先黎幾支好大既bread stick, 好大支, 張檯又唔大.擺係中間. 睇唔到對面o個位...支bread stick喊喊地, 但有d晏.

跟住黎左兩塊上面有d碎番茄既麵包. 好清.

之後仲黎多碟熱既麵包. 洗唔洗卑甘多麵包呀!驚我地食唔飽?! 淨係d麵包都霸左半張檯...

跟住終於黎個雜菜湯. 我叫雜菜湯因為lum住清清地.點知原來好多豆加好多料. 好似食緊胡仔多過似飲湯.

跟住食個蜆肉意粉. 本來我係叫個推介意粉蝦同帶子茄汁意粉. 但係個waiter係甘話個蜆肉意粉好食, 甘就叫左. 點知都係麻麻. 個蜆真係新鮮, 但係亦都非常細粒. 因為想突出個蜆, 所以意粉冇汁, 淨係得油. 喊喊地甘.冇乜特別.唔特別鍾意.

另外叫左個魔鬼魚, 個味都係普通. d肉比想像中鞋.

服務就麻麻. D waiter成晚都好忙甘走黎走去, 想叫個人羅d 野黎都有d 困難. 服務似Spaghetti House 既水準.

o甘o既價錢未必會再揀呢度.