叫左個二人套餐($222)

1) 生蝦刺身: 呢個無話唔好食GE, 不過我辣到標眼水.
2) 炸蝦餅: 個皮炸得好脆, 入面蝦肉好彈牙
3) 海鮮炒飯: 唔夠獲氣, 無乜味道~~似食炒白飯~~失望!
4) 蟹肉扒西蘭花: 我搵唔到有蟹肉, 而且個汁無味, 似淨係打左個茨.....差!!!!
5) 冬陰公湯: 都OK~ 無乜特別~
6)甜品: 係泰式西米露, 我食到有陣洗潔精味~好驚~食左幾啖唔食喇...

食過咁多間泰式菜館~呢間真係唔太合格呀!!!

見成日o係元朗食金田、酒泉...
就試下木村...
見佢成張menu都話所有食品只係$10...
又真係幾吸引ge....連炒蜆、拉麵、飯、手卷、刺身、壽司都係$10...
每人最低消費$60..
所有我同男朋友總共叫左12樣東西...
三文魚壽司(3件): 我未試過食三文魚壽司係無味道嫁!!!!
芝士火炙海蝦壽司(3件): 不知所謂, 芝士是凍的...照理應該係stick住d蝦...但係係分開的!!!
三文魚炒飯: 又係無味!!!!
鰻魚壽司(3件): 鰻魚薄過廁紙~
辣醬炒蜆: 第一次上ge時候10隻蜆有一半都係合蓋..叫左waitor換過之後....情況都係一樣=.= 算數...

唯一讚下....個芝士焗野菜都唔錯....
其實都幾抵食ge....叫左12樣食品每人$60, 加一都係$66
不過唔好期望咁高law!!!!

星期五午市套餐$65

SOUP: 雜菜意粉湯
但係食唔到有意粉~不過清清淡淡都唔錯.

配菜: 羊肉配芝麻醬
本身幾怕食羊肉因為驚D "蘇"味~但係呢個一D都唔蘇, 好香~配埋D芝麻醬真係一流~

主菜: 埃及通粉
一見到就有D失望~佢係混合左意粉、飯、通粉~好奇怪~
味道麻麻地~唔知係食唔慣定係真係唔好食~ 總之就唔好食啦~

加送彼得飽~ 無咩特別~

不過環境好舒服~有位中東侍應生態度有善.

叫左個朱古力秋香～
食落去個感覺好似食緊雪糕咁～
不過朱古力味唔夠濃郁!

要讚ge係呢個秋香加入ge配料同個朱古力好match~
但係綿花糖多番少少就更好喇~

我都係第一次黎euro go go食飯~
同同事兩個人點了3樣東東:

1) 菠菜龍脷柳飯: 呢個係3樣東東之中最較為失望ge~ 就咁睇佢賣相好似唔錯, 可惜, 第一啖食落去覺得d 龍脷柳咁鬼鹹ge? 我平時都幾食得鹹野, 但係呢個飯真係超出左我標準喇~而且個汁無芝士味, 亦味菠菜味….點解euro go go個menu會將呢個飯旁邊有粒星呢??? 呢個飯真係咁受人歡迎?

2) 千島海鮮pizza (half serving): 呢個pizza真係唔錯~ 雖然佢份量少、食唔飽~不過呢~我最欣賞佢個餅底, 好似餅乾咁鬆化, 再配合埋上面ge千島海鮮就真係幾正ge~

3) 焗薯皮: 佢做緊promotion, $20有4個...所以就點呢個試下~ 每個薯皮上面加入茄汁同芝士, 兩個sauce份量剛剛好, 薯皮好脆, 入面ge薯仔熱辣辣~唔錯唔錯~